മുംബൈ: നടന്‍ സല്മാന് ഖാന് തോക്കുപയോഗിക്കാനുള്ള ലൈസന്‍സ് ലഭിച്ചു. മുംബൈ പോലീസാണ് സൂപ്പര്‍താരത്തിന് തോക്ക് ലൈസന്‍സ് അനുവദിച്ചത്. അജ്ഞാതരില്‍ നിന്ന് വധ ഭീഷണിയുണ്ടായതിനേത്തുടര്‍ന്ന് സല്മാന് ഇക്കഴിഞ്ഞ ജൂലൈ 22നാണ് പോലീസ് കമ്മീഷണര്‍ വിവേക് ഫന്‍സാല്‍കറെ കാണുകയും ലൈസന്‍സിന് അപേക്ഷിക്കുകയും ചെയ്തത്.
സല്‍മാന്റെ അപേക്ഷ ലഭിച്ചയുടന്‍ ഇത് താരം താമസിക്കുന്ന സോണ്‍ 9ന്റെ ചുമതലയുള്ള ഡി.സി.പിക്ക് കൈമാറിയിരുന്നു. അദ്ദേഹത്തിന്റെ നിര്‍ദേശപ്രകാരമാണ് സല്മാന് ഖാന് തോക്ക് ലൈസന്‍സ് അനുവദിച്ചത്. ഒരു തോക്ക് കൈവശം വെയ്ക്കാനുള്ള അനുമതിയാണ് നല്‍കിയിരിക്കുന്നത്.
അതേസമയം ഏത് തോക്കായിരിക്കും താരത്തിന് വാങ്ങാനാവുക എന്ന കാര്യം വ്യക്തമായിട്ടില്ല. പോയിന്റ് 32 കാലിബര്‍ പിസ്റ്റളോ റിവോള്‍വറോ ആയിരിക്കും സല്മാന് ഉപയോഗിക്കാനാവുക എന്നാണ് വിദഗ്ധര്‍ പറയുന്നത്.
കാര്‍ തോട്ടിലേക്ക് മറിഞ്ഞ് അച്ഛനും അമ്മയും മകളും മരിച്ചു
പഞ്ചാബി ഗായകനും കോണ്‍ഗ്രസ് നേതാവുമായിരുന്ന സിദ്ധു മൂസെവാല അജ്ഞാതരുടെ ആക്രമണത്തില്‍ കൊല്ലപ്പെട്ടതിന് പിന്നാലെയാണ് സല്മാന് ഖാനും അദ്ദേഹത്തിന്റെ പിതാവിനും നേരെ വധഭീഷണി ഉയര്‍ന്നത്. മൂസെവാലയുടെ ഗതി നിങ്ങള്‍ക്കമുണ്ടാവും എന്നാണ് സല്മാന് ലഭിച്ച കത്തില്‍ പറഞ്ഞിരുന്നത്. മേയ് 29നാണ് പഞ്ചാബിലെ മാന്‍സ ജില്ലയില്‍ വെച്ച് മൂസെവാല കൊല്ലപ്പെട്ടത്.
