ജീവനൊടുക്കാനുള്ള ഫിലിപ്പിന്റെ ശ്രമം നാടകമെന്ന്‌ മെറിന്റെ ബന്ധുക്കൾ

കൊലപാതകത്തിനു ശേഷം ജീവനൊടുക്കാനുള്ള ഫിലിപ്പിന്റെ ശ്രമം നാടകമാകാമെന്നു മെറിന്റെ ബന്ധുക്കൾ. യുഎസിൽ നിന്നു ലഭിച്ച ചിത്രങ്ങൾ പ്രകാരം കൈത്തണ്ടയുടെ മുകൾ ഭാഗത്ത് അപകടകരമായി മാറാത്ത ഭാഗത്താണു മുറിവുകൾ. ഇതു മനഃപൂർവം കേസ് വഴിതെറ്റിക്കാൻ സൃഷ്ടിച്ചവയാകാമെന്നു ബന്ധുക്കൾ പറയുന്നു.

മെറിനെ ഒന്നിലേറെ തവണ കുത്തുകയും നിലത്തു വീണ മെറിന്റെ ദേഹത്തു കൂടി കാർ കയറ്റുകയും ചെയ്തതു പ്രതിയുടെ കരുതിക്കൂട്ടിയുള്ള ആക്രമണത്തിന്റെ തെളിവാണെന്ന് അസിസ്റ്റന്റ് സ്റ്റേറ്റ് അറ്റോർണി എറിക് ലിൻഡർ അമേരിക്കൻ മാധ്യമമായ ലോക്കൽ ടെൻ ഡോട്ട്കോമിനോടു പറഞ്ഞു. ഇയാൾകുറ്റസമ്മതം നടത്തിയതായും മാധ്യമങ്ങൾ റിപ്പോർട്ട് ചെയ്യുന്നു.

കരുതിക്കൂട്ടിയുള്ള കൊലപാതകം എന്ന് വരുന്ന ഫസ്റ്റ് ഡിഗ്രി മര്‍ഡര്‍ ആയിട്ടാണ് യുഎസിലെ ചില സംസ്ഥാനങ്ങളുടെ നിയമപദാവലിയില്‍ കൊലപാതകത്തിന്റെ വര്‍ഗീകരണം കാണിക്കുന്നത്. ഒരു കൊലപാതകത്തെ ഫസ്റ്റ് ഡിഗ്രിയായി കണക്കാണമെങ്കില്‍ അതില്‍ പ്രധാനമായി 3 ഘടകങ്ങള്‍ ഉണ്ടാവണം.

ഒന്നാമത്തെ ഘടകം പ്രതി മനഃപൂര്‍വം നടത്തിയതാകണം. രണ്ട്, ആലോചിച്ചുറച്ചു ചെയ്തതാകണം. മൂന്ന്, നേരത്തേ ആസൂത്രണം ചെയ്തതാകണം. ഇതിനായി ദ്രോഹബുദ്ധിയോടെ മുന്‍കൂട്ടി ചിന്തിച്ചിട്ടുണ്ടെന്നു വ്യക്തമാകണമെന്നാണു യുഎസ് ഫെഡറല്‍ നിയമം അനുശാസിക്കുന്നത്. ഈ നിര്‍വചനത്തില്‍ വിവിധ സംസ്ഥാനങ്ങളില്‍ നേരിയ വ്യത്യാസങ്ങളുണ്ടായേക്കാമെന്നു മാത്രം.

ആസൂത്രിതമാണെന്നു തെളിയിക്കാനായില്ലെങ്കിലും ചിലയിനം കൊലപാതകങ്ങളെ ‘ഫസ്റ്റ് ഡിഗ്രി’ യില്‍ പെടുത്താന്‍ ചില സംസ്ഥാനങ്ങളില്‍ നിയമമുണ്ട്. ഇതില്‍നിന്നു വ്യത്യസ്തമാണ് സെക്കന്‍ഡ് ഡിഗ്രി മര്‍ഡര്‍. കരുതിക്കൂട്ടിയല്ലാത്തതും എന്നാല്‍ ന്യായീകരണമില്ലാത്തതുമായ കൊലപാതകങ്ങളെയാണ് ഈ ഗണത്തില്‍പെടുത്തുക. വധശിക്ഷയോ പരോള്‍ ലഭിക്കാത്ത ജീവപര്യന്തം തടവോ ശിക്ഷ ലഭിക്കാവുന്ന കുറ്റമാണു ഫസ്റ്റ് ഡിഗ്രി മര്‍ഡര്‍.

FOLLOW US: pathram online latest news

Similar Articles

Comments

Advertisment

Most Popular

സുശാന്തിന് നീതി തേടിയുള്ള ക്യാമ്പയിൻ ട്വിറ്ററിന്റെ ട്രെൻഡിംഗ് പട്ടികയിൽ

ബോളിവുഡ് നടൻ സുശാന്ത് സിംഗ് രജ്പുത്തിന് നീതി ആവശ്യപ്പെട്ട ക്യാമ്പയിൻ ട്വിറ്ററിന്റെ ട്രെൻഡിംഗ് പട്ടികയിൽ. സുശാന്തിന്റെ മുൻ പെൺസുഹൃത്തും നടിയുമായ അങ്കിത ലോഖണ്ഡെയാണ് Globalprayers4SSR എന്ന ഹാഷ്ടാഗിന് തുടക്കമിട്ടത്. പ്രാർത്ഥന വീഡിയോ പങ്കുവച്ചുകൊണ്ടാണ്...

കോവിഡ് വാക്‌സീന്‍ വന്‍തോതില്‍ ഉത്പാദിപ്പിക്കാന്‍ ഇന്ത്യ തയാറാര്‍, ഒന്നല്ല, രണ്ടല്ല, മൂന്ന് കൊറോണ വൈറസ് വാക്‌സീനീകളാണ് ഇന്ത്യയില്‍ പരീക്ഷിക്കുന്നതെന്നും മോദി

സ്വാതന്ത്ര്യ ദിനത്തോടനുബന്ധിച്ച് രാജ്യത്തെ കൊറോണവൈറസ് വാക്‌സീന്‍ സംബന്ധിച്ചുള്ള വലിയ പ്രഖ്യാനപനങ്ങളാണ് പ്രധാനമന്ത്രി നരേന്ദ്ര മോദി അറിയിച്ചത്. കോവിഡ് -19 വാക്‌സീന്‍ വന്‍തോതില്‍ ഉത്പാദിപ്പിക്കാന്‍ ഇന്ത്യ തയാറാണെന്നും ഇതിനു വേണ്ട എല്ലാ സംവിധാനങ്ങളും ഉണ്ടെന്നും...

ഇന്ത്യയുടെ കോവാക്സീന്‍ സുരക്ഷിതം: പാര്‍ശ്വഫലങ്ങളൊന്നും റിപ്പോര്‍ട്ട് ചെയ്യപ്പെട്ടിട്ടില്ല

ഇന്ത്യ തദ്ദേശീയമായി നിര്‍മിക്കുന്ന ആദ്യ കോവിഡ്19 വാക്സീനായ കോവാക്സീന്‍ പ്രാഥമിക ഒന്നാം ഘട്ട പരീക്ഷണങ്ങള്‍ വിജയകരമായി പിന്നിട്ടു. കോവാക്സീന്‍ സുരക്ഷിതമാണെന്നും പാര്‍ശ്വഫലങ്ങളൊന്നും റിപ്പോര്‍ട്ട് ചെയ്യപ്പെട്ടിട്ടില്ലെന്നും വാക്സീന്‍ വികസനത്തിന് നേതൃത്വം നല്‍കുന്ന ഭാരത് ബയോടെക്കും...