സുരേഷ്‌ഗോപിയും ഗോഗുല്‍ സുരേഷും ഒന്നിക്കുന്നു

അച്ഛനും മകനും ഒന്നിക്കുന്നു. സുരേഷ് ഗോപി നായകനായെത്തിയ ലേലത്തിന്റെ രണ്ടാം ഭാഗത്തിലാണ് ഗോഗുല്‍ സുരേഷ് വേഷമിടുന്നത് എന്നാണ് റിപ്പോര്‍ട്ട്. സുരേഷ് ഗോപിയുടെ ഏറ്റവും മികച്ച കഥാപാത്രങ്ങളില്‍ ഒന്നാണ് ലേലത്തിലെ ആനക്കാട്ടില്‍ ചാക്കോച്ചി. ഈപ്പച്ചന്റെയും മകന്‍ ചാക്കോച്ചിയുടെയും കഥ പറഞ്ഞ ലേലം ഒരു ഗംഭീര ഹിറ്റായിരുന്നു. എം ജി സോമന്‍ അവതരിപ്പിച്ച ഈപ്പച്ചന്റെ കഥാപാത്രവും ഏറെ ശ്രദ്ധ നേടിയിരുന്നു. വര്‍ഷങ്ങള്‍ക്ക് ശേഷം ലേലത്തിന് രണ്ടാം ഭാഗം ഒരുങ്ങുകയാണ്. രഞ്ജി പണിക്കര്‍ തിരക്കഥയൊരുക്കുന്ന ചിത്രത്തിന്റെ പേര് ആനകാട്ടില്‍ ചാക്കോച്ചി എന്നാണ്.

പുതിയ വിവരം ചിത്രത്തില്‍ ഒരു പ്രധാന കഥാപാത്രമായി ഗോകുല്‍ സുരേഷും എത്തുന്നു എന്നതാണ്. തന്റെ ഇന്‍സ്റ്റാഗ്രാം പോസ്റ്റില്‍ നിധിന്‍ രഞ്ജി പണിക്കരുമൊത്തുള്ള ചിത്രം ഗോകുല്‍ പോസ്റ്റ് ചെയ്തതോടെയാണ് ലേലം രണ്ടാം ഭാഗത്തില്‍ അച്ഛനൊപ്പം മകനുമെത്തുന്നതിന്റെ സൂചനകള്‍ ലഭിച്ചത്. ആനക്കാട്ടില്‍ ചാക്കോച്ചി എന്ന് പേരിട്ടിരിക്കുന്ന രണ്ടാം ഭാഗം സമവിധാനം ചെയ്യുന്നത് രഞ്ജി പണിക്കരുടെ മകനായ നിധിന്‍ രഞ്ജി പണിക്കരാണ്. രഞ്ജി പണിക്കര്‍ എന്റര്‍ടെയ്‌ന്മെന്റ്‌സിന്റെ ബാനറില്‍ രഞ്ജി പണിക്കരും ജോസ്മാന്‍ സൈമണും ബ്രിജേഷ് മുഹമ്മദും ചേര്‍ന്നാണ് ചിത്രം നിര്‍മ്മിക്കുന്നത്.
ആനക്കാട്ടില്‍ ചാക്കോച്ചിയുടെ മകനായി തന്നെയാകും ഗോകുല്‍ എത്തുകയെന്നും സ്ഥിരീകരിക്കാത്ത വാര്‍ത്തയുണ്ട്. ഏകലവ്യന്‍, മാഫിയ, കമ്മിഷണര്‍, ലേലം, പത്രം, ഭരത്ചന്ദ്രന്‍ ഐ.പി.എസ് തുടങ്ങി സുരേഷ് ഗോപിയെന്ന നടനെ മുന്‍നിരയിലേക്ക് കൊണ്ടുവന്ന ചിത്രങ്ങളൊക്കെയും രഞ്ജി പണിക്കരുടെ തൂലികയില്‍ പിറന്നവയാണ്. അതൊകൊണ്ട് തന്നെ സുരേഷ് ഗോപിയുടെ തിരിച്ചുവരവ് ഗംഭീരമായിരിക്കുമെന്നാണ് ആരാധകരുടെ പ്രതീക്ഷ.

Similar Articles

Comments

Advertisment

Most Popular

കാസർഗോൾഡ് ‘താനാരോ’ ലിറിക്കൽ വീഡിയോ

ആസിഫ് അലി, സണ്ണി വെയ്ൻ,വിനായകൻ, ദീപക് പറമ്പോൾ, മാളവിക ശ്രീനാഥ്, ശ്രീരഞ്ജിനി നായർ എന്നിവരെ പ്രധാന കഥാപാത്രങ്ങളാക്കി മൃദുൽ നായർ കഥയെഴുതി സംവിധാനം ചെയ്യുന്ന "കാസർഗോൾഡ് " എന്ന ചിത്രത്തിന്റെ ''താനാരോ"...

വിജയ് സേതുപതിയും സൂരിയും ഒരുമിക്കുന്ന വെട്രിമാരൻ ചിത്രം “വിടുതലൈ” പാർട്ട് 1 റിലീസ് പ്രഖ്യാപിച്ചു

ആരാധകർ ഏറെ പ്രതീക്ഷയോടെ കാത്തിരിക്കുന്ന വെട്രിമാരന്റെ കരിയറിലെ മെഗാ ബഡ്ജറ്റഡ് ചിത്രം 'വിടുതലൈ പാർട്ട് 1'ന്റെ റിലീസ് തീയതി പ്രഖ്യാപിച്ചു. മാർച്ച് 31നാണ് ചിത്രം ലോകമെമ്പാടുമുള്ള തിയേറ്ററുകളിലെത്തുക. ജയമോഹൻ രചിച്ച 'തുണൈവൻ' എന്ന...

ബേസിൽ ജോസഫ് ചിത്രം “കഠിന കഠോരമി അണ്ഡകടാഹം”പെരുന്നാളിന് തീയേറ്ററുകളിൽ

ജയ ജയ ജയ ഹേ എന്ന ചിത്രത്തിന് ശേഷം ബേസിൽ ജോസഫ് നായകനാകുന്ന കഠിന കഠോരമി അണ്ഡകടാഹം പെരുന്നാൾ റിലീസായി തിയേറ്ററുകളിലേക്കെത്തും. നവാഗതനായ മുഹാഷിൻ ആണ് ചിത്രം സംവിധാനം ചെയ്യുന്നത്. ബേസിൽ ജോസഫ്...