മുംബൈ: വെസ്റ്റ് എൻഡ് ഒറിജിനൽ സ്മാഷ് ഹിറ്റ് മ്യൂസിക്കൽ മാമാ മിയയുടെ ഇന്ത്യയിലെ ആദ്യത്തെ പ്രദർശനം നിത മുകേഷ് അംബാനി കൾച്ചറൽ സെന്ററിൽ അരങ്ങേറി. ലണ്ടനിലെ വെസ്റ്റ് എൻഡിലെ ഏറ്റവും കൂടുതൽ കാലം പ്രദർശിപ്പിച്ച ഷോകളിലൊന്നായ മാമാ മിയ, ഗ്രീക്ക് ദ്വീപിന്റെ പശ്ചാത്തലത്തിൽ അവിവാഹിതയായ അമ്മ ഡോണയുടെയും ഉടൻ വധുവാകാൻ പോകുന്ന മകൾ സോഫിയുടെയും കഥ പറയുന്നു. സോഫിയുടെ പിതാവിനെ കണ്ടെത്താനുള്ള അവരുടെ അന്വേഷണം ഡോണയുടെ മൂന്ന് മുൻ കാമുകന്മാരെ മുഖാമുഖം കാണുന്നതിലേക്ക് എത്തുന്നു. തുടർന്നുള്ള സംഭവ വികാസങ്ങളാണ് ഈ ഷോയുടെ പശ്ചാത്തലം. ഇതിഹാസ സ്വീഡിഷ് ബാൻഡ് എബിബിഎയുടെ കാലാതീതമായ ഹിറ്റ് ഗാനങ്ങൾ ഈ ഷോയെ വേറിട്ട് നിർത്തുന്നു.
“ലോകത്തിലെ ഏറ്റവും മികച്ചത് ഇന്ത്യയിൽ അവതരിപ്പിക്കുക എന്ന ഞങ്ങളുടെ കാഴ്ചപ്പാടിൻറെ ഭാഗമായി ഞങ്ങളുടെ ആദ്യത്തെ വെസ്റ്റ് എൻഡ് അവതരണമായ മാമാ മിയ നിതാ മുകേഷ് അംബാനി കൾച്ചറൽ സെന്ററിൽ പ്രദർശിപ്പിക്കുന്നതിൽ ഞങ്ങൾക്ക് സന്തോഷമുണ്ട്. എബിബിഎയുടെ സംഗീതത്തിന് പേരുകേട്ട, പ്രണയത്തിന്റെയും സംഗീതത്തിന്റെയും ബന്ധങ്ങളുടെയും ഈ ഐതിഹാസിക കഥ ലോകമെമ്പാടുമുള്ളവർക്ക് പ്രിയപ്പെട്ടതാണ്. ഈ സന്തോഷകരമായ ആഘോഷത്തിന്റെ ഭാഗമാകാനും ഈ ഉത്സവ സീസണിൽ നിങ്ങളുടെ പ്രിയപ്പെട്ടവരുമായി ഒരുപാട് സന്തോഷകരമായ ഓർമ്മകൾ സൃഷ്ടിക്കാനും ഞാൻ നിങ്ങളെ എല്ലാവരെയും ക്ഷണിക്കുന്നു”, ഉദ്ഘാടന ദിനത്തിൽ സ്ഥാപകയും ചെയർപേഴ്സണുമായ ശ്രീമതി നിത അംബാനി പറഞ്ഞു.
അമ്മയുടെ മൃതദേഹത്തിനൊപ്പം സഹോദരിമാര്‍ കഴിഞ്ഞത് ഒരു വര്‍ഷം
മനുഷ്യബന്ധങ്ങളുടെ എണ്ണമറ്റ വികാരങ്ങൾ നിറഞ്ഞ സെൻസേഷണൽ, ഫീൽ ഗുഡ് മ്യൂസിക്കൽ, 16-ലധികം ഭാഷകളിലായി 50 പ്രൊഡക്ഷനുകളിലായി ലോകമെമ്പാടുമുള്ള 65 ദശലക്ഷത്തിലധികം ആളുകൾ കണ്ടുകഴിഞ്ഞു. ‘ഡാൻസിംഗ് ക്വീൻ’, ‘സൂപ്പർ ട്രൂപ്പർ’, ‘ഹണി, ഹണി’, ‘വൂലെസ്-വൂസ്’, ‘ഗിമ്മി ഗിമ്മി ഗിമ്മി!’ തുടങ്ങിയ ഹിറ്റ് ഗാനങ്ങൾ പ്രേക്ഷകർക്ക് പ്രിയപ്പെട്ടതാണ്. നിതാ മുകേഷ് അംബാനി കൾച്ചറൽ സെന്ററിൽ മാമാ മിയ കാണാൻ nmacc.com അല്ലെങ്കിൽ bookmyshow.com-ൽ ടിക്കറ്റ് ബുക്ക് ചെയ്യാം.
