മുംബൈ: ബോളിവുഡ് ഇതിഹാസം രാജ് കപൂറിന്റെ മകനും നടനുമായ രാജീവ് കപൂര്‍ () അന്തരിച്ചു. 58 വയസായിരുന്നു ഹൃദയാഘാതത്തെ തുടര്‍ന്നായിരുന്നു അന്ത്യം.
അടുത്ത ബന്ധുവായ നീതു കപൂറാണ് രാജീവിന്റെ മരണവാര്‍ത്ത പുറത്തുവിട്ടത്. ശാരീരികാസ്വസ്ഥതകളെ തുടര്‍ന്ന് രാജീവ് കപൂറിനെ മുംബൈയിലെ ആശുപത്രിയിലെത്തിച്ചെങ്കിലും രക്ഷിക്കാനായില്ല.
1983ല്‍ ‘ഏക് ജാന്‍ ഹേ ഹമ്’ എന്ന ചിത്രത്തിലൂടെയാണ് രാജീവ് സിനിമാ ലോകത്തേക്ക് ആദ്യ ചുവടുവച്ചത്. നടനായും, നിര്‍മാതാവായും സംവിധായകനായും അദ്ദേഹം പ്രവര്‍ത്തിച്ചു. അന്തരിച്ച നടന്‍ ഋഷി കപൂര്‍, രണ്‍ധീര്‍ കപൂര്‍ എന്നിവര്‍ സഹോദരങ്ങളാണ്. കഴിഞ്ഞ വര്‍ഷം ഋഷി കപൂറും ലോകത്തോട് വിടപറഞ്ഞിരുന്നു.
