BREAKING NEWS

ആ മിന്നൽ പ്രളയത്തിൽ ഭോട്ടെ കോശി നദി കരകവിഞ്ഞൊഴുകി, ടിമുരെ ഗ്രാമം ഏക​ദേശം പൂർണമായും പ്രളയം വിഴുങ്ങി, മൂന്നു ദിവസമായി മൃതദേഹങ്ങൾ കണ്ടെത്താനുള്ള ശ്രമത്തിലാണ് രക്ഷാപ്രവർത്തകർ, ഇടയിൽ കരച്ചിലിന്റെ നേർത്ത ശബ്ദം… മണ്ണ് വേ​ഗത്തിൽ കുഴിച്ചുനോക്കിയ രക്ഷാസംഘം കണ്ടത് മരണത്തോട് പടവെട്ടിയ കുഞ്ഞു മനീഷയെ…

· · 1 min read
Share: Copied!

കാഠ്മണ്ഡു: നേപ്പാളിലെ റസുവ ജില്ലയിൽ പ്രളയത്തിൽ കാണാതായ ആറുവയസുകാരിയെ മൂന്ന് ദിവസത്തിന് ശേഷം മണ്ണിനും അവശിഷ്ടങ്ങൾക്കും അടിയിൽ നിന്ന് ജീവനോടെ അത്ഭുതകരമായി രക്ഷപ്പെടുത്തി. റസുവയിലെ ടിമുരെ ഗ്രാമത്തിലാണ് ഈ അമ്പരപ്പിക്കുന്ന രക്ഷാപ്രവർത്തനം നടന്നത്.

ഭോട്ടെ കോശി നദി കരകവിഞ്ഞുണ്ടായ പ്രളയത്തിൽ ടിമുരെ ഗ്രാമം വൻ നാശനഷ്ടമാണ് നേരിട്ടത്. വെള്ളപ്പൊക്കത്തിന് പിന്നാലെ കനത്ത ചെളിയിലും അവശിഷ്ടങ്ങൾക്കിടയിലും രക്ഷാപ്രവർത്തനം നടത്തുന്നതിനിടെ സായുധ പോലീസ് സേനയായ എപിഎഫ് സംഘത്തിന് മണ്ണിനടിയിൽ നിന്ന് നേരിയ കരച്ചിൽ കേൾക്കുകയായിരുന്നു.

ശബ്ദം കേട്ട ഭാഗത്ത് രക്ഷാപ്രവർത്തകർ ഉടൻ തന്നെ കുഴിച്ചുതുടങ്ങി. ഒടുവിൽ ആറുവയസുകാരി മനീഷ മഗറിനെ ജീവനോടെ കണ്ടെത്തി പുറത്തെടുത്തു. ആദ്യം ടിമുരെയിലെ എപിഎഫ് ബോർഡർ ഔട്ട്‌പോസ്റ്റിൽ കുട്ടിക്ക് ചികിത്സ നൽകി. എന്നാൽ ആരോഗ്യനില മോശമായതോടെ വിദഗ്ധ ചികിത്സയ്ക്കായി കാഠ്മണ്ഡുവിലേക്ക് മാറ്റാൻ തീരുമാനിച്ചു.

എന്നാൽ വെള്ളിയാഴ്ച വൈകിട്ടുതന്നെ ഹെലികോപ്റ്ററിൽ കാഠ്മണ്ഡുവിലേക്ക് മാറ്റാൻ ശ്രമിച്ചെങ്കിലും മോശം കാലാവസ്ഥയും കാഴ്ചപരിധി കുറഞ്ഞതും കാരണം യാത്ര വൈകി. ശനിയാഴ്ച ഉച്ചയോടെ കാലാവസ്ഥ മെച്ചപ്പെട്ടതോടെ ഹെലികോപ്റ്ററിൽ കുട്ടിയെ കാഠ്മണ്ഡുവിലെ ആശുപത്രിയിലെത്തിച്ചു. നിലവിൽ വിദഗ്ധ ചികിത്സയിൽ കഴിയുന്ന കുട്ടി ഡോക്ടർമാരുടെ നിരീക്ഷണത്തിലാണ്.

രക്ഷാപ്രവർത്തനത്തിന്റെ ദൃശ്യങ്ങൾ സമൂഹമാധ്യമങ്ങളിൽ വ്യാപകമായി പ്രചരിച്ചു. അവസാന പ്രതീക്ഷയും നഷ്ടപ്പെട്ടെന്ന് കരുതിയ സമയത്ത് കുട്ടിയെ ജീവനോടെ കണ്ടെത്തിയതിൽ എപിഎഫ് സംഘത്തെ അഭിനന്ദിച്ച് നിരവധി പേരാണ് രംഗത്തെത്തിയത്. അതേസമയം കുട്ടിയുടെ കുടുംബത്തെയോ, ബന്ധുക്കളെയോ കണ്ടെത്താനുള്ള ശ്രമങ്ങളും അധികൃതർ തുടരുകയാണ്.

ഇതിനിടെ, നേപ്പാളിലെ പ്രളയദുരന്തത്തിന്റെ വ്യാപ്തി കണക്കിലെടുത്ത് പുനർനിർമാണത്തിനും പുനരധിവാസത്തിനുമായി ബില്യൺ കണക്കിന് ഡോളർ വേണ്ടിവരുമെന്ന് വിദേശകാര്യ മന്ത്രി ശിശിർ ഖനാൽ പറഞ്ഞു. നാശനഷ്ടങ്ങളുടെ കൃത്യമായ കണക്ക് തയ്യാറാക്കിയ ശേഷം അന്താരാഷ്ട്ര സമൂഹത്തിന്റെ സഹായം തേടുമെന്നും അദ്ദേഹം വ്യക്തമാക്കി.

നേപ്പാളിൽ പ്രളയത്തിലും മണ്ണിടിച്ചിലിലും ഇതുവരെ 675 മൃതദേഹങ്ങൾ കണ്ടെത്തിയതായി അധികൃതർ അറിയിച്ചു. 2,400ലധികം പേരെ ഇപ്പോഴും കാണാതായിരിക്കുകയാണ്. രക്ഷാപ്രവർത്തകർ പ്രതീക്ഷ കൈവിടാതെ തിരച്ചിൽ തുടരുകയാണ്.

കോഴിക്കോട് രാത്രി പട്രോളിങ്ങിനിടെ പൊലീസിന് നേരേ ആക്രമണം; സിറിഞ്ചും സൂചിയും ഉപയോഗിച്ച് കുത്തി, പരിക്ക്; പ്രതികൾ രക്ഷപ്പെട്ടു; ലഹരിസംഘമെന്ന് നി​ഗമനം

BREAKING NEWS
'ഒരു വർഷം സ്വർണം വാങ്ങരുതെന്ന് പറഞ്ഞു, ജനങ്ങൾ അനുസരിച്ചു; വിലയും കുറഞ്ഞു; മോദിജി, അങ്ങ് പറഞ്ഞതനുസരിച്ച് ഞങ്ങൾ സ്വർണം വാങ്ങിയില്ല; അതിലൂടെ പണം ലാഭിക്കാൻ കഴിഞ്ഞു'എന്ന് പലരും ഇപ്പോൾ എന്നോട് പറയുന്നുണ്ട്'; പ്രധാനമന്ത്രി മോദി
21 Nov 2026
BREAKING NEWS
അഭിറാമിന്റെ തലയ്ക്കടിച്ച തേങ്ങ കണ്ടെത്തി... പ്രതിക്ക് പ്രായത്തിന്റെ ആനുകൂല്യം നൽകി ജാമ്യം നൽകരുത്, 17 കാരന് പ്രായപൂർത്തിയായ ഒരു കുറ്റവാളിക്ക് സമാനമായ മാനസീകാവസ്ഥ, കൗൺസിലിംഗ് നടത്തിയ ഡോക്ടർമാർ, വിചാരണ നേരിടുന്നതിന് യാതൊരുവിധ മാനസിക തടസങ്ങളുമില്ല- മെഡിക്കൽ ബോർഡ്... ജാമ്യാപേക്ഷ തള്ളി ജുവനൈൽ ജസ്റ്റിസ...
21 Nov 2026
BREAKING NEWS
വൈദ്യുതി മ​ന്ത്രി പങ്കെടുത്ത പരിപാടിക്കിടെ അറ്റകുറ്റപ്പണികൾക്കായി ലൈൻ ഓഫ് ചെയ്തു, മു​ൻ​കൂ​ട്ടി അ​റി​യി​ക്കാ​തെ വൈ​ദ്യു​തി വി​ച്ഛേ​ദി​ച്ച​തി​ന് പി​ന്നി​ൽ ദു​രു​ദ്ദേ​ശ്യ​മു​ണ്ടെന്ന സംശയമുന്നയിച്ച് എംഎൽഎ ടി.​ഒ.​ മോ​ഹ​ന​ൻ- കെ​എ​സ്ഇ​ബി സ​ബ് എ​ൻ​ജി​നീ​യ​ർ​ക്ക് സ​സ്പെ​ൻ​ഷ​ൻ
21 Nov 2026
BREAKING NEWS
എന്താണ് കേരളത്തിൽ നടക്കുന്നത്? 6 മാസം കൊണ്ട് 'ടീം യുഡിഎഫ്' പൂർണമായും തകർന്നു തരിപ്പണമായി, മന്ത്രിസഭായോഗത്തിൽ കോൺഗ്രസ് മന്ത്രിമാർ തമ്മിലും ഘടകകക്ഷി നേതാക്കളും മുഖ്യമന്ത്രിയുമായി മണിക്കൂറുകൾ നീണ്ടുനിൽക്കുന്ന ഏറ്റുമുട്ടലുകൾ, അഴിമതി നടത്താനുള്ള ത്വരയാണ് എല്ലാവരിലും, ഗ്രൂപ്പ് പ്രശ്നങ്ങളും തമ്മിലടിയും ...
21 Nov 2026