കുഴൽമന്ദം: മക്കളുമൊത്ത് യുവതി കിണറ്റിൽ ചാടി. മക്കൾക്കു ദാരുണാന്ത്യം, യുവതിയെ രക്ഷപ്പെടുത്തി. കണ്ണാടി കിണാശേരി ഉപ്പുംപാടം തെക്കുംകര വീട്ടിൽ രാമകൃഷ്ണൻ– പ്രേമ ദമ്പതികളുടെ മകൾ മഞ്ജുളയുടെ മക്കളായ ആദിൽ (6), അബിൻ (4) എന്നിവരാണു മരിച്ചത്.
ഇന്നലെ ഉച്ചയ്ക്ക് ഒന്നരയോടെയാണു സംഭവം. വീട്ടിൽ മുത്തശ്ശി മാത്രമേ ഉണ്ടായിരുന്നുള്ളു. കിണറ്റിൽ ശബ്ദം കേട്ട മുത്തശ്ശിയുടെ നിലവിളി കേട്ട് നാട്ടുകാർ ഓടിയെത്തി മൂന്നു പേരെയും പുറത്തെടുത്തു.
അപ്പോഴേക്കും കുട്ടികൾ മരിച്ചിരുന്നു. മഞ്ജുള (26) ജില്ലാ ആശുപത്രിയിൽ ചികിത്സയിലാണ്. കുഴൽമന്ദം കളപ്പെട്ടി പൊക്കാത്തു വീട്ടിൽ കെ. വിനോദി‍ന്റെ ഭാര്യയാണു മഞ്ജുള. കുടുംബപ്രശ്നങ്ങളെത്തുടർന്നു മഞ്ജുള മാസങ്ങളായി ഉപ്പുംപാടത്തെ സ്വന്തം വീട്ടിലാണു താമസം.
