അഹമ്മദാബാദ്: വിവാഹ വാഗ്ദാനം നല്‍കി ക്ഷേത്ര പൂജാരി നിരന്തരമായി പീഡിപ്പിച്ചെന്ന പരാതിയുമായി 25കാരിയായ യുവതി. ഗുജറാത്തിലെ ക്ഷേത്രപൂജാരിയും 45 കാരനുമായ ഋഷിഗിരി ഗോസ്വാമിക്കെതിരെയാണ് പരാതിയുമായി യുവതി രംഗത്ത് വന്നിരിക്കുന്നത്. പൂജാരി തന്നെ ക്രൂരമായി ബലാത്സംഗം ചെയ്‌തെന്ന് പരാതിയില്‍ പറയുന്നു. പൂജാരിക്കെതിരെ പൊലീസ് കേസ് രജിസ്റ്റര്‍ ചെയ്തു.
വിവാഹവാഗ്ദാനം നല്‍കിയായിരുന്നു പീഡനമെന്ന് യുവതി പറയുന്നു. കഴിഞ്ഞ പതിനെട്ട് മാസമായി ഇയാള്‍ തന്നെ നിരന്തരം ഉപദ്രവിക്കുകയായിരുന്നു. പിന്നീട് വിവാഹം കഴിക്കില്ലെന്ന് പറഞ്ഞ് ഇയാള്‍ വന്നു. അത് എതിര്‍ത്തപ്പോള്‍ അദ്ദേഹം ക്രൂരമായി തന്നെ ബലാത്സംഗം ചെയ്തു- പെണ്‍കുട്ടി പരാതിയില്‍ പറയുന്നു.
ഗിര്‍ സോംനാഥ് ജില്ലയിലെ മാധവ് രാജി ക്ഷേത്രത്തിലെ മുതിര്‍ന്ന പൂജാരിയാണ് ഇയാള്‍. ഇയാള്‍ക്കെതിരെ ബലാത്സംഗക്കുറ്റത്തിന് കേസെടുത്തതായി തലാല സര്‍ക്കിള്‍ പൊലീസ് ഇന്‍സ്പെക്ടര്‍ എ.പി സോളങ്കി പറഞ്ഞു. തലാല താലൂക്കിലാണ് പെണ്‍കുട്ടിയുടെ വീട്. മെയ് 23 ന് ഡെപ്യൂട്ടി പൊലീസ് സൂപ്രണ്ടിനാണ് പെണ്‍കുട്ടി പരാതി നല്‍കിയത്. സെക്ഷന്‍ 376, 506, 323 തുടങ്ങിയ വകുപ്പുകള്‍ പ്രകാരമാണ് കേസ് രജിസ്റ്റര്‍ ചെയ്തിരിക്കുന്നത്.
