തൃശൂർ: ആംബുലൻസിൽ തൃശൂർ പൂരം നടക്കുന്ന വേദിയിലേക്കെത്തിയ സംഭവത്തിൽ കേന്ദ്രമന്ത്രി സുരേഷ് ഗോപിക്കെതിരേ കേസെടുത്തു. തൃശൂർ സിറ്റി ഈസ്റ്റ് പോലീസാണ് കേസെടുത്തത്. സുരേഷ് ഗോപിക്ക് പുറമേ അഭിജിത്ത് നായർ, ആംബുലൻസ് ഡ്രൈവർ എന്നിവരെയും കേസിൽ പ്രതി ചേർത്തിട്ടുണ്ട്.
സിപിഐ നേതാവ് സുരേഷ് നൽകിയ പരാതിയിലാണ് നടപടി. ലോക്‌സഭാ ഇലക്ഷൻ പ്രചാരണ തന്ത്രത്തിൻറെ ഭാഗമായി രോഗികളെ മാത്രം കൊണ്ടുവരാൻ അനുവാദമുള്ള ആംബുലൻസ് നിയമവിരുദ്ധമായി ഉപയോഗിച്ചെന്നാണ് എഫ്‌ഐആർ.
പൂരത്തിൻറെ ഭാഗമായ വാഹന നിയന്ത്രണം നിലനിൽക്കെ അത് ലംഘിച്ചുകൊണ്ട് ആംബുലൻസ് റൗണ്ടിലൂടെ ഓടിച്ചു. മനുഷ്യന് ജീവഹാനി വരുത്താൻ സാധ്യതയുള്ള രീതിയിൽ ജനത്തിനിടയിലൂടെ അപകടകരമായ രീതിയിൽ ആംബുലൻസ് ഓടിച്ചെന്നും എഫ്‌ഐആറിൽ പറയുന്നു.
