തിരുവനന്തപുരം: മലയാളികൾക്ക് സുപരിചിതയാണ് നിർമാതാവ് സുരേഷ് കുമാറിന്റേയും നടി മേനകയുടെയും മകളും നടിയുമായ കീർത്തി സുരേഷ്. താരത്തിന്റെ വിവാഹം അടുത്തിടെയാണ് കഴിഞ്ഞത്. ഏറെ നാളത്തെ പ്രണയത്തിനൊടുവിലാണ് സുഹൃത്തായ ആന്റണിയെ കീർത്തി വിവാഹം കഴിച്ചത്. വിവാഹ വിശേഷങ്ങൾ പങ്കുവയ്ക്കുന്നതിനിടെ ഒരു മലയാള സിനിമയിൽ നായികയായി അഭിനയിക്കുമ്പോഴുണ്ടായ രസകരമായ ഒരു സംഭവം പങ്കുവയ്ക്കുകയാണ് നടി.
ചില സിനിമകളിൽ ബാലതാരമായി കീർത്തി സുരേഷ് മുമ്പ് അഭിനയിച്ചിട്ടുണ്ട്. അതിലൊന്നായിരുന്നു ദിലീപ് നായകനായി എത്തിയ കുബേരൻ. പിന്നീട് 2013ൽ ഗീതാഞ്ജലി എന്ന സിനിമയിലൂടെ നായികയായി മലയാളത്തിൽ അരങ്ങേറ്റം കുറിച്ചു. പിന്നീട് റിംഗ് മാസ്റ്റർ എന്ന സിനിമയിൽ അഭിനയിച്ചപ്പോഴുള്ള ഒരു അനുഭവമാണ് താരം പങ്കുവച്ചത്. കുബേരനിൽ ബാലതാരമായി ദിലീപിന് ഒപ്പം അഭിനയിച്ച താരം ഈ ചിത്രത്തിൽ താരത്തിന്റെ നായികയായി അഭിനയിച്ചു.
Related Post
സിനിമയിൽ ഞാനാണ് അദ്ദേഹത്തിന്റെ ഗേൾഫ്രണ്ട് എന്ന് അറിഞ്ഞ ഉടനെ തന്നെ അദ്ദേഹം എനിക്ക് ഫോൺ ചെയ്തിരുന്നു. ‘കീർത്തി ചെറുപ്പത്തിലെ ഓർമ വച്ച് എന്നെ അങ്കിളേ എന്നൊന്നും ദയവ് ചെയ്ത് വിളിക്കരുത്. ചേട്ടാ എന്നേ വിളിക്കാവൂ’ എന്നായിരുന്നു അദ്ദേഹം പറഞ്ഞത്. ‘ഓക്കെ ചേട്ടാ’ എന്നാണ് ഇതിന് താൻ മറുപടി നൽകിയതെന്നും കീർത്തി സുരേഷ് പറയുന്നു. അതിന് ശേഷം സെറ്റിൽ എത്തിയപ്പോൾ വളരെ ജോളിയായിട്ടാണ് അഭിനയിക്കാൻ സാധിച്ചതെന്നും താരം കൂട്ടിച്ചേർത്തു.
