ഷെയ്ൻ നിഗം ആദ്യമായി സംഗീത സംവിധായകനാവുന്ന ഭൂതകാലം എന്ന ചിത്രത്തിലെ ആദ്യഗാനമെത്തി. ലിറിക്കൽ വീഡിയോ ആയാണ് ഗാനം പുറത്തിറക്കിയിരിക്കുന്നത്. ഷെയ്ൻ തന്നെയാണ് ഗാനം എഴുതിയതും പാടിയതും. സംവിധായകൻ അൻവർ റഷീദാണ് ചിത്രം അവതരിപ്പിക്കുന്നത്.
രാഹുൽ സദാശിവൻ കഥയെഴുതി സംവിധാനം ചെയ്യുന്ന ചിത്രത്തിൽ രേവതി, ഷെയ്ൻ നിഗം, സൈജു കുറുപ്പ്, ജെയിംസ് ഏലിയാ, ആതിര പട്ടേൽ എന്നിവരാണ് മുഖ്യവേഷങ്ങളിൽ. സംവിധായകനും ശ്രീകുമാർ ശ്രേയസും ചേർന്നാണ് തിരക്കഥ. ഷെഹ്നാദ് ജലാൽ ഛായാഗ്രഹണവും ഗോപി സുന്ദർ പശ്ചാത്തലസംഗീതവും നിർവഹിക്കുന്നു.
ഷെയ്ൻ നിഗം ഫിലിംസിന്റെ സഹകരണത്തോടെ പ്ലാൻ ടി ഫിലിംസ് ആണ് ചിത്രം നിർമിക്കുന്നത്.
