മുംബൈ : ഇന്റര്‍നെറ്റിലെ ഹോട്ട് സെന്‍സേഷനാണ് നടി പൂനം പാണ്ഡെ. കേരളത്തെ പിടിച്ചുലച്ച പ്രളയക്കെടുതിയില്‍ സഹായഹസ്തവുമായി എത്തിയാണ് താരം സാമൂഹ്യപ്രതിബദ്ധത വിളിച്ചറിയിക്കുന്നത്.
പുതിയ തെലുഗു ചിത്രം ലേഡി ഗബ്ബാര്‍ സിംഗിന് ലഭിച്ച മുഴുവന്‍ പ്രതിഫലവും കേരള മുഖ്യമന്ത്രിയുടെ ദുരിതാശ്വാസ നിധിയിലേക്ക് സംഭാവന ചെയ്യുമെന്ന് പൂനം പാണ്ഡെ അറിയിച്ചു. കേരളത്തിലെ പ്രളയക്കെടുതിയും നാശനഷ്ടങ്ങളും കണ്ടപ്പോള്‍ വലിയ വേദനയാണ് അനുഭവപ്പെട്ടത്. പ്രളയ ദുരിതത്തില്‍പ്പെട്ട കേരളത്തെ സഹായിക്കാന്‍ നിരവധി പേര്‍ സന്നദ്ധരായി എത്തുന്നത് ഏറെ സന്തോഷകരമാണ്.
എന്റെ എല്ലാ സുഹൃത്തുക്കളോടും ആരാധകരോടും സിനിമാമേഖലയിലെ സഹപ്രവര്‍ത്തകരോടും പ്രളയക്കെടുതിയില്‍ കഷ്ടപ്പെടുന്ന കേരളത്തിലെ ജനങ്ങളെ സഹായിക്കാന്‍ മുന്നോട്ടുവരാന്‍ അഭ്യര്‍ത്ഥിക്കുന്നു. പൂനെ പാണ്ഡെ പറഞ്ഞു. വീരു കെ സംവിധാനം ചെയ്യുന്ന ചിത്രമാണ് ലേഡി ഗബ്ബാര്‍ സിംഗ്.
