Related Post
മലപ്പുറം: അധ്യാപക സംഗമത്തിൽ വിവാദ പരാമർശവുമായി എംഇഎസ് പ്രസിഡന്റ് ഫസൽ ഗഫൂർ. പണ്ട് മാറ് മറക്കാനായിരുന്നു സമരമെങ്കിൽ ഇപ്പോൾ മാറ് കാണിക്കാനാണ് സമരമെന്ന് ഫസൽ ഗഫൂർ പറഞ്ഞു. ഒരുകൂട്ടർ മുഖം മറക്കുന്നു, മറ്റു കൂട്ടർ മറ്റു ചിലത് തുറന്ന് കാണിക്കുന്നുവെന്നും ഫസൽ ഗഫൂർ. മലപ്പുറം തിരൂരിൽ എംഇഎസ് അധ്യാപകരുടെ സംഗമത്തിൽ സംസാരിക്കുകയായിരുന്നു ഫസൽ ഗഫൂർ.
ഫസൽ ഗഫൂറിന്റെ വിവാദ പരാമർശം ഇങ്ങനെ- ‘പണ്ട് മാറ് മറക്കാനായിരുന്നു സമരമെങ്കിൽ ഇപ്പോൾ മാറ് കാണിക്കാനാണ് സമരം. ഒരുകൂട്ടർ മുഖം മറക്കുന്നു, മറ്റു കൂട്ടർ മറ്റു ചിലത് തുറന്ന് കാണിക്കുന്നു. അത്യാവശ്യം ട്രൗസർ ചിലർ പൊക്കി നടക്കുന്നു. അതിൽ വിരോധമില്ല. കാണിക്കാൻ പറ്റിയതാണെങ്കിൽ തരക്കേടില്ല. ഈ കോഴിക്കാൽ കാണിച്ചിട്ടെന്ത് കാര്യമെന്താണ്. അമിതമായിട്ടുള്ള പാശ്ചാത്യ വത്കരണം വേണ്ട. നമുക്ക് അറേബ്യൻ സംസ്‌കാരവും ആര്യ സംസ്‌കാരവും പാശ്ചാത്യ സംസ്‌കാരവും വേണ്ട. പൂർവീകർ നടന്നതുപോലെ നടന്നാൽ മതി’.
