‘ഞങ്ങള്‍ ഞങ്ങളുടെ വഴിക്ക് പോകും’ ശിവസേനയ്ക്ക് പിന്നാലെ എന്‍.ഡി.എ വിടാനൊരുങ്ങി തെലുങ്ക് ദേശം പാര്‍ട്ടി

ഹൈദരാബാദ്: ശിവസേന മുന്നണി വിട്ടതിനു പിന്നാലെ എന്‍.ഡി.എ സഖ്യം വിടാന്‍ സന്നദ്ധതയറിയിച്ച് തെലുങ്കുദേശം പാര്‍ട്ടി. ബി.ജെ.പി നേതാക്കളുടെ സര്‍ക്കാര്‍ വിരുദ്ധ പരാമര്‍ശങ്ങളെയും വിമര്‍ശനങ്ങളെയും തുടര്‍ന്നാണ് മുന്നണി വിടാന്‍ തയ്യാറാണെന്ന് ടി.ഡി.പി നേതാവും ആന്ധ്രാപ്രദേശ് മുഖ്യമന്ത്രിയുമായ ചന്ദ്രബാബു നായിഡു അറിയിച്ചത്. 2019 ലെ പൊതു തെരഞ്ഞെടുപ്പിനൊരുങ്ങുന്ന എന്‍.ഡി.എയ്ക്ക് ഇത് വന്‍ തിരിച്ചടിയാകും.

അമരാവതിയില്‍ വേള്‍ഡ് ഇക്കണോമിക് ഫോറത്തില്‍ പങ്കെടുത്ത ശേഷം മാധ്യമങ്ങളോട് സംസാരിക്കവേയാണ് ചന്ദ്രബാബു നായിഡു എന്‍.ഡി.എ വിടാന്‍ തങ്ങള്‍ ഒരുക്കമാണെന്ന് വ്യക്തമാക്കിയത്. ആന്ധ്രാപ്രദേശ് രണ്ട് സംസ്ഥാനങ്ങളായി പിരിഞ്ഞിട്ടും കേന്ദ്ര സര്‍ക്കാര്‍ പ്രത്യേക പദവി അനുവദിക്കാത്തതിനെ ചോദ്യം ചെയ്ത അദ്ദേഹം ബി.ജെ.പി നേതാക്കളുടെ പരമാര്‍ശങ്ങളിലും പ്രതിഷേധം അറിയിച്ചു.

‘എന്റെ പാര്‍ട്ടിയിലുള്ളവരെ നിയന്ത്രിക്കാന്‍ എനിയ്ക്ക് കഴിയും. ബി.ജെ.പിക്കെതിരെ സംസാരിക്കരുതെന്ന് ഞാന്‍ എപ്പോഴും പറയാറുണ്ട്. ഒരു പാര്‍ട്ടി മുന്നണിയുടെ ഭാഗമായി നില്‍ക്കുമ്പോള്‍ പരസ്പരം ഏറ്റുമുട്ടുന്നത് ശരിയല്ല. എന്നാല്‍, ചില ബി.ജെ.പി സംസ്ഥാന നേതാക്കള്‍ സര്‍ക്കാര്‍ വിരുദ്ധ പരാമര്‍ശങ്ങള്‍ നടത്തുന്നുണ്ട്. ഇതില്‍ നടപടിയെടുക്കാനോ പ്രതികരിക്കാനോ നേതൃത്വം തയ്യാറാവുന്നില്ലെങ്കില്‍, ഞങ്ങളെ മുന്നണിയില്‍ വേണ്ടെങ്കില്‍ ഞങ്ങള്‍ ഞങ്ങളുടെ വഴിക്ക് പോകും’ ചന്ദ്രബാബു നായിഡു പറഞ്ഞു.

നിലവില്‍ ബി.ജെ.പിയും ടി.ഡി.പിയും തമ്മില്‍ ആന്ധ്രാപ്രദേശ്, ദല്‍ഹി എന്നീ സംസ്ഥാനങ്ങളില്‍ സഖ്യമുണ്ട്. എന്നാല്‍ കഴിഞ്ഞ കുറച്ചുകാലമായി ഇരുപാര്‍ട്ടികളും തമ്മിലുള്ള ബന്ധം അത്ര സുഗമമല്ല. 2019 ലോക്സഭാ തിരഞ്ഞെടുപ്പില്‍ എന്‍.ഡി.എയുമായി ചേര്‍ന്നു പ്രവര്‍ത്തിക്കാന്‍ ഒരുക്കമാണെന്ന് വൈ.എസ്.ആര്‍ കോണ്‍ഗ്രസ് മേധാവി ജഗന്‍മോഹന്‍ റെഡ്ഡി അടുത്തിടെ പ്രഖ്യാപിച്ചിരുന്നു.

Similar Articles

Comments

Advertisment

Most Popular

പി.സിക്കെതിരായ കേസ്:ചുമത്തിയിട്ടുള്ളത് ജാമ്യമില്ലാ വകുപ്പുകള്‍, പീഡനം ഫെബ്രുവരി പത്തിനെന്ന് FIR;

തിരുവനന്തപുരം: പീഡനക്കേസില്‍ പി.സി ജോര്‍ജിനെ മ്യൂസിയം പോലീസ് അറസ്റ്റുചെയ്തത് ജാമ്യമില്ലാ വകുപ്പുകള്‍ ചുമത്തി. സര്‍ക്കാരിനെതിരായ ഗുഢാലോചന നടത്തിയെന്ന കേസില്‍ ജോര്‍ജിനെ ചോദ്യം ചെയ്യാനായി തൈക്കാട് ഗസ്റ്റ്ഹൗസിലേക്ക് വിളിച്ചു വരുത്തിയതിന് പിന്നാലെയായിരുന്നു പീഡനക്കേസിലെ അറസ്റ്റ്....

പീഡന പരാതിയിൽ പി.സി ജോർജ് അറസ്റ്റിൽ

പീഡന പരാതിയിൽ ജനപക്ഷം നേതാവ് പി.സി ജോർജ് അറസ്റ്റിൽ. സോളാർ തട്ടിപ്പ് കേസിലെ പ്രതിയുടെ രഹസ്യമൊഴിയിൽ മ്യൂസിയം പൊലീസാണ് മുൻ എംഎൽഎയെ അറസ്റ്റ് ചെയ്തത്. തിരുവനന്തപുരം ഗസ്റ്റ് ഹൗസിൽ വച്ച് ലൈംഗിക താൽപര്യത്തോടെ...

വിജയ് ബാബുവിന്റെ മുന്‍കൂര്‍ ജാമ്യം റദ്ദാക്കണമെന്നാവശ്യപ്പെട്ട് നടി സുപ്രീംകോടതിയിൽ

എറണാകുളം: ബലാത്സംഗ കേസില്‍ നടനും നിര്‍മ്മാതാവുമായ വിജയ് ബാബുവിന്റെ മുന്‍കൂര്‍ ജാമ്യം റദ്ദാക്കണമെന്നാവശ്യപ്പെട്ട് സുപ്രീംകോടതിയെ സമീപിച്ച്‌ ലൈം​ഗീക അതിക്രമത്തിനിരയായ യുവനടി. നിയമത്തെ വെല്ലുവിളിക്കുന്ന സമീപനമാണ് വിജയ് ബാബുവിന്റെ ഭാ​ഗത്ത് നിന്നുണ്ടായതെന്ന് നടി ഹര്‍ജിയില്‍ പറഞ്ഞു....