പമ്പാനദിയില്‍ ഇറങ്ങിയ രണ്ട് സന്നദ്ധപ്രവര്‍ത്തകര്‍ ഒഴുക്കില്‍പ്പെട്ട് കാണാതായി

പത്തനംതിട്ട: റാന്നിയില്‍ രണ്ട് സന്നദ്ധപ്രവര്‍ത്തകര്‍ പമ്പാനദിയില്‍ ഒഴുക്കില്‍പ്പെട്ടു. അത്തിക്കയം ലസ്ലിന്‍, ഉതിമൂട് സിബി എന്നിവര്‍ക്ക് വേണ്ടിയുളള തെരച്ചില്‍ പുരോഗമിക്കുന്നു.പ്രളയക്കെടുതിയില്‍ അകപ്പെട്ട വീടുകള്‍ വൃത്തിയാക്കി പമ്പയില്‍ കുളിക്കാനിറങ്ങവേയാണ് സംഭവം. ലസ്ലിനും സിബിയും ഒഴുക്കില്‍പ്പെടുകയായിരുന്നുവെന്ന് ദൃക്സാക്ഷികള്‍ പറയുന്നു. ഒപ്പമുണ്ടായിരുന്ന രണ്ടുപേരും ഒഴുക്കില്‍പ്പെട്ടുവെങ്കിലും നാട്ടുകാര്‍ ചേര്‍ന്ന് രക്ഷിച്ചു.