മികച്ച സിനിമകളിലൂടെ പ്രേക്ഷകരെ എന്നും അമ്പരിപ്പിക്കുന്ന നടനാണ് ആമിര്‍ ഖാന്‍. ഇപ്പോള്‍ ബോളിവുഡിലെ ‘പെര്‍ഫെക്ഷനിസ്റ്റിന്റ്’ നിന്നും വരുന്ന വാര്‍ത്തകള്‍ എല്ലാ സിനിമാ ആരാധകരെയും ഞെട്ടിപ്പിക്കുന്നതാണ്. 1000 കോടി ബജറ്റില്‍ ഒരുങ്ങുന്ന മഹാഭാരതത്തില്‍ ആമിര്‍ഖാന്‍ നായകനാകുന്നു. ഏഴ് ഭാഗങ്ങളിലായി വരുന്ന സിനിമയില്‍ ആമിര്‍ ശ്രീ കൃഷ്ണന്റെ വേഷത്തിലാകും അഭിനയിക്കുക. ചിത്രം മുകേഷ് അംബാനിയാകും നിര്‍മിക്കുക എന്നാണ് റിപോര്‍ട്ടുകള്‍. ഏഴ് ഭാഗങ്ങളിലായി വരുന്ന സിനിമയുടെ ഓരോ സീരീസും വ്യത്യസ്ത സംവിധായകരാകും സംവിധാനം ചെയ്യുക. ചിത്രത്തിന്റെ കൂടുതല്‍ വിശദാംശങ്ങള്‍ അണിയറ പ്രവര്‍ത്തകര്‍ പുറത്ത് വിട്ടിട്ടില്ല.
