BREAKING NEWS

മാതാപിതാക്കൾക്ക് ക്രെഡിറ്റ് സ്കോർ കുറവാണെങ്കിൽ ബാങ്കുകൾക്ക് വിദ്യാഭ്യാസ വായ്പ നിഷേധിക്കാൻ അധികാരമുണ്ട്- ഹൈക്കോടതി

· · 1 min read
Share: Copied!

കൊച്ചി: മാതാപിതാക്കളുടെ ക്രെഡിറ്റ് സ്‌കോർ (സിബിൽ സ്‌കോർ) കുറവാണെന്ന കാരണത്താൽ വിദ്യാഭ്യാസ വായ്പ നിഷേധിക്കാൻ ബാങ്കുകൾക്ക് അധികാരമുണ്ടെന്ന് ഹൈക്കോടതി വ്യക്തമാക്കി. സഹ-അപേക്ഷകരായ മാതാപിതാക്കളുടെ സിബിൽ സ്‌കോർ മോശമാണെന്ന കാരണത്താൽ ബാങ്കുകൾ വിദ്യാഭ്യാസ വായ്പ അനുവദിക്കാതിരുന്നതിനെതിരെ വിദ്യാർഥികൾ നൽകിയ ഹർജികൾ തള്ളിയാണ് ജസ്റ്റിസ് എം.എ. അബ്ദുൽ ഹക്കീം സുപ്രധാന വിധി പുറപ്പെടുവിച്ചത്.

വിദ്യാഭ്യാസ വായ്പാ അപേക്ഷകൾ പരിഗണിക്കുമ്പോൾ സഹ-വായ്പക്കാരന്റെ ക്രെഡിറ്റ് റിപ്പോർട്ടും സിബിൽ സ്‌കോറും പരിശോധിക്കാൻ ബാങ്കുകൾക്ക് നിയമപരമായ തടസ്സമില്ലെന്ന് കോടതി നിരീക്ഷിച്ചു. 2005-ലെ ക്രെഡിറ്റ് ഇൻഫർമേഷൻ കമ്പനീസ് (റെഗുലേഷൻ) ആക്ടിന്റെ ലക്ഷ്യവും ബാങ്കിങ് മേഖലയിലെ സാമ്പത്തിക അച്ചടക്കവും കണക്കിലെടുത്താൽ ഇത്തരമൊരു പരിശോധന സ്വാഭാവികമാണെന്നും കോടതി വ്യക്തമാക്കി.

വിദ്യാഭ്യാസ വായ്പ ലഭിക്കാത്തത് ഭരണഘടന ഉറപ്പുനൽകുന്ന മൗലികാവകാശങ്ങളുടെ ലംഘനമാണെന്ന ഹർജിക്കാരുടെ വാദവും കോടതി തള്ളി. ഇന്ത്യൻ ബാങ്ക്സ് അസോസിയേഷൻ (ഐ.ബി.എ.) തയ്യാറാക്കിയ മാതൃകാ വിദ്യാഭ്യാസ വായ്പാ പദ്ധതിയിലെയും റിസർവ് ബാങ്കിന്റെ മാർഗനിർദേശങ്ങളിലെയും വ്യവസ്ഥകൾ പാലിച്ചായിരിക്കണം ബാങ്കുകൾ വായ്പ അനുവദിക്കേണ്ടതെന്നും വിധിയിൽ ചൂണ്ടിക്കാട്ടി.

കേന്ദ്ര സർക്കാരിന്റെ സി.ജി.എഫ്.എസ്.ഇ.എൽ. (Credit Guarantee Fund Scheme for Education Loans) പദ്ധതി വിദ്യാഭ്യാസ വായ്പ അനുവദിക്കുന്നതിനുള്ള മാനദണ്ഡങ്ങളിൽ ഇളവ് നൽകുന്നില്ലെന്നും വായ്പ തിരിച്ചടവ് മുടങ്ങിയാൽ ബാങ്കുകൾക്ക് ഗാരന്റി നൽകുക മാത്രമാണ് പദ്ധതിയുടെ ലക്ഷ്യമെന്നും കോടതി വ്യക്തമാക്കി.

അതേസമയം, മാതാപിതാക്കളുടെ സിബിൽ സ്‌കോർ കുറവാണെങ്കിൽ പകരം മികച്ച ക്രെഡിറ്റ് ചരിത്രമുള്ള മറ്റൊരാളെ സഹ-അപേക്ഷകനായി ഉൾപ്പെടുത്തി വീണ്ടും അപേക്ഷ സമർപ്പിച്ചാൽ അത് പരിഗണിക്കാൻ ബാങ്കുകൾ തയ്യാറാകണമെന്നും കോടതി നിർദേശിച്ചു.

സാമ്പത്തിക അച്ചടക്കം ഉറപ്പാക്കുന്നതിനും കിട്ടാക്കടം കുറയ്ക്കുന്നതിനും വായ്പാ അപേക്ഷകരുടെ ക്രെഡിറ്റ് ചരിത്രം പരിശോധിക്കുന്നത് അനിവാര്യമാണെന്ന ബാങ്കുകളുടെ വാദം കോടതി അംഗീകരിക്കുകയായിരുന്നു.

‘പ്രധാൻ ക്രിമിനൽ മന്ത്രി;ദേശീയ പതാകയേന്തി പ്രതിഷേധത്തിൽ പങ്കെടുത്ത 9-കാരനാണ് ഈ ​ഗതി; യുവാവിന്റെ കാഴ്ച തിരിച്ചുകിട്ടുമോയെന്ന കാര്യത്തിൽ ഡോക്ടർമാർക്കും വ്യക്തതയില്ല ’; പെല്ലറ്റ് ആക്രമണത്തിൽ പ്രതികരിച്ച് രാഹുൽ ​ഗാന്ധി

BREAKING NEWS
സാൻഡ്പേപ്പർ വിവാദം വിട്ടുകളയൂ, പാക്കിസ്ഥാൻ സാൻഡ്പേപ്പറല്ല ഉപയോ​ഗിച്ചിരുന്നത്, പകരം ബോട്ടിൽ അടപ്പുകൊണ്ടാണ് പന്ത് ചുരണ്ടിയിരുന്നത്... ഒരുകാലത്ത് ഞാൻ കളിക്കളത്തിൽ 22 പേർക്കെതിരെയാണ് കളിക്കുന്നതെന്ന് തോന്നിയിട്ടുണ്ട്. ഞാൻ നേരിട്ട ഓരോ താരവും ഒത്തുകളി ആരോപണങ്ങളുടെ നിഴലിലായിരുന്നു"- വെളിപ്പെടുത്തലുമായി ...
20 Nov 2026
BREAKING NEWS
56-ാം വയസിൽ 'യുവനേതാവോ'?- ചോദ്യമുന്നയിച്ച് വിദ്യാർഥി!! ജനനത്തീയതിയല്ല, പുതിയ കാര്യങ്ങൾ അറിയാനുള്ള കൗതുകവും ചോദ്യങ്ങൾ ചോദിക്കാനുള്ള ധൈര്യവുമാണ് ഒരാളെ യുവാവാക്കുന്നത്, ഏറ്റവും വിചിത്രമെന്ന് തോന്നുന്ന ചോദ്യങ്ങൾ ചോദിക്കാൻ പോലും ഭയപ്പെടാതിരിക്കുക, അതാണ് എന്നെ സംബന്ധിച്ചിടത്തോളം യുവത്വം- മറുപടിയുമായി ര...
20 Nov 2026
BREAKING NEWS
'അഭിവാദ്യങ്ങൾ അഭിവാദ്യങ്ങൾ, ധീരസഖാക്കൾക്ക് അഭിവാദ്യങ്ങൾ, ലാൽസലാം സഖാക്കളേ, ജയിലറ കണ്ട് വിരണ്ടവരല്ല, ജയിലറ കണ്ട് വിറച്ചവരല്ല, ജയിലറ കണ്ട് വളർന്നവരാണേ'... ഷുക്കൂർ വധക്കേസ് പ്രതികളെ ജയിലിലേക്കു കൊണ്ടു പോകുന്നതിനിടെ അഭിവാദ്യമർപ്പിച്ച് സിപിഎം പ്രവർത്തകർ, മുഷ്ടി ചുരുട്ടി തിരികെ അഭിവാദ്യമർപ്പിച്ച് പ്രതി...
20 Nov 2026
BREAKING NEWS
പി ജയരാജനേയും ടി.വി. രാജേഷിനേയും വെറുതെ വിട്ടതിനു പിന്നിൽ സിബിഐയുടെ തുമ്പും തുലാനുമില്ലാത്ത കണ്ടുപിടിത്തങ്ങൾ... ഓരോ ചുവടും പിഴച്ചു, രണ്ടാം പ്രതി ഗണേശനെ തിരിച്ചറിയൽ പരേഡിൽ പ്രധാന സാക്ഷികൾക്ക് കഴിഞ്ഞില്ല, ആശുപത്രി മുറിയിൽ 28 മുതൽ 33 വരെയുള്ള പ്രതികൾ ഗൂഢാലോചന നടത്തിയെന്ന വാദം സാധൂകരിക്കാൻ പ്രോസിക്യൂ...
20 Nov 2026