കൈതാരം: മുഖ്യമന്ത്രി വി.ഡി. സതീശൻ്റെ മണ്ഡലത്തിൽ ഉൾപ്പെട്ട പ്രദേശത്ത് കെഎസ്ഇബി ട്രാൻസ്ഫോർമറിന്റെ ഫ്യൂസ് ഊരി വൈദ്യുതി തടസ്സപ്പെടുത്തിയ കേസിൽ പ്രതി അറസ്റ്റിൽ. കൈതാരം സ്വദേശി കളത്തിപ്പറമ്പിൽ വിഷ്ണുവിനെ പുണെയിൽനിന്നാണ് പൊലീസ് പിടികൂടിയത്.
കഴിഞ്ഞ വൈദ്യുതി പ്രതിസന്ധിയുടെ സമയത്ത് പറവൂരിൽ വിവിധ ട്രാൻസ്ഫോർമറുകളിൽനിന്ന് ഫ്യൂസ് ഊരിമാറ്റുന്ന സംഭവങ്ങൾ വ്യാപകമായി റിപ്പോർട്ട് ചെയ്തിരുന്നു. കൈതാരത്ത് നടന്ന സംഭവത്തിന്റെ സിസിടിവി ദൃശ്യങ്ങൾ പൊലീസ് ശേഖരിച്ചിരുന്നു. തുടർന്ന് കെഎസ്ഇബി നൽകിയ ഔദ്യോഗിക പരാതിയുടെ അടിസ്ഥാനത്തിൽ നടത്തിയ അന്വേഷണത്തിലാണ് പ്രതിയെ കണ്ടെത്തി അറസ്റ്റ് ചെയ്തത്.
കെഎസ്ഇബി പവർകട്ട് ഏർപ്പെടുത്താത്ത സമയങ്ങളിൽ ട്രാൻസ്ഫോർമറുകളുടെ ഫ്യൂസ് ഊരിമാറ്റി ജനങ്ങളെ ബുദ്ധിമുട്ടിക്കുന്നതിന് പിന്നിൽ സ്ഥാപിത താൽപര്യക്കാരുണ്ടെന്ന വിമർശനം നേരത്തേ മുഖ്യമന്ത്രി ഉൾപ്പെടെയുള്ളവർ ഉന്നയിച്ചിരുന്നു.
ജനങ്ങൾക്ക് മനഃപൂർവം ബുദ്ധിമുട്ടുണ്ടാക്കുക എന്ന ലക്ഷ്യത്തോടെയാണ് പ്രതി ട്രാൻസ്ഫോർമറിന്റെ ഫ്യൂസ് ഊരിമാറ്റിയതെന്നാണ് പൊലീസിന്റെ പ്രാഥമിക നിഗമനം. സംഭവത്തിന് പിന്നിലെ ഉദ്ദേശ്യവും മറ്റാർക്കെങ്കിലും പങ്കുണ്ടോയെന്ന കാര്യവും കണ്ടെത്താൻ പ്രതിയെ കൂടുതൽ ചോദ്യം ചെയ്തുവരികയാണ്.
