ധാരാളം പോഷകഗുണങ്ങൾ അടങ്ങിയ സുഗന്ധവ്യഞ്ജനമാണ് ജാതിക്ക. മിറിസ്റ്റിസിൻ, യൂജെനോൾ, ഐസോയുജെനോൾ, സഫ്രോൾ തുടങ്ങിയ ആന്റിഓക്‌സിഡന്റുകൾ ഇതിൽ അടങ്ങിയിട്ടുണ്ട്.
ജാതിക്കയിലെ ആന്റിഓക്‌സിഡന്റ് ഓക്‌സിഡേറ്റീവ് സ്ട്രെസ് മൂലമുണ്ടാകുന്ന ആരോഗ്യ പ്രശ്‌നങ്ങളുടെ പുരോഗതി തടയാനോ മന്ദഗതിയിലാക്കാനോ സഹായിച്ചേക്കാമെന്ന് ജേണൽ ഓഫ് ജനിറ്റിക് എഞ്ചിനീയറിംഗ് ആൻഡ് ബയോടെക്‌നോളജിയിൽ പ്രസിദ്ധീകരിച്ച ഗവേഷണം പറയുന്നു.
ജാതിക്കയുടെ ഗുണങ്ങളിൽ ഒന്ന്, അത് മാനസികാവസ്ഥ മെച്ചപ്പെടുത്താൻ സഹായിച്ചേക്കാം എന്നതാണ്. മാനസികാവസ്ഥയിലെ മാറ്റം, വിഷാദം, എന്നിവയാൽ പ്രകടമാകുന്ന വിഷാദത്തെ നേരിടാൻ ജാതിക്ക സഹായിച്ചേക്കാം. ജാതിക്കയിലെ സജീവ സംയുക്തങ്ങളായ മിറിസ്റ്റിസിൻ, മസെലിഗ്നാൻ എന്നിവ മാനസികാവസ്ഥയും ശ്രദ്ധയും മെച്ചപ്പെടുത്താൻ സഹായിച്ചേക്കാമെന്ന് അവിസെന്ന ജേണൽ ഓഫ് ഫൈറ്റോമെഡിസിനിൽ പ്രസിദ്ധീകരിച്ച പഠനത്തിൽ പറയുന്നു.
Related Post
വയറു വീർക്കൽ, ഗ്യാസ്, ദഹനക്കേട്, വയറിളക്കം എന്നിവ കുറയ്ക്കാൻ സഹായിക്കും. ഇതിന്റെ കാർമിനേറ്റീവ് ഗുണം (ഗ്യാസ് കുറയ്ക്കുന്ന പ്രഭാവം) ആമാശയത്തെ ശമിപ്പിക്കുകയും ഭക്ഷണത്തിനു ശേഷമുള്ള അസ്വസ്ഥതകൾ ലഘൂകരിക്കുകയും ചെയ്യുന്നതായി ഗവേഷകർ പറയുന്നു.
ആർത്രൈറ്റിസ്, സന്ധി വേദന, മെറ്റബോളിക് സിൻഡ്രോം തുടങ്ങിയ ആരോഗ്യപ്രശ്നങ്ങളുടെ പ്രധാന കാരണമായ ശരീരത്തിലെ വീക്കം കുറയ്ക്കാൻ ഇവ സഹായിക്കുന്നു.
ജാതിക്കയുടെ ഗുണങ്ങളിൽ ഒന്നാണ് ലൈംഗികാസക്തി വർദ്ധിപ്പിക്കൽ. ആൺ എലികൾക്ക് ജാതിക്കയുടെയും ഗ്രാമ്പൂവിന്റെയും സത്ത് നൽകുന്നത് അവയുടെ ലൈംഗിക സ്വഭാവം മെച്ചപ്പെടുത്തുമെന്ന് BMC കോംപ്ലിമെന്ററി ആൻഡ് ആൾട്ടർനേറ്റീവ് മെഡിസിനിൽ പ്രസിദ്ധീകരിച്ച ഒരു പഠനത്തിൽ പറയുന്നു.
പാലിൽ ഒരു ചെറിയ നുള്ള് ജാതിക്ക ചേർത്ത് ഉറങ്ങുന്നതിന് മുമ്പ് കുടിക്കുന്നത് നല്ല ഉറക്കം കിട്ടാൻ സഹായിക്കുന്നു. ഇതിലെ സംയുക്തങ്ങൾ നാഡീവ്യവസ്ഥയെ ശാന്തമാക്കുകയും സമ്മർദ്ദം കുറയ്ക്കുകയും ചെയ്യുന്നു.
വായിലെ ദോഷകരമായ ബാക്ടീരിയകളെ ചെറുക്കുന്ന ആന്റിമൈക്രോബയൽ ഗുണങ്ങൾ ജാതിക്കയിൽ അടങ്ങിയിട്ടുണ്ട്. ഇത് വായ്‌നാറ്റം (ഹാലിറ്റോസിസ്) ചികിത്സിക്കാൻ സഹായിക്കുകയും മോണരോഗങ്ങളും തടയുകയും ചെയ്യുന്നു.
ജാതിക്കയുടെ ഗുണങ്ങളിൽ ഒന്ന് അത് ചർമ്മത്തിന്റെ ആരോഗ്യത്തെ പിന്തുണയ്ക്കുന്നു എന്നതാണ്. മുഖക്കുരു സാധ്യതയുള്ളതോ പാടുകളുള്ളതോ ആയ ചർമ്മമുള്ള ആളുകൾക്ക് ഇത് പ്രത്യേകിച്ചും നല്ലതാണ്. അതിന്റെ ആൻറി ബാക്ടീരിയൽ, ആന്റി-ഇൻഫ്ലമേറ്ററി, എക്സ്ഫോളിയേറ്റിംഗ് ഗുണങ്ങൾ ചർമ്മത്തെ സംരക്ഷിക്കുന്നു.
