പിണറായിക്കും റിയാസിനുമെതിരെയുള്ള അന്വേഷണത്തിന് എസ്ഐടി!! എച്ച്. വെങ്കടേഷ് നേതൃത്വം നൽകുന്ന ടീമിൽ എസ്.പി. വിക്രമൻ അന്വേഷണ ഉദ്യോ​ഗസ്ഥൻ, പ്രാഥമിക അന്വേഷണം 30 ദിവസത്തിനകം പൂർത്തിയാക്കാൻ നിർദേശം, റിയാസിന്റെ സുഹൃത്തുക്കൾക്കെതിരെയും അന്വേഷണം

തിരുവനന്തപുരം: സിഎംആർഎൽ- എക്‌സാലോജിക് ഇടപാടിൽ ഇഡി ശുപാർശ അനുസരിച്ച് മുൻ മുഖ്യമന്ത്രിയും പ്രതിപക്ഷ നേതാവുമായ പിണറായി വിജയൻ, മുൻ മന്ത്രി പി.എ. മുഹമ്മദ് റിയാസ്, ഭാര്യ ടി. വീണ എന്നിവർക്കെതിരായ അന്വേഷണത്തിനായി എസ്‌ഐടി രൂപീകരിച്ചു. ക്രൈംബ്രാഞ്ച് എഡിജിപി എച്ച്. വെങ്കടേഷ് അന്വേഷണത്തിനു മേൽനോട്ടം നൽകും. എസ്.പി. വിക്രമനാണ് അന്വേഷണ ഉദ്യോഗസ്ഥൻ. കൂടാതെ ഡിവൈഎസ്പിമാർ ഉൾപ്പെടെയുള്ളവരും സംഘത്തിൽ ഉണ്ടാകും.

കള്ളപ്പണ ഇടപാട് കേസിൽ പ്രാഥമിക അന്വേഷണം 30 ദിവസത്തിനകം പൂർത്തിയാക്കാനാണ് നിർദേശം. തെളിവുകൾ കൈമാറിയ ഇഡി ഉദ്യോഗസ്ഥരുമായി പ്രത്യേക സംഘം വിവരങ്ങൾ ചോദിച്ചറിഞ്ഞ ശേഷമാകും തുടർനടപടികളിലേക്കു കടക്കുക. ഇഡി നൽകിയ കത്തിന്റെ അടിസ്ഥാനത്തിൽ അന്വേഷണം നടത്താമെന്ന് നിയമോപദേശം ലഭിച്ചതിന്റെ അടിസ്ഥാനത്തിൽ ഇന്നലെയാണ് സർക്കാർ അന്വേഷണം പ്രഖ്യാപിച്ചത്.

അതേപോലെ ഇഡി ഉന്നയിച്ച ആരോപണങ്ങൾ തെളിഞ്ഞാൽ എഫ്‌ഐആർ റജിസ്റ്റർ ചെയ്തു കേസെടുക്കും. ഇഡിയുടെ കത്തിൽ സിഎംആർഎൽ- എക്‌സാലോജിക് ഇടപാടിലെ കൈക്കൂലി ആരോപണമാണു പിണറായിക്കെതിരെയുള്ളത്. റിയാസിനും വീണയ്ക്കും ഹവാല ഇടപാടിൽ പങ്കുണ്ടെന്നും കത്തിൽ പറയുന്നു.

Related Post

ഈ നാലു ദിവസമെന്നു പറയുമ്പോൾ ആർത്തവം കാരണമാണോ മന്ത്രി വിജയിക്കൊപ്പം പോകാത്തത്? അതൊക്കെ ഒരു കാരണമായി പരസ്യമായി പറയുന്നത് എന്തിനാണ്? ശസ്ത്രക്രിയയെ തുടർന്ന് ലണ്ടൻ യാത്ര ഉപേക്ഷിച്ച വ്യവസായ മന്ത്രിയെ പരിഹസിച്ച് ഡിഎംകെ വനിതാ നേതാവിന്റെ പരസ്യ പ്രസ്താവന വിവാ​ദത്തിൽ

September 23, 2026

ആ പിന്നെ അരിക്കൊമ്പനെന്നു പറഞ്ഞാൽ കോൺ​ഗ്രസുകാരുടെ അമ്മായിയപ്പനാണല്ലോ… മനുഷ്യരെ കൊല്ലുന്നവരെ പിന്നെ എന്ത് ചെയ്യണം? അക്രമകാരികളായ കാട്ടാനകളെ കൊല്ലണം, ആദ്യം സംരക്ഷണം നൽകേണ്ടത് ജനങ്ങളുടെ സ്വത്തിനും ജീവനും!! സർക്കാർ വേണ്ട നടപടി സ്വീകരിക്കണം- എംഎം മണി

September 23, 2026

ആഹാ, എന്താ സന്തോഷം, 100 മീറ്റർ ഓട്ടത്തിന് ഒന്നാം സമ്മാനം അടിച്ച് നിൽക്കുവല്ലേ… മദ്യക്കടത്തിന് പോലീസിൻ്റെ പിടിയിലായ പ്രതികളുടെ ഫോട്ടോ വൈറൽ!! ‘ഫോട്ടോയെടുത്ത ക്യാമറാമാൻ കല്യാണ ഫോട്ടോഗ്രാഫറാണെന്ന് തോന്നുന്നു- കമെന്റ്!! ചിരിച്ചുകൊണ്ട് നിൽക്കാൻ ആവശ്യപ്പെട്ടതായി പോലീസ്

September 23, 2026

മകൻ തിരിച്ചുവരുന്ന പ്രതീക്ഷ അസ്തമിച്ചു…കടലിൽ വള്ളം മറിഞ്ഞ് ​ഗൗതം കൃഷ്ണയെ കാണാതായിട്ട് 55 ദിനങ്ങൾ, മകന്റെ രൂപം മരത്തടിയിൽ കൊത്തിയെടുത്ത് ചിതയിൽ ദഹിപ്പിച്ച് അന്ത്യകർമ്മങ്ങൾ പൂർത്തിയാക്കി അമ്മ

September 23, 2026

അതേസമയം പിണറായി ഉൾപ്പെടെയുള്ളവർക്കെതിരെ അഴിമതി നിരോധന നിയമപ്രകാരം കേസെടുക്കാൻ വ്യക്തമായ തെളിവുണ്ടെന്ന നിയമോപദേശമാണു സർക്കാരിനു ലഭിച്ചതെങ്കിലും അന്വേഷണത്തിലൂടെ കൂടുതൽ തെളിവുകൾ ശേഖരിച്ചശേഷം തുടർനടപടിയിലേക്കു നീങ്ങുന്നതാണ് ഉചിതമെന്നാണു വിലയിരുത്തൽ. കൂടാതെ അഴിമതി നിരോധന നിയമപ്രകാരം കേസെടുക്കും മുൻപു പ്രാഥമികാന്വേഷണം നടത്തണമെന്ന സുപ്രീം കോടതി വിധിയും കണക്കിലെടുത്താണ് സർക്കാരിന്റെ പുതിയ നീക്കം.

അന്വേഷണത്തിനു ശുപാർശ ചെയ്ത് ഈമാസം 8 നാണ് 25 പേജുള്ള കത്ത് പോലീസ് മേധാവിക്ക് ഇഡി നൽകിയത്. സിഎംആർഎൽ കമ്പനി മാനേജിങ് ഡയറക്ടർ എസ്.എൻ. ശശിധരൻ കർത്താ, സിഎംആർഎൽ മുൻ ചീഫ് ഫിനാൻസ് ഓഫിസർ പി. സുരേഷ് കുമാർ എന്നിവർക്ക് റിയാസുമായി ബന്ധമുണ്ടെന്ന് ഇഡി പറയുന്ന കത്തിൽ പരാമർശിക്കുന്ന റിയാസിന്റെ സുഹൃത്തുക്കളായ ഷൈജൽ മുഹമ്മദ്, പി. നിഖിൽ, ഹസൻ വാരിസ്, വി.പി. ഫൈജാസ്, എം.ന ന്ദുലാൽ എന്നിവരുൾപ്പെടെവർക്കെതിരെയും അന്വേഷണമുണ്ടാകും

ആഹാ, എന്താ സന്തോഷം, 100 മീറ്റർ ഓട്ടത്തിന് ഒന്നാം സമ്മാനം അടിച്ച് നിൽക്കുവല്ലേ… മദ്യക്കടത്തിന് പോലീസിൻ്റെ പിടിയിലായ പ്രതികളുടെ ഫോട്ടോ വൈറൽ!! ‘ഫോട്ടോയെടുത്ത ക്യാമറാമാൻ കല്യാണ ഫോട്ടോഗ്രാഫറാണെന്ന് തോന്നുന്നു- കമെന്റ്!! ചിരിച്ചുകൊണ്ട് നിൽക്കാൻ ആവശ്യപ്പെട്ടതായി പോലീസ്