ഡോക്ടറും സാമൂഹ്യ പ്രവര്‍ത്തകയും നര്‍ത്തകിയുമായ ഡോ. ഷിനു ശ്യാമളന്‍ സിനിമ അഭിനയത്തില്‍ അരങ്ങേറ്റം കുറിക്കുന്നു. സ്വപ്നസുന്ദരി എന്ന സിനിമയിലൂടെ നായിക ആയിട്ടാണ് ഷിനു അരങ്ങേറ്റം കുറിക്കുന്നത്. പ്രണയത്തിനും ആക്ഷനും പ്രാധാന്യം നല്‍കിയുള്ള ചിത്രം സംവിധാനം ചെയ്യുന്നത് കെജെ ഫിലിപ്പ് ആണ്. സിനിമയിലെ നായികമാരില്‍ ഒരാളായ ജമന്തി എന്ന കഥാപാത്രത്തെയാണ് ഷിനു അവതരിപ്പിക്കുക.
അല്‍ഫോന്‍സാ വിഷ്വല്‍ മീഡിയയുടെ ബാനറില്‍ സാജു സി. ജോര്‍ജ് ആണ് സിനിമയുടെ നിര്‍മ്മാണം. റോയിറ്റ അങ്കമാലിയാണ് കഥയും ഛായാഗ്രഹണവും നിര്‍വഹിക്കുന്നത്. പ്രൊഡക്ഷന്‍ കണ്‍ട്രോളര്‍ ഷാന്‍സി സലാമുമാണ്.
