ന്യൂഡൽഹിയിൽ നടന്ന അവാർഡ് ദാന ചടങ്ങിൽ റിലയൻസ് ജിയോ ഇൻഫോകോം പ്രസിഡൻ്റ് ശ്രീ. മാത്യു ഉമ്മനെ 2023-ലെ പാത്ത്ബ്രേക്കർ ഓഫ് ദി ഇയർ അവാർഡ് നൽകി ആദരിച്ചു. ഈ സംയുക്ത അംഗീകാരം 5G യുടെ ദ്രുതഗതിയിലുള്ള വിന്യാസത്തിന് നേതൃത്വം നൽകുന്നതിൽ മാത്യു ഉമ്മൻ്റെ നിർണായക പങ്കിനെ എടുത്തുകാണിക്കുന്നു.
ഇന്ത്യയുടെ ടെലികമ്മ്യൂണിക്കേഷൻ രംഗത്ത് നൽകിയ സമാനതകളില്ലാത്ത സംഭാവനകൾ കണക്കിലെടുത്ത്, റിലയൻസ് ഇൻഡസ്ട്രീസിൻ്റെ ചെയർമാനും മാനേജിംഗ് ഡയറക്ടറുമായ ശ്രീ മുകേഷ് ഡി അംബാനിക്ക് വോയ്‌സ് & ഡാറ്റയുടെ അഭിമാനകരമായ ലൈഫ് ടൈം അച്ചീവ്‌മെൻ്റ് അവാർഡും ലഭിച്ചു. വോയ്‌സ് & ഡാറ്റ അവാർഡ് ചടങ്ങിൽ, നെറ്റ്‌വർക്ക് ഇൻഫ്രാസ്ട്രക്ചർ, ബഹുഭാഷാ ഇൻ്റർനെറ്റ്, കമ്മ്യൂണിക്കേഷൻ പ്ലാറ്റ്‌ഫോം, ബിസിനസ് പ്രോസസ് ഇന്നൊവേഷൻ, നെറ്റ്‌വർക്ക് സേവനങ്ങൾ, ഐഒടി എന്നിവയുൾപ്പെടെ വിവിധ വിഭാഗങ്ങളിലായി ആറ് അവാർഡുകൾ കൂടി ജിയോയ്ക്ക് ലഭിച്ചു.
“മുകേഷ് ധീരുഭായ് അംബാനിയുടെ ലൈഫ് ടൈം അച്ചീവ്‌മെൻ്റ് അവാർഡ് ഞങ്ങൾക്ക് കിട്ടിയ വലിയ ആദരമാണ്.” മുകേഷ് അംബാനിയെ ശക്തമായ ഒരു ജിപിയുവുമായി താരതമ്യം ചെയ്തുകൊണ്ട് മാത്യു ഉമ്മൻ പറഞ്ഞു. ടെലികോം, റീട്ടെയിൽ, മീഡിയ, സ്‌പോർട്‌സ് എന്നിവയിൽ വ്യാപിച്ചുകിടക്കുന്ന അദ്ദേഹത്തിൻ്റെ നേതൃത്വം , ഈ മേഖലകൾ സമൂഹത്തിലെ നിലനിന്നിരുന്ന അതിർവരമ്പുകൾ ഭേദിച്ച് എല്ലാവരെയും ഉൾക്കൊള്ളുന്നതും എല്ലാവർക്കും താങ്ങാനാവുന്നതാക്കി . റിലയൻസ് നിലകൊള്ളുന്ന എല്ലാ കാര്യങ്ങളിലും ഈ ധാർമ്മികത ഉൾച്ചേർന്നിരിക്കുന്നു. ഇന്നത്തെ, സാങ്കേതികവിദ്യയുടെ പരിവർത്തന യുഗത്തിൽ, ഡിജിറ്റൽ ലോകത്ത് ഇന്ത്യയുടെ പങ്ക് വിപ്ലവകരമായിരിക്കും. ഒരു വ്യവസായവും രാഷ്ട്രവും എന്ന നിലയിൽ, നമ്മുടെ സംഭാവനകൾ സമാനതകളില്ലാത്തതായിരിക്കും, കൂടുതൽ സമത്വവും സുസ്ഥിരവും ആയിരിക്കും എല്ലാ ഇന്ത്യക്കാരുടെയും ഭാവി.”
മാത്യു ഉമ്മൻ തൻ്റെ സ്വീകരണ പ്രസംഗത്തിൽ, അംഗീകാരത്തിന് നന്ദി രേഖപ്പെടുത്തുകയും സാങ്കേതിക പുരോഗതിയിലേക്ക് നയിക്കുന്നതിൽ സഹകരണത്തിൻ്റെ നിർണായക പങ്കിനെ എടുത്തുകാട്ടുകയും ചെയ്തു. , “വളരെ ആദരണീയരായ രണ്ട് വ്യവസായ സഹപ്രവർത്തകർ, ശ്രീ. നീരജ് മിത്തൽ, ശ്രീ. ഗോപാൽ വിത്തൽ എന്നിവരോടൊപ്പം എനിക്ക് ലഭിച്ച ഈ അംഗീകാരത്തിൽ ഞാൻ അങ്ങേയറ്റം അഭിമാനിക്കുന്നു ” അദ്ദേഹം പറഞ്ഞു.
എ ഐ യുടെയും സുരക്ഷയുടെയും അതിരുകൾ ഭേദിക്കുന്ന ജി പി യു , ക്വാണ്ടം കമ്പ്യൂറ്റിങ് തുടങ്ങിയ പുരോഗതികളാൽ നയിക്കപ്പെടുന്ന സാങ്കേതികവിദ്യയുടെ തുടർച്ചയായ പരിണാമം ചൂണ്ടിക്കാട്ടി, സമൂഹത്തിൽ സാങ്കേതികവിദ്യ സൃഷ്ടിക്കുന്ന പരിവർത്തനപരമായ സ്വാധീനത്തെ കുറിച്ച് മാത്യു ഉമ്മൻ എടുത്തുപറഞ്ഞു. സമൂഹത്തിലെ എല്ലാ വിഭാഗങ്ങളെയും ഉത്തരവാദിത്തത്തോടെയും സുസ്ഥിരമായും ഉയർത്തുന്നതിന് അത്യാധുനിക സാങ്കേതികവിദ്യകൾ പ്രയോജനപ്പെടുത്തേണ്ടതിൻ്റെ പ്രാധാന്യം അദ്ദേഹം ഊന്നിപ്പറഞ്ഞു.
പ്രശസ്ത സാമ്പത്തിക വിദഗ്ധനും മലയാളിയുമായ എം എ ഉമ്മന്റെ മകനാണ് മാത്യു.
