അകാലത്തില്‍ പോലിഞ്ഞ നടന്‍ സുശാന്ത് സിങ് രാജ്പുത് അവസാനമായി ചുവടുവച്ച് അഭിനയിച്ച ;ദില്‍ ബേചാര; യുടെ ടൈറ്റില്‍ ഗാനം എത്തി. ചിത്രത്തിന്റെ അണിയറപ്രവര്‍ത്തവകര്‍ കഴിഞ്ഞ ദിവസം ഈ ഗാനത്തിന്റെ ദൃശ്യം പുറത്തിറക്കിയിരുന്നു. അതോടെ പാട്ടിനു വേണ്ടി ആരാധകര്‍ ആകാംക്ഷയോടെ കാത്തിരിക്കുകയായിരുന്നു.
സംഗീത ഇതിഹാസം എ.ആര്‍ റഹ്മാന്‍ ചിട്ടപ്പെടുത്തിയ ഗാനത്തിന് നൃത്ത സംവിധാനം നിര്‍വഹിച്ചത് ബോളിവുഡിലെ നടിയും നര്‍ത്തകിയുമായ ഫറാ ഖാനാണ്. നേരത്തെ പുറത്തിറങ്ങിയ ;ദില്‍ ബേചാര; യുടെ ട്രെയിലര്‍ അന്തര്‍ദേശീയ തലത്തിലും വൈറലായിരിക്കുകയാണ്. നവാഗതനായ മുകേഷ് ഛബ്ര സംവിധാനം ചെയ്ത ദില്‍ ബേചാരയില്‍ പുതുമുഖമായ സഞ്ജനയാണ് നായിക.
ജൂലൈ 24നു ഡിസ്‌നി ഹോട്ട്സ്റ്റാറിലൂടെയാണ് ചിത്രം പ്രേക്ഷകരിലേക്ക് എത്തുക. കോവിഡിനെ തുടര്‍ന്ന് മാറ്റി വച്ച സിനിമ സുശാന്തിന്റെ വിയോഗത്തെ തുടര്‍ന്നാണ് ഓണ്‍ലൈനില്‍ റിലീസ് ചെയ്യാന്‍ നിര്‍മാതാക്കള്‍ തീരുമാനിച്ചത്‌.
