തന്റെ പേര് ചിലര്‍ ദുരുപയോഗം ചെയ്യുന്നതായി നടി നേഹ സക്‌സേന. തന്റെ പേര് ഉപയോഗിച്ച് ആളുകള്‍ ഫെയ്‌സ്ബുക്കില്‍ ബന്ധപ്പെടാനും സൗഹൃദം ഉണ്ടാക്കാനും ശ്രമിക്കുന്നുണ്ട്. ഇത്തരത്തില്‍ തന്റെ പേരില്‍ ബന്ധപ്പെടാന്‍ ശ്രമിക്കുന്നവരെ വിശ്വസിക്കരുതെന്നും നേഹ ഫെയ്‌സ്ബുക്ക് പോസ്റ്റിലൂടെ പറഞ്ഞു.
തന്റെ പേര് ഉപയോഗിച്ച് ഫെയ്‌സ്ബുക്കില്‍ ആളുകളോട് ബന്ധപ്പെടാന്‍ ശ്രമിക്കുന്നുത്. തന്റെ സുഹൃത്താണെന്നും കുടുംബമാണെന്നും പറഞ്ഞാണ് ഇത്തരം വ്യാജന്മാര്‍ ആളുകളെ ബന്ധപ്പെടുന്നതെന്നും നേഹ പറയുന്നു. കേരളത്തില്‍നിന്നുള്ള സുഹൃത്തുക്കളും ഫോളോവേഴ്‌സും പ്രത്യേകം ശ്രദ്ധിക്കണമെന്നും നേഹ പറഞ്ഞു.
മോഹന്‍ലാല്‍ ചിത്രം മുന്തിരിവള്ളികള്‍ തളിര്‍ക്കുമ്പോള്‍ മമ്മൂട്ടി ചിത്രം കസബ തുടങ്ങിയ ചിത്രങ്ങളിലൂടെ ശ്രദ്ധിക്കപ്പെട്ട നേഹ ഏറ്റവും ഒടുവിലായി അഭിനയിച്ചത് സഖാവിന്റെ പ്രിയസഖി എന്ന ചിത്രത്തിലാണ്. കണ്ണൂര്‍ രാഷ്ട്രീയം അടിസ്ഥാനമാക്കിയുള്ള ചിത്രത്തില്‍ ശക്തമായ സ്ത്രീകേന്ദ്രീകൃത കഥാപാത്രമാണ് നേഹയുടേത്. സുധീര്‍ കരമനയാണ് സിനിമയിലെ നായിക.
