BREAKING NEWS

പപ്പ വന്നിട്ടുണ്ടെന്ന് പറഞ്ഞ് കെ.ജി. വിദ്യാർഥിനിയെ 8 വയസ്സുകാരൻ ആളില്ലാത്ത ക്ലാസ് മുറിയിലേക്ക് കൂട്ടികൊണ്ടുപോയി, ഇഷ്ടിക, പൂച്ചട്ടി, അലുമിനിയം ഡസ്റ്റ്ബിൻ എന്നിവ എടുത്ത് മർദിച്ചു; തല ബെഞ്ചിലും ഡെസ്കിലും ഇടിച്ചു; ഗുരുതര പരിക്ക്; നിർണ്ണായകമായത് സിസിടിവി റിപ്പോർട്ട്

· · 1 min read
Share: Copied!

പഞ്ച്കുള: ഹരിയാണയിലെ പഞ്ച്കുളയിൽ ശാരീരിക-മാനസിക വെല്ലുവിളികൾ നേരിടുന്ന കെ.ജി. വിദ്യാർഥിനിയെ മൂന്നാം ക്ലാസുകാരൻ ക്രൂരമായി മർദിച്ച സംഭവത്തിൽ കൂടുതൽ വിവരങ്ങൾ പുറത്ത്. അച്ഛൻ എത്തിയിട്ടുണ്ടെന്ന് പറഞ്ഞ് പെൺകുട്ടിയെ ആളൊഴിഞ്ഞ ക്ലാസ് മുറിയിലേക്ക് കൂട്ടിക്കൊണ്ടുപോയ ശേഷമാണ് എട്ടുവയസ്സുകാരൻ ആക്രമിച്ചതെന്നാണ് വിവരം. ഒക്ടോബർ 28നായിരുന്നു സംഭവം.

സംസ്കൃത് മോഡൽ സ്കൂളിൽ നടന്ന സംഭവത്തിൽ ഇഷ്ടിക, പൂച്ചട്ടി, അലുമിനിയം ഡസ്റ്റ്ബിൻ എന്നിവ ഉപയോഗിച്ച് കുട്ടിയുടെ തലയിലും ശരീരത്തിലും മർദിച്ചെന്നാണ് ആരോപണം. തല ബെഞ്ചിലും ഡെസ്കിലും ഇടിച്ചതായും പുറത്തുവന്ന സി.സി.ടി.വി. ദൃശ്യങ്ങളിൽ കാണുന്നുവെന്നാണ് റിപ്പോർട്ടുകൾ. ആക്രമണത്തിനുശേഷം പുറത്തുപോയ കുട്ടി അരമണിക്കൂറിനുശേഷം വീണ്ടും ക്ലാസ് മുറിയിലെത്തി മർദനം തുടർന്നതായും ദൃശ്യങ്ങളിലുണ്ടെന്നാണ് വിവരം.

മകളെ കൂട്ടിക്കൊണ്ടുപോകാൻ എത്തിയ ഓട്ടോറിക്ഷാ ഡ്രൈവർ കുട്ടിയെ കാണാതായതിനെ തുടർന്ന് പിതാവിനെ വിവരമറിയിക്കുകയായിരുന്നു. സ്കൂളിലെത്തിയ പിതാവിന്റെ അടുത്തെത്തിയ എട്ടുവയസ്സുകാരൻ തന്നെയാണ് പെൺകുട്ടി മുകളിലുണ്ടെന്ന് പറഞ്ഞ് ക്ലാസ് മുറിയിലേക്ക് കൂട്ടിക്കൊണ്ടുപോയത്. ‘അങ്കിൾ, ഞാൻ നിങ്ങളെ മുകളിലേക്ക് കൊണ്ടുപോകാം. അവൾ അവിടെയുണ്ട്’ എന്ന് കുട്ടി പിതാവിനോട് പറഞ്ഞതായി പെൺകുട്ടിയുടെ അമ്മാവൻ ഇന്ത്യൻ എക്സ്പ്രസിനോട് പറഞ്ഞു.

രക്തത്തിൽ കുളിച്ച് ബോധരഹിതയായ നിലയിലാണ് പിതാവ് മകളെ കണ്ടെത്തിയത്. ഗുരുതരമായി പരിക്കേറ്റ പെൺകുട്ടിയെ ചണ്ഡീഗഢിലെ പി.ജി.ഐ.എം.ഇ.ആറിലേക്ക് മാറ്റി. കുട്ടി നിലവിൽ അപകടനില തരണം ചെയ്തതായി പൊലീസ് അറിയിച്ചു.

സംഭവത്തിൽ സ്കൂൾ അധികൃതരുടെ ഭാഗത്തുനിന്നുണ്ടായ സുരക്ഷാവീഴ്ച ചൂണ്ടിക്കാട്ടി മാനേജ്‌മെന്റിനെതിരെയും പൊലീസ് എഫ്.ഐ.ആർ. രജിസ്റ്റർ ചെയ്തിട്ടുണ്ട്. സംഭവത്തിൽ നിഷ്പക്ഷവും സമഗ്രവുമായ അന്വേഷണം നടത്തുമെന്ന് പൊലീസ് വ്യക്തമാക്കി.

ആക്രമണം നടത്തിയ കുട്ടിക്ക് എട്ടുവയസ്സായതിനാൽ ജുവനൈൽ ജസ്റ്റിസ് നിയമത്തിലെ വ്യവസ്ഥകൾ കൂടി പരിഗണിച്ചാണ് അന്വേഷണം മുന്നോട്ടുപോകുന്നത്. കുട്ടിയുടെ മാനസികാവസ്ഥയും പ്രവൃത്തിയുടെ സ്വഭാവവും പ്രത്യാഘാതവും മനസ്സിലാക്കാനുള്ള ശേഷിയും വിദഗ്ധരെക്കൊണ്ട് വിലയിരുത്താൻ പൊലീസ് നടപടികൾ ആരംഭിച്ചു. ഏഴുവയസ്സിന് മുകളിലും 12 വയസ്സിന് താഴെയുമുള്ള കുട്ടികൾക്ക് തങ്ങളുടെ പ്രവൃത്തിയുടെ സ്വഭാവവും പ്രത്യാഘാതവും മനസ്സിലാക്കാനുള്ള പക്വതയില്ലെങ്കിൽ ക്രിമിനൽ ഉത്തരവാദിത്വത്തിൽനിന്ന് ഒഴിവാക്കുന്ന ഭാരതീയ ന്യായസംഹിതയിലെ 21-ാം വകുപ്പും അന്വേഷണസംഘം പരിശോധിക്കുന്നുണ്ട്. വിദഗ്ധ പരിശോധനാ റിപ്പോർട്ടിന്റെ അടിസ്ഥാനത്തിലായിരിക്കും തുടർനടപടികൾ.

സംഭവത്തിൽ അന്വേഷണം നടത്താൻ ഹരിയാണ സർക്കാർ അഞ്ചംഗ സമിതിയെ നിയോഗിച്ചിട്ടുണ്ട്. സംസ്ഥാനത്തെ സ്കൂളുകളിൽ സമഗ്ര സുരക്ഷാ ഓഡിറ്റ് നടത്താനും ഉത്തരവിട്ടു. പെൺകുട്ടിയുടെ ചികിത്സാച്ചെലവ് സർക്കാർ വഹിക്കുമെന്നും അറിയിച്ചിട്ടുണ്ട്.

BREAKING NEWS
യുദ്ധം ആരംഭിച്ച ശേഷം ഇതുവരെ വെടിവെച്ചിട്ടത് 58 ഡ്രോണുകൾ!! പുതിയ വ്യോമപ്രതിരോധ സംവിധാനം ഉപയോഗിച്ച് രണ്ട് അമേരിക്കൻ ഡ്രോണുകൾ വെടിവെച്ചിട്ട് ഇറാൻ, സൈനിക നീക്കങ്ങൾക്കിടെ അമേരിക്കയ്ക്ക് 45 എംക്യു-9 ഡ്രോണുകൾ നഷ്ടമായി, ഡ്രോണുകളുടെ മൂല്യം 130 കോടി ഡോളറിലധികം... സൈനിക നീക്കങ്ങൾക്ക് പണം നൽകരുത്- ഡെമോക്രാറ്...
21 Nov 2026
BREAKING NEWS
ഭാര്യയോട് സംസാരിക്കുന്നത് കണ്ട് അയൽവാസിക്കു നേരെ വെട്ടുകത്തിയുമായി പാഞ്ഞടുത്ത് ഭർത്താവ്, യുവാവ് നിലത്തുവീണതോടെ കാൽ വെട്ടിയെടുക്കാനായി ശ്രമം, കാലിൽ പിടുത്തമിട്ടതോടെ നാട്ടുകാർ പൂഴിമണൽ കണ്ണിൽ വാരിയെറിഞ്ഞ് കീഴ്പ്പെടുത്തി, തടയാൻ ശ്രമിക്കുന്നതിനിടെ യുവതിയേയും ആക്രമിച്ചു, വധശ്രമത്തിന് കേസ്
21 Nov 2026
BREAKING NEWS
'രാവണനെ മഹത്വവൽക്കരിക്കാനുള്ള ബോധപൂർവ്വമായ ശ്രമം, രാമന്റെ മഹത്വം വ്യക്തമാക്കുന്ന പല ഭാ​ഗങ്ങളും ഒഴിവാക്കി; 'രാമായണ'യുടെ പ്രദർശനം നിർത്തിവയ്ക്കണം': വിശ്വഹിന്ദു പരിഷത്ത്
21 Nov 2026
BREAKING NEWS
’ജനാധിപത്യത്തിന്റെ നല്ല സൗന്ദര്യം, പിന്നെ എന്തിനാണ് പരാതിയുമായി പോകുന്നത്? ആ സൗന്ദര്യം ആസ്വദിച്ചുനിന്നാൽ പോരേ? പരസ്പരം കഴുത്തിന് പിടിച്ച് എത്രനാൾ മുന്നോട്ടുപോകും? ആറുമാസംകൊണ്ട് സ്ഥിതി ഇത്രത്തോളമായി’:മന്ത്രിസഭയിലെ തർക്കത്തിൽ എം.വി. ഗോവിന്ദൻ
21 Nov 2026