സുപ്രീം കോടതിയില്‍ നിന്ന് ദിലീപിന് തിരിച്ചടി? തുടരന്വേഷണം വേണ്ടെന്നു പറയാന്‍ കോടതികള്‍ക്ക് അധികാരമില്ല

കൊച്ചി: നടിയെ ആക്രമിച്ച കേസിന്റെ വിചാരണ സമയബന്ധിതമായി പൂര്‍ത്തിയാക്കണമെന്നാവശ്യപ്പെട്ട് ദിലീപ് സുപ്രീം കോടതിയെ സമീപിച്ചതു തിരിച്ചടിയാകുമോയെന്ന് റിപ്പോര്‍ട്ട്. വിചാരണ വൈകുന്നതു ചൂണ്ടിക്കാട്ടി നേരത്തെ സമീപിച്ചപ്പോള്‍ ആറുമാസംകൂടി നീട്ടിക്കൊടുക്കുകയാണു സുപ്രീം കോടതി ചെയ്തത്. തുടരന്വേഷണ റിപ്പോര്‍ട്ട് പുതിയ അന്വേഷണത്തിനുപയോഗിക്കുന്നതു തടയണമെന്നും ഒരിക്കല്‍ വിസ്തരിച്ചവരെ വീണ്ടും വിസ്തരിക്കാന്‍ അനുവദിക്കരുതെന്നുമാണ് ദീലീപിന്റെ ആവശ്യം.

എന്നാല്‍ സ്ത്രീപീഡനക്കേസില്‍ ശക്തമായ നിലപാടാണു സുപ്രീം കോടതി സ്വീകരിച്ചുവരുന്നത്. നേരത്തെ കേസ് പരിഗണിച്ച ജസ്റ്റിസ് ഖാന്‍വില്‍ക്കര്‍ കഴിഞ്ഞദിവസം വിരമിച്ചു. ഇനി പുതിയ ബെഞ്ചാവും കേസ് പരിഗണിക്കുക. സുപ്രീംകോടതിയിലെ മുതിര്‍ന്ന അഭിഭാഷകന്‍ മുകുള്‍ റോത്തഗിയുടെ നിയമോപദേശപ്രകാരമാണു ദിലീപിന്റെ നീക്കം.

ദിലീപിന്റെ ഹര്‍ജിയില്‍ വാദം കേട്ടശേഷമാകും പ്രത്യേകാനുമതി ഹര്‍ജി അനുവദിക്കുന്നതില്‍ കോടതി തീരുമാനമെടുക്കുക. തുടരന്വേഷണം വേണമെന്ന് അന്വേഷണ ഉദ്യോഗസ്ഥന്‍ ആവശ്യപ്പെട്ടാല്‍, പാടില്ലെന്നു പറയാന്‍ കോടതികള്‍ക്ക് അധികാരമില്ലെന്നു സുപ്രീം കോടതിയുടെതന്നെ വിധികളും റൂളിങ്ങുമുണ്ട്. ഇക്കാര്യം ചൂണ്ടിക്കാട്ടിയാകും പ്രോസിക്യൂഷന്‍ ഹര്‍ജിയെ എതിര്‍ക്കുക. തുടരന്വേഷണം പാടില്ലെന്നു പറയാന്‍ പ്രതിക്ക് അവകാശമില്ലെന്നാവും വാദം. വിചാരണത്തടവുകാരനല്ലാത്തതിനാല്‍ വിചാരണ വൈകുന്നതില്‍ ദിലീപിനു മറ്റു തടസങ്ങളില്ലെന്നതും ചൂണ്ടിക്കാട്ടും. ഹര്‍ജി തള്ളുന്നപക്ഷം സി.ബി.ഐ. അന്വേഷിക്കണമെന്ന ആവശ്യം ദിലീപ് വീണ്ടും ഉന്നയിച്ചേക്കും.

അതിജീവിതയുടെയും മുന്‍ഭാര്യയുടെയും അടുത്ത സുഹൃത്തായ ഉന്നത പോലീസ് ഓഫീസറാണ് തന്നെ ഈ കേസില്‍ കുടുക്കിയതെന്നാണ് ദിലീപിന്റെ ആരോപണം. ഓഫീസര്‍ നിലവില്‍ ഡി.ജി.പി. റാങ്കിലാണ്. അതിനാല്‍, നിഷ്പക്ഷ അന്വേഷണം സാധിക്കില്ല. അന്വേഷണ ഉദ്യോഗസ്ഥര്‍, പ്രോസിക്യൂഷന്‍, അതിജീവിത എന്നിവര്‍ വിചാരണ പൂര്‍ത്തിയാക്കി വിധി പറയാതിരിക്കാന്‍ വിചാരണക്കോടതി ജഡ്ജിയെ തടസപ്പെടുത്തുന്നുവെന്നും ഹര്‍ജിയില്‍ ആരോപിക്കുന്നുണ്ട്.

എന്നാല്‍, ഇതിനുള്ള തെളിവുകള്‍ കൂടി ദിലീപിനു ഹാജരാക്കേണ്ടി വരും. തനിക്കെതിരേ ചാനല്‍ ചര്‍ച്ചകളില്‍ പങ്കെടുത്ത വ്യക്തികളെയാണ് ഇപ്പോള്‍ സ്‌പെഷല്‍ പ്രോസിക്യൂട്ടറായും അതിജീവിതയുടെ വക്കീലായും നിയമിച്ചിരിക്കുന്നതെന്ന വാദം ദിലീപ് ഉന്നയിക്കും.

Similar Articles

Comments

Advertisment

Most Popular

കാറിന്റെ മുൻ സീറ്റുകൾക്ക് അടിയിൽ നിർമിച്ച അറയിൽ നോട്ടുകൾ: കട്ടപ്പനയിൽ ഒരു കോടിയുടെ കുഴൽപണം പിടികൂടി

കട്ടപ്പന : കാറിൽ കടത്തുകയായിരുന്ന 1.02 കോടി രൂപയുമായി 2 പേരെ പൊലീസ് പിടികൂടി. മൂവാറ്റുപുഴ റാൻഡർ മൂലയിൽ ഷബീർ (57), മലപ്പുറം ഊരകംചിറയിൽ പ്രതീഷ് (40) എന്നിവരെ കസ്റ്റഡിയിലെടുത്തു. ഇരുവരും കുഴൽപണ...

അവധി പ്രഖ്യാപിക്കാൻ വൈകി; കലക്ടർക്കെതിരെ ഹൈക്കോടതിയിൽ ഹർജി

കൊച്ചി : എറണാകുളം ജില്ലയിൽ മഴ ശക്തമായിരിക്കെ വിദ്യാഭ്യാസ സ്ഥാപനങ്ങൾക്ക് അവധി പ്രഖ്യാപിക്കാൻ വൈകിയ സംഭവത്തിൽ ജില്ലാ കലക്ടർക്കെതിരെ ഹൈക്കോടതിയിൽ ഹർജി. അവധി പ്രഖ്യാപിക്കാൻ മാർഗരേഖകൾ ഉൾപ്പടെ വേണമെന്ന ആവശ്യവുമായാണ് ഹർജി. എറണാകുളം...

ഹണി എം വര്‍ഗീസ് വിചാരണ നടത്തിയാല്‍ നീതി ലഭിക്കില്ല’; അപേക്ഷയുമായി അതിജീവിത ഹൈക്കോടതിയില്‍

കൊച്ചി: നടിയെ ആക്രമിച്ച കേസില്‍ വിചാരണക്കോടതി ജഡ്ജി ഹണി എം വർഗീസിനെ മാറ്റണമെന്ന് അതിജീവത ആവശ്യപ്പെട്ടു. ഇതുമായി ബന്ധപ്പെട്ട് ഹൈക്കോടതി രജിസ്ട്രാര്‍ക്ക് അപേക്ഷ നല്‍കി. ഹണി എം വര്‍ഗീസ് വിചാരണ നടത്തിയാല്‍...