കേരളത്തിന്റെ സ്വന്തം ലാപ്‌ടോപ് ഉടന്‍ എത്തും; കോക്കനട്ടും ഇലക്ട്രോണിക്‌സും ചേര്‍ത്ത് കൊക്കോണിക്‌സ്; വില 29,000രൂപ

കേരളത്തിന്റെ സ്വന്തം ലാപ്‌ടോപ് നവംബര്‍ ഒന്നിന് പുറത്തിറങ്ങും. കെല്‍ട്രോണും യു.എസ്.ടി ഗ്ലോബലും കെ.എസ്.ഐ.ഡി.സിയും ചേര്‍ന്ന് രൂപീകരിച്ച ലാപ്‌ടോപ് നിര്‍മിക്കുന്ന കമ്പനിക്ക് കൊക്കോണിക്‌സ് എന്നാണ് പേരിട്ടിരിക്കുന്നത്. കമ്പനി റജിസ്റ്റര്‍ ചെയ്യുന്നതിനുള്ള നടപടിക്രമങ്ങള്‍ അന്തിമഘട്ടത്തിലാണ്. ലാപ്‌ടോപിന്റെ പേര് പിന്നീട് തീരുമാനിക്കും. കേരളത്തെ സൂചിപ്പിക്കുന്നതിനുള്ള കോക്കനട്ടും സാങ്കേതികവിദ്യയെ സൂചിപ്പിക്കുന്നതിനുള്ള ഇലക്ട്രോണിക്‌സും ചേര്‍ത്തുവച്ച് കൊക്കോണിക്‌സ് എന്ന് പേരിട്ടത് കെ.എസ്.ഐ.ഡി.സിയാണ്. 29,000 രൂപയില്‍ താഴെയായിരിക്കും ലാപ്‌ടോപിന്റെ വില. ആദ്യഘട്ടത്തില്‍ സര്‍ക്കാര്‍ വകുപ്പുകള്‍ തന്നെയാകും ലാപ്‌ടോപ്പ് വാങ്ങുന്നത്. മൂന്നുവര്‍ഷത്തിനകം പൊതുവിപണിയിലും എത്തിക്കാനാണ് ശ്രമം.

കമ്പനി രൂപീകരണം പൂര്‍ത്തിയായ ശേഷം ചേരുന്ന ആദ്യ ഡയറക്ടര്‍ ബോര്‍ഡ് യോഗം ലാപ്‌ടോപിന്റെ പേരും തീരുമാനിക്കും. ഇന്റലിന്റെ സാങ്കേതിക സഹായത്തോടെയാണ് ലാപ്‌ടോപ് നിര്‍മിക്കുന്നത്. ഇറക്കുമതി ചെയ്യുന്ന ഭാഗങ്ങള്‍ കൂട്ടിയോജിപ്പിച്ചായിരിക്കും ആദ്യബാച്ച് ലാപ്‌ടോപ്പുകള്‍ നിര്‍മിക്കുന്നത്. 1000 ലാപ്‌ടോപ്പുകളാണ് ആദ്യബാച്ചില്‍ നിര്‍മിക്കുക. തിരുവനന്തപുരം മണ്‍വിളയിലെ കെല്‍ട്രോണ്‍ പ്ലാന്റില്‍ ഇതിനുള്ള ഒരുക്കങ്ങള്‍ അന്തിമഘട്ടത്തിലാണ്. 30 കോടിരൂപയാണ് പദ്ധതി ചെലവ്.

Similar Articles

Comments

Advertisment

Most Popular

പത്തനംതിട്ട ജില്ലയില്‍ ഇന്ന് 38 പേര്‍ക്ക് കോവിഡ്

പത്തനംതിട്ട ജില്ലയില്‍ ഇന്ന്(28) 38 പേര്‍ക്ക് കോവിഡ്-19 സ്ഥിരീകരിച്ചു ജില്ലയില്‍ ഇന്ന് 137 പേര്‍ രോഗമുക്തരായി ഇന്ന് രോഗം സ്ഥിരീകരിച്ചവരില്‍ 7 പേര്‍ മറ്റ് സംസ്ഥാനങ്ങളില്‍ നിന്നും വന്നവരും, 31 പേര്‍ സമ്പര്‍ക്കത്തിലൂടെ രോഗം ബാധിച്ചവരുമാണ്. • മറ്റ്...

കോഴിക്കോട് ‍ജില്ലയില് ഇന്ന് 918 പേര്‍ക്ക് കോവിഡ്

രോഗമുക്തി 645 ജില്ലയില്‍ ഇന്ന് 918 പോസിറ്റീവ് കേസുകള്‍ കൂടി റിപ്പോര്‍ട്ട് ചെയ്തതായി ജില്ലാ മെഡിക്കല്‍ ഓഫീസര്‍ അറിയിച്ചു. വിദേശത്ത് നിന്ന് എത്തിയ 6 പേർക്കും ഇതര സംസ്ഥാനങ്ങളില്‍ നിന്ന് എത്തിയവരില്‍ 5...

കോഴിക്കോട് സ്ഥിതി അതീവഗുരുതരം; ഇന്ന് രോഗം ബാധിച്ചത് 918 പേർക്ക്; എറണാകുളം രണ്ടാമത്.

കേരളത്തില്‍ ഇന്ന് 4538 പേര്‍ക്ക് കോവിഡ്-19 സ്ഥിരീകരിച്ചു. കോഴിക്കോട് 918, എറണാകുളം 537, തിരുവനന്തപുരം 486, മലപ്പുറം 405, തൃശൂര്‍ 383, പാലക്കാട് 378, കൊല്ലം 341, കണ്ണൂര്‍ 310, ആലപ്പുഴ 249,...