തന്റെ കുഞ്ഞ് മരിച്ചുവെന്ന് ആ അമ്മയ്ക്ക് വിശ്വസിക്കാനായില്ല. പല തവണ തട്ടിയും ഉരുട്ടിയും നോക്കി ഉണരുന്നില്ല. ഒടുവിൽ തുമ്പികൈകൊണ്ട് കുട്ടിയാനുടെ ജഡവുമെടുത്ത് കാട്ടിലേക്ക്…
ചേതനയറ്റ തന്റെ കുഞ്ഞിന്റെ ശരീരത്തിൽ തട്ടിയുണർത്താൻ ശ്രമിക്കുന്ന പിടിയാനയുടെ വീഡിയോ വളരെ വേഗത്തിലാണ് സാമൂഹികമാധ്യമങ്ങളിൽ വൈറലാകുന്നത്. കുഞ്ഞിനെ നഷ്ടപ്പെട്ട അമ്മയുടെ വേദന വ്യക്തമാക്കുന്ന ഈ വീഡിയോ ഇന്ത്യൻ ഫോറസ്റ്റ് സർവ്വീസ്‌ ഓഫീസർ പർവ്വീൺ കസ്വാനാണ് എക്‌സിലൂടെ പങ്കുവച്ചത്.
എഡിഎഫ്ഒ ആയ ജയന്ത മൊണ്ടാലാണ് ഈ ദൃശ്യങ്ങൾ പകർത്തിയത്. ആനക്കുട്ടിയുടെ മരണം ഉൾക്കൊള്ളാൻ കഴിയാത്ത അമ്മയാനയെ വീഡിയോയിൽ കാണാം. ചത്ത ആനക്കുട്ടിയെ തിരിച്ചും മറിച്ചും കിടത്തി ഉണർത്താൻ ശ്രമിക്കുന്നതും കാണാം.
ദിവസങ്ങളോളം ചത്ത ആനക്കുട്ടിയെ ഉപേക്ഷിക്കാൻ മടിച്ച് അമ്മയാന ജഡത്തിനരികെ കാവൽ കിടന്നതായും ദൃക്സാക്ഷികൾ പറയുന്നു.
“അമ്മയാനയ്ക്ക് കുഞ്ഞിന്റെ മരണത്തെ ഉൾക്കൊള്ളാൻ പറ്റുന്നില്ല. അവർ നമ്മളെപ്പോലെയാണ്, മനുഷത്വമുള്ളവരാണ്” എന്നിങ്ങനെയുള്ള കുറിപ്പും അദ്ദേഹം എക്‌സിൽ പങ്കുവയ്ക്കുകയുണ്ടായി. ഇത് ഒറ്റപ്പെട്ട സംഭവമല്ലെന്നും അദ്ദേഹം പറയുന്നു. തന്റെ ജോലിയുടെ ഭാഗമായി ഇതിനുമുൻപും സമാനമായ സംഭവങ്ങൾക്ക് സാക്ഷ്യം വഹിച്ചിട്ടുണ്ടെന്നും അദ്ദേഹം കുറിച്ചു.
#Elephant Mother not able to comprehend death of her calf. She keeps dragging body for some time – at times for days. They are so like us – they are so humane. pic.twitter.com/qmWBjLZud8
— Parveen Kaswan, IFS (@ParveenKaswan) November 21, 2024
