പൃഥിരാജല്ല കര്‍ണനായി എത്തുന്നത് സൂപ്പര്‍ സ്റ്റാര്‍ വിക്രം. മലയാളികള്‍ ഏറെ പ്രതീക്ഷയോടെ കാത്തിരുന്ന ചിത്രമായിരുന്നു കര്‍ണന്‍. ‘എന്ന് നിന്റെ മൊയ്തിന്‍’ എന്ന ചിത്രത്തിന് ശേഷം ആര്‍.എസ് വിമല്‍ പൃഥ്വിരാജിനെ നായകനാക്കി കര്‍ണന്‍ ഒരുക്കുന്നു എന്ന വാര്‍ത്തകള്‍ വന്നിരുന്നു. ചിത്രം പൃഥ്വിരാജും വിമലും ഔദ്യോഗികമായി പ്രഖ്യാപിക്കുകയും ചെയ്തിരുന്നു. എന്നാല്‍, ഇപ്പോള്‍ പുറത്തുവരുന്ന റിപ്പോര്‍ട്ട് അനുസരിച്ച് മലയാളത്തിലെ കര്‍ണന്‍ ഉപേക്ഷിച്ചതായും പകരം ഹിന്ദിയില്‍ തമിഴ് സൂപ്പര്‍ താരം ചിയാന്‍ വിക്രമിനെ നായകനാക്കി ‘മഹാവീര്‍ കര്‍ണ’ എന്ന പേരില്‍ ചിത്രം എടുക്കുമെന്നുമാണ് റിപ്പോര്‍ട്ട്. 300 കോടിയോളം മുടക്കി എടുക്കാന്‍ തീരുമാനമായെന്നും റിപ്പോര്‍ട്ടുണ്ട്. യുണൈറ്റഡ് ഫിലിം കിങ്ഡം നിര്‍മിക്കുന്ന ചിത്രം 2019 ഡിസംബറില്‍ റിലീസ് ചെയ്യുമെന്ന് ആര്‍.എസ് വിമല്‍ ഫേസ്ബുക്ക് പോസ്റ്റിലൂടെ അറിയിച്ചു.
300 കോടി മുടക്കിയെടുക്കുന്ന ചരിത്ര സിനിമ മലയാളത്തില്‍ പിറവിയെടുക്കുന്നതിന്റെ ആവേശത്തിലായിരുന്നു പ്രേക്ഷകര്‍. എന്നാല്‍, അവരെ നിരാശരാക്കുന്നതാണ് പുതിയ പ്രഖ്യാപനം.
