സുശാന്ത് അവസാനമായി ചുവടുവെച്ച ഗാന രംഗത്തിലെ ദൃശ്യം പുറത്തുവിട്ടു. ദില്‍ ബേചാരയിലെ ഗാനരംഗത്തിന്റെ ദൃശ്യത്തില്‍ നിന്നുള്ള ചെറിയൊരു ഭാഗമാണ് പുറത്തുവിട്ടിരിക്കുന്നത്.
അകാലത്തില്‍ പൊലിഞ്ഞ സുശാന്ത് സിംഗ് രാജ്പുത് അവസാനമായി അഭിനയിച്ച ദില്‍ ബേചാരയുടെ ടൈറ്റില്‍ ഗാനം നാളെ (വെള്ളിയാഴ്!ച ) ഉച്ചക്ക് പന്ത്രണ്ടു മണിക്ക് റിലീസ് ചെയ്യുമെന്ന് നിര്‍മ്മാതാക്കളായ ഫോക്‌സ് സ്റ്റാര്‍ സ്റ്റുഡിയോസ് വെളിപ്പെടുത്തി . അതിന്റെ മുന്നോടിയായി സുശാന്ത് അവസാനമായി നൃത്ത ചുവടുകള്‍ വെച്ച് അഭിനയിച്ച ,ചിത്രത്തിലെ ഗാനരംഗത്തിലെ ഒരു ദൃശ്യം പുറത്തു വിട്ടത്. ഏ ആര്‍ റഹ്മാന്‍ ചിട്ടപ്പെടുത്തിയ ഗാനത്തിന് നൃത്ത സംവിധാനം നിര്‍വഹിച്ചിരിക്കുന്നത്ഫറാഖാനാണ്.
നേരത്തേ പുറത്തു വിട്ട ‘ ദില്‍ ബേചാര ‘ യുടെ ട്രെയിലര്‍ ഹോളിവുഡ് ചിത്രമായ അവഞ്ചേഴ്‌സിനെ പിന്നിലാക്കി അന്തര്‍ ദേശീയ തലത്തില്‍ ശ്രദ്ധേയമായി മുന്നേറുകയാണ് . നവാഗതനായ മുകേഷ് ചാബ്ര സംവിധാനം ചെയ്!ത ദില്‍ ബേചാര ജൂലൈ 24 നു ഡിസ്‌നി പ്ലസ് ഹോട്സ്റ്റാര്‍ പ്ലാറ്റുഫോമിലൂടെയായാണ് റിലീസ് ചെയ്യുന്നത്. സുശാന്തിനോടുള്ള ആദരവിന്റെ ഭാഗമായി ചിത്രം സൗജന്യമായി കാണാന്‍ അവസരമുണ്ടാകും.
