CRIME

മരിക്കുമെന്ന് പറഞ്ഞപ്പോൾ ചത്തോളാൻ മറുപടി… ശനിയാഴ്ച രാത്രി വീട്ടിലെത്തിയ പ്രതി ക്രൂരമായി മർദ്ദിച്ചു, തല ഭിത്തിയിൽ ഇടിപ്പിച്ചു, ലൈം​ഗിക ബന്ധത്തിനു നിർബന്ധിച്ചു, ലഹരിമരുന്ന് നൽകിയിരുന്നതായും സംശയം… അനൂപ് നാട്ടുകാർക്കും തലവേദന, അമ്മ പെൺകുട്ടിയുടെയടുത്തു നിന്നും മാറി താമസിക്കുന്നത് ഇയാളെ പേടിച്ച്… 20 കാരിയുടെ ജീവൻ നിലനിർത്തുന്നത് വെന്റിലേറ്ററിന്റെ സഹായത്താൽ

· · 1 min read
Share: Copied!

കൊച്ചി: ചോറ്റാനിക്കരയിൽ പോക്സോ കേസ് അതിജീവിതയായ പെൺകുട്ടി നേരിട്ടത് സമാനതകളില്ലാത്ത ക്രൂരപീഡനം. ഗുരുതര പരുക്കേറ്റ പെൺകുട്ടി കൊച്ചിയിലെ സ്വകാര്യ ആശുപത്രിയിൽ ജീവൻ നിലനിർത്തുന്നത് വെന്റിലേറ്ററിന്റെ സഹായത്തോടെയെന്ന് റിപ്പോർട്ട്. സംഭവത്തിൽ അറസ്റ്റിലായ ആൺസുഹൃത്ത് അനൂപിനെതിരെ ബലാത്സംഗം, വധശ്രമം തുടങ്ങിയ കുറ്റങ്ങൾ ചുമത്തി. പെൺകുട്ടിയുടെ വീട്ടിൽ പ്രതിയെ എത്തിച്ചു തെളിവെടുത്തു. വൈകിട്ട് കോടതിയിൽ ഹാജരാക്കും.

അതേസമയം പെൺകുട്ടിയുടെ വീട്ടിലെത്തിയിരുന്ന അനൂപ് നാട്ടുകാർക്കും തലവേദനയായിരുന്നു. ഇക്കാര്യം ചൂണ്ടിക്കാട്ടി നാട്ടുകാർ പോലീസിനു പരാതി നൽകിയിരുന്നു. ലഹരിക്കേസിൽ ഉൾപ്പെടെ പ്രതിയായ അനൂപ് പെൺകുട്ടിക്ക് ലഹരി നൽകിയിരുന്നതായും പോലീസ് സംശയിക്കുന്നു. തലയോലപ്പറമ്പ് വെട്ടിക്കാട്ടുമുക്ക് കുഴിപ്പുറത്ത് വീട്ടിൽ അനൂപിന് ഒരു വർഷത്തോളമായി പെൺകുട്ടിയുമായി അടുപ്പമുണ്ട്. സമൂഹമാധ്യമം വഴിയാണ് ഇയാൾ പെൺകുട്ടിയെ പരിചയപ്പെട്ടത്.

മക്കളില്ലാത്തതിനാൽ ചോറ്റാനിക്കരയിലെ ദമ്പതികൾ ദത്തെടുത്തതാണു പെൺകുട്ടിയെ. ഭർത്താവ് മരിച്ച ശേഷം മാതാവും പെൺകുട്ടിയും മാത്രമായിരുന്നു വീട്ടിൽ. മാതാവും പെൺകുട്ടിയും തമ്മിൽ ഇടയ്ക്കിടെ വഴക്കുണ്ടാകാറുള്ള കാര്യം നാട്ടുകാർ പോലീസിൽ നൽകിയ പരാതിയിലും പറയുന്നുണ്ട്. ഇതിനിടെയാണ് അനൂപുമായി പെൺകുട്ടി അടുപ്പമാകുന്നത്. ഇയാൾ വീട്ടിലെ സന്ദർശകനായി. പലപ്പോഴും മകളുടെ ദേഹത്തെ മുറിവുകൾ‍ കണ്ട് മർദനമേറ്റതാണെന്നു മനസ്സിലായിരുന്നു എന്ന് മാതാവ് വെളിപ്പെടുത്തി. അനൂപിനെ ചൊല്ലി മകളുമായി പലപ്പോഴും പ്രശ്നങ്ങൾ ഉടലെടുത്തതോടെ പേടികൊണ്ടാണ് താൻ മറ്റൊരിടത്തേക്കു മാറി താമസിച്ചതെന്നും മാതാവ് വെളിപ്പെടുത്തിയിരുന്നു.

ഗുരുതരാവസ്ഥയിലുള്ള 20 കാരി മരുന്നുകളോട് പ്രതികരിക്കുന്നില്ല… ശരീരത്ത് പലയിടത്തും ഇടിയേറ്റ പാടുകൾ, കഴുത്തിൽ ഷാളിട്ട് മുറുക്കി… സുഹൃത്ത് അനൂപ് സംശയരോ​ഗി, സംഭവ ദിവസം പുറത്തുകണ്ടയാളെ സംശയിച്ച് പെൺകുട്ടിയെ ഉപദ്രവിച്ചു, പെൺകുട്ടി ഏറ്റുവാങ്ങിയത് ക്രൂര പീഡനം

സംശയ രോ​ഗിയായ ഇയാൾ മറ്റ് ആൺസുഹൃത്തുക്കളുമായുള്ള അടുപ്പത്തെ ചൊല്ലി പെൺകുട്ടിയെ മർദിച്ചിരുന്നു എന്നാണ് വിവരം. ശനിയാഴ്ച രാത്രി 11 മണിയോടെ പെൺകുട്ടിയെ ഫോണിൽ വിളിച്ച് കിട്ടാതായതോടെ സുഹൃത്തിന്റെ സ്കൂട്ടറിൽ ഇവിടെ എത്തുകയായിരുന്നു. വീടിനുള്ളിൽ കയറിയപ്പോൾ തന്നെ മർദിച്ചു എന്നാണ് ഇയാൾ പോലീസ് നൽകിയ മൊഴി. വീടിനുള്ളിൽനിന്നു കയ്യിൽ കിട്ടിയ വസ്തുക്കളൊക്കെ വച്ച് ഉപദ്രവിക്കുകയും തല ഭിത്തിയിൽ ഇടിപ്പിക്കുകയും ചെയ്തു. ഇതിനിടെ പെൺകുട്ടിയെ ലൈംഗികബന്ധത്തിനും നിർബന്ധിച്ചു. തർക്കം രൂക്ഷമായതോടെ, താൻ മരിക്കാൻ പോവുകയാണെന്ന് പറഞ്ഞ് പെൺകുട്ടി ഷാൾ കഴുത്തിൽ കുരുക്കി. പോയി ചത്തോ എന്ന് താൻ പറഞ്ഞെന്നും അനൂപ് പോലീസിനു നൽകിയ മൊഴിയിൽ പറയുന്നു.

ഇതോടെ ഫാനിൽ കെട്ടിയ ഷാളിൽ തൂങ്ങിയ പെൺകുട്ടി മരണവെപ്രാളം കാട്ടിയോടെ ഇയാൾ കത്തിയെടുത്തു ഷാൾ മുറിച്ചിട്ടു. ഈ സമയത്തു പെൺകുട്ടി ബഹളം വച്ചപ്പോൾ താൻ വാ പൊത്തിപ്പിടിച്ചു എന്നും അനൂപിന്റെ മൊഴിയിലുണ്ട്. തലയ്ക്കും കഴുത്തിനുമേറ്റ ഗുരുതരമായ പരുക്കും ശ്വാസംമുട്ടിയതുമാണു പെൺകുട്ടിയുടെ ആരോഗ്യനില ഗുരുതരമാക്കിയത്. ഇതിനു ശേഷവും മണിക്കൂറുകളോളം ഇയാൾ ഇവിടെയുണ്ടായിരുന്നു. പെൺകുട്ടിക്ക് അനക്കമൊന്നുമില്ലെന്ന് മനസിലായതോടെ വെളുപ്പിനു 4ന് മറ്റൊരു സുഹൃത്തിനെ വിളിച്ചുവരുത്തി പിന്നിലെ വാതിൽ തുറന്ന് മതിൽ ചാടി അനൂപ് സ്ഥലംവിട്ടെന്നു പോലീസ് പറഞ്ഞു.

ഞായറാഴ്ച വൈകിട്ട് 4 മണിയോടെ ഇവിടെയെത്തിയ ബന്ധുവായ സ്ത്രീയാണ് സോഫയിൽ അനക്കമറ്റ നിലയിൽ പെൺകുട്ടിയെ കാണുന്നത്. അർധനഗ്നമായ അവസ്ഥയിലായിരുന്നു പെൺകുട്ടി. വീടിന്റെ പിന്നിലെ വാതിൽ തുറന്നിട്ടിരുന്നു. പെൺകുട്ടിയെ തൃപ്പൂണിത്തുറ സർക്കാർ ആശുപത്രിയിലും എറണാകുളം ജനറൽ ആശുപത്രിയിലും എത്തിച്ച ശേഷം സ്വകാര്യ ആശുപത്രിയിലെ ഐസിയുവിലേക്ക് മാറ്റി. ഞായറാഴ്ച രാവിലെ തന്നെ അനൂപിനെ കസ്റ്റഡിയിലെടുത്തിരുന്നു. താൻ മർദിച്ചെങ്കിലും പെൺകുട്ടി തൂങ്ങിമരിക്കാൻ ശ്രമിച്ചതിന് താൻ ഉത്തരവാദിയല്ലെന്നാണു പ്രതിയുടെ മറുപടി. കഞ്ചാവ് കേസിൽ ഇടുക്കി പീരുമേട് പോലീസ് സ്റ്റേഷനിലും അടിപിടി കേസുകൾക്ക് തലയോലപ്പറമ്പ് സ്റ്റേഷനിലും അനൂപിനെതിരെ കേസുകളുണ്ട്. അതുപോലെ അടിപിടി കേസിലും ഇയാൾ പ്രതിയാണ്.

BREAKING NEWS
ബാങ്കിൽനിന്ന് പണമെടുത്തിറങ്ങിയ യുവാവിനെ പട്ടാപ്പകൽ ആക്രമിച്ച് 9.90 ലക്ഷം കവർന്നു; നാലംഗസംഘത്തിന്റെ വിളയാട്ടം പട്ടാപ്പകൽ നാട്ടുകാരുടെ കൺമുമ്പിൽ; ആക്രമണത്തിന്റെ ദൃശ്യങ്ങൾ പുറത്ത്; സംഭവം നിലമ്പൂരിൽ
16 Nov 2026
BREAKING NEWS
പരിശോധനയ്ക്കിടെ സംശകരമായി വന്ന മഹീന്ദ്ര ഥാർ തടഞ്ഞു; പോലീസുകാർക്കു നേരെ ഥാർ ഇടിച്ചുകയറ്റി ലഹരി സംഘം; നാലുപേർക്ക് പരിക്ക്; സിപിഒയുടെ കൈ ഒടിഞ്ഞു തൂങ്ങി, മൂന്നുപേർ പിടിയിൽ
16 Nov 2026
BREAKING NEWS
ഫുക്കറ്റിൽ വൻ തീപിടിത്തം; 11 പേർ വെന്തുമരിച്ചു, 16 പേർക്ക് പരുക്ക്; നൂറോളം ബൈക്കുകൾ കത്തിയമർന്നു, പെട്രോൾ, എൻജിൻ ഓയിൽ, പ്ലാസ്റ്റിക് വസ്തുക്കൾ, ടയറുകൾ എന്നിവ സൂക്ഷിച്ചിരുന്നിടം ചാമ്പലായി; സമീപത്തെ കെട്ടിടങ്ങളിലേക്കും തീ പടർന്നു
16 Nov 2026
BREAKING NEWS
’97 കോടി പൗരന്മാർ വോട്ട് രേഖപ്പെടുത്തുന്ന മഹത്തായ രാജ്യമാണ് ഇന്ത്യ; അവിടെ പോയി ജനാധിപത്യത്തെക്കുറിച്ച് ക്ലാസെടുത്തുകൊടുക്കേണ്ട ആവശ്യമില്ല’; ഫിലിബെക്കിന്റെ വിമർശനത്തിന് ഇറ്റാലിയൻ പ്രധാനമന്ത്രി ജോർജിയ മെലോണിയുടെ പാർട്ടി നേതാവ്
16 Nov 2026