അമ്പലപ്പുഴയിൽ റെയിൽവേ പാളത്തിലേക്ക് ഇഴഞ്ഞുകയറിയ ഒന്നര വയസുകാരന് ട്രെയിൻ തട്ടി ദാരുണാന്ത്യം, അപകടം വീ‌ടിനു സമീപത്തുള്ള റെയിൽവേ പാളത്തിൽ വച്ച്

ആലപ്പുഴ: വീടിനു സമീപത്തുള്ള റെയിൽവേ പാളത്തിലേക്ക് ഇഴഞ്ഞുകയറിയ ഒന്നര വയസ്സുകാരന് ട്രെയിൻ തട്ടി ദാരുണാന്ത്യം. കാക്കാഴം പുതുവൽ വിനീതിന്റെ മകൻ ത്രിണവ് ആണ് മരിച്ചത്.

ഇന്ന് വൈകിട്ട് 6 മണിക്ക് കൊല്ലം ഭാഗത്തേക്കു പോയ മെമുവാണ് കുഞ്ഞിനെ തട്ടിയത്. അതേസമയം കുട്ടിയെങ്ങനെ റെയിൽവേ പാളത്തിലെത്തിയെന്ന കാര്യത്തിൽ വ്യക്തത വന്നിട്ടില്ല. മൃതദേഹം മെഡിക്കൽ കോളജ് ആശുപത്രി മോർച്ചറിയിലേക്കു മാറ്റി.