സംസ്ഥാനത്ത് കൊറോണ സ്ഥിരീകരിച്ചവരില്‍ 80 ശതമാനം പേര്‍ രോഗ മുക്തരായി..ചികിത്സയിലുള്ളത് 100 താഴെ പേര്‍

തിരുവനന്തപുരം : സംസ്ഥാനത്ത് കൊറോണ സ്ഥിരീകരിച്ചവരില്‍ 80 ശതമാനം പേര്‍ രോഗ മുക്തരായി. ഇതുവരെ കോവിഡ് സ്ഥിരീകരിച്ചവരുടെ എണ്ണം അഞ്ഞൂറിനു തൊട്ടടുത്തെത്തിയിരുന്നുവെങ്കിലും, ഇപ്പോള്‍ ചികിത്സയിലുള്ളവരുടെ എണ്ണം നൂറില്‍ താഴെയാണ്. രോഗം ബാധിച്ചവരില്‍ 80% പേരും രോഗമുക്തരായി. ഇന്നലെ 8 പേര്‍ കൂടി രോഗമുക്തരായി.

കണ്ണൂര്‍ (6), ഇടുക്കി (2) ജില്ലകളിലാണിത്. ഇതുവരെ മൊത്തം 499 പേര്‍ക്കാണു രോഗം സ്ഥിരീകരിച്ചത്. ഇതില്‍ 96 പേരാണ് ഇപ്പോള്‍ ചികിത്സയിലുളളത്. 400 പേര്‍ രോഗമുക്തരായി. നിലവില്‍ 21,894 പേരാണു നിരീക്ഷണത്തില്‍. ഇതില്‍ 21,494 പേര്‍ വീടുകളിലും 410 പേര്‍ ആശുപത്രിയിലുമാണ്. 80 പേരെയാണ് ഇന്നലെ ആശുപത്രിയില്‍ പ്രവേശിപ്പിച്ചത്.

പരിശോധനയ്ക്ക് അയച്ച 31,183 സാംപിളുകളില്‍ 30,358 എണ്ണത്തിലും രോഗബാധയില്ല. മുന്‍ഗണന ഗ്രൂപ്പില്‍ 2093 സാംപിളുകള്‍ അയച്ചതില്‍ 1234 എണ്ണം നെഗറ്റീവായി. ഹോട്‌സ്‌പോട്ടുകള്‍ 80 ആയി തുടരുന്നു. കണ്ണൂരില്‍ 23, ഇടുക്കിയിലും കോട്ടയത്തും 11 വീതം എന്നിങ്ങനെയാണു ഹോട്‌സ്‌പോട്ടുകള്‍. കോട്ടയത്തു 18 പേര്‍ ചികിത്സയിലുള്ളതില്‍ ഒരാള്‍ ഇടുക്കിക്കാരനാണ്. കൊല്ലത്തും ഇടുക്കിയിലും 12 പേര്‍ വീതം ചികിത്സയിലുണ്ട്‌

Similar Articles

Comments

Advertisment

Most Popular

എറണാകുളത്ത് ഐ, എ ഗ്രൂപ്പുകാർ തമ്മിലടിച്ചു; എംഎൽഎ ഇറങ്ങി ഓടി

കാക്കനാട്: പി ടി തോമസ്‌ എംഎൽഎ നിയമസഭാ തെരഞ്ഞെടുപ്പിന്‌ മുന്നോടിയായി വിളിച്ച കോൺഗ്രസ്‌ തൃക്കാക്കര വെസ്‌റ്റ്‌ മണ്ഡലം ഒരുക്ക ക്യാമ്പിൽ ഐ, എ ഗ്രൂപ്പുകാർ തമ്മിലടിച്ചു. ഗുരുതരമായി മർദനമേറ്റ മൂന്ന് യൂത്ത്...

തിരഞ്ഞെടുപ്പ് കവറേജിനുള്ള തിരഞ്ഞെടുപ്പ് കമ്മീഷന്റെ പാസ്: മാധ്യമപ്രവർത്തകർക്ക് അപേക്ഷിക്കാം

നിയമസഭാ തിരഞ്ഞെടുപ്പ് കവറേജിനുള്ള തിരഞ്ഞെടുപ്പ് കമ്മീഷന്റെ പാസിനു വേണ്ടി പത്ര, ദൃശ്യ മാധ്യമപ്രവർത്തകർക്ക് അപേക്ഷിക്കാം. ഇത്തവണ തിരഞ്ഞെടുപ്പ് കമ്മീഷന്റെ പാസ് ലഭിക്കുന്ന മാധ്യമപ്രവർത്തകർക്ക് തപാൽ ബാലറ്റിന് അപേക്ഷിക്കാൻ അർഹതയുണ്ടായിരിക്കും. അതുകൊണ്ട്, തിങ്കളാഴ്ച (മാർച്ച് 8)...

പി. ജയരാജന് സീറ്റില്ല; കണ്ണൂരില്‍ പ്രതിഷേധം, രാജി

പി. ജയരാജന് സ്ഥാനാര്‍ഥിത്വം നിഷേധിച്ചതില്‍ പ്രതിഷേധിച്ച് കണ്ണൂരില്‍ രാജി. സ്‌പോര്‍ട്‌സ് കൗണ്‍സില്‍ കണ്ണൂര്‍ ജില്ലാ വൈസ് പ്രസിഡന്റ് ധീരജ് കുമാറാണ് രാജിവച്ചത്. ജയരാജന് സീറ്റ് നിഷേധിച്ചത് നീതികേടാണെന്ന് ധീരജ് പറഞ്ഞു. പി ജയരാജന്റെ...