വെറോണ്‍ ഫിലാന്‍ഡര്‍ എറിഞ്ഞിട്ടു, കേപ്ടൗണ്‍ ടെസ്റ്റില്‍ ഇന്ത്യക്കു 72 റണ്‍സിന്റെ തോല്‍വി

കേപ്ടൗണ്‍: ദക്ഷിണാഫ്രിക്കന്‍ പരമ്പരയിലെ ആദ്യ മത്സരത്തില്‍ ഇന്ത്യക്കു തോല്‍വി. കേപ്ടൗണില്‍ നടന്ന ആദ്യ ടെസ്റ്റില്‍ 72 റണ്‍സിനാണ് ഇന്ത്യ ആതിഥേയരോട് തോല്‍വി വഴങ്ങിയത്. 208 റണ്‍സ് വിജയലക്ഷ്യം പിന്തുടര്‍ന്ന ഇന്ത്യ 135 റണ്‍സിന് എല്ലാവരും പുറത്തായി. ആറു വിക്കറ്റ് പിഴുത വെറോണ്‍ ഫിലാന്‍ഡറുടെ മാസ്മരിക സ്‌പെല്ലാണ് ഇന്ത്യക്കു പരാജയത്തിലേക്കു വഴികാട്ടിയത്. 15.4 ഓവറില്‍ 42 റണ്‍സ് മാത്രം വഴങ്ങിയായിരുന്നു ഫിലാന്‍ഡറുടെ നേട്ടം.

37 റണ്‍സ് നേടിയ രവിചന്ദ്രന്‍ അശ്വിനാണ് ഇന്ത്യയുടെ ടോപ് സ്‌കോറര്‍. ഭുവനേശ്വര്‍ കുമാര്‍ 13 റണ്‍സുമായി പുറത്താകാതെനിന്നു. ഇരുവരും ചേര്‍ന്ന് എട്ടാം വിക്കറ്റില്‍ കൂട്ടിച്ചേര്‍ത്ത 49 റണ്‍സാണ് ഇന്ത്യയെ നൂറുകടത്തിയത്. നായകന്‍ വിരാട് കോഹ്ലി(28) റണ്‍സ് നേടി പുറത്തായപ്പോള്‍ ആദ്യ ഇന്നിംഗ്‌സിലെ ഹീറോ ഹാര്‍ദിക് പാണ്ഡ്യയുടെ സന്പാദ്യം ഒരു റണ്‍സായിരുന്നു. വിജയ്(13), ധവാന്‍(16), പുജാര(4), രോഹിത്(10), സാഹ(8), ഷാമി(4), ബുംറ(0) എന്നിങ്ങനെയായിരുന്നു മറ്റു ബാറ്റ്‌സ്മാര്‍മാരുടെ സംഭാവന. ദക്ഷിണാഫ്രിക്കയ്ക്കായി മോണ്‍ മോര്‍ക്കല്‍, കാസിഗോ റബാദ എന്നിവര്‍ രണ്ടു വിക്കറ്റും നേടി.

നേരത്തെ, അപ്രതീക്ഷിത തിരിച്ചുവരവിലൂടെയാണ് ഇന്ത്യ ദക്ഷിണാഫ്രിക്കയെ രണ്ടാം ഇന്നിംഗ്‌സില്‍ എറിഞ്ഞൊതുക്കിയത്. 77 റണ്‍സ് ലീഡുമായി രണ്ടാം ഇന്നിംഗ്‌സില്‍ ബാറ്റിംഗിനെത്തിയ ദക്ഷിണാഫ്രിക്ക 130 റണ്‍സിന് പുറത്തായി. മൂന്നാം ദിനം മഴകാരണം ഒരുപന്തു പോലും എറിയാന്‍ കഴിയാതിരുന്ന മത്സരത്തിന്റെ നാലാം ദിനം ഇന്ത്യന്‍ ബൗളര്‍മാരുടേതായിരുന്നു. 65/2 എന്ന നിലയില്‍ ബാറ്റിംഗ് തുടങ്ങിയ ദക്ഷിണാഫ്രിക്കയാണ് 130 റണ്‍സില്‍ പുറത്തായത്.

Similar Articles

Comments

Advertisment

Most Popular

ക്വാർട്ടറിൽ ബ്രസീലിനെ ഒഴിവാക്കാൻ സ്‌പെയിൻ ബോധപൂർവം തോറ്റു; ആരോപണവുമായി ഹ്യൂഗോ സാഞ്ചസ്

മെക്സിക്കോസിറ്റി: ലോകകപ്പിന്റെ ക്വാർട്ടർ ഫൈനലിൽ ബ്രസീലിനെ നേരിടുന്നത് ഒഴിവാക്കാൻ ജപ്പാനെതിരായ മത്സരം സ്പെയിൻ ബോധപൂർവം തോറ്റുകൊടുത്തതാണെന്ന ആരോപണവുമായി മുൻ മെക്സിക്കോ താരം ഹ്യൂഗോ സാഞ്ചസ്. ക്വാർട്ടർ ഫൈനലിൽ ബ്രസീലിനെതിരേ കളിക്കുന്നത് ഒഴിവാക്കാനുള്ള ഏറ്റവും...

തായ് വിദ്യാർഥിനിയെ അധ്യാപകൻ ലൈംഗികമായി ഉപദ്രവിക്കാൻ ശ്രമിച്ചെന്ന് പരാതി; പ്രതിഷേധം

ഹൈദരാബാദ്: തായ്ലാൻഡിൽനിന്നുള്ള വിദ്യാർഥിനിയെ പാർട്ടിക്കിടെ ലൈംഗികമായി ഉപദ്രവിക്കാൻ ശ്രമിച്ചെന്ന പരാതിയിൽ സർവകലാശാലാ അധ്യാപകനെതിരേ കേസെടുത്തു. ഹൈദരാബാദ് കേന്ദ്ര സർവകലാശാലയിലെ 62-കാരനായ പ്രൊഫസർക്കെതിരെയാണ് കേസെടുത്തിട്ടുള്ളത്. വെള്ളിയാഴ്ച രാത്രിയാണ് കേസിന് ആസ്പദമായ സംഭവം നടന്നത്. സർവകലാശാലയിലെ വിദ്യാർഥികളുടെ...

ഇടുക്കി എയര്‍സ്ട്രിപ്പ്: നാല് വിമാനം അനുവദിച്ചു; ശബരിമല തീര്‍ഥാടന ടൂറിസവും പരിഗണനയില്‍?

ഇടുക്കി: കാത്തിരിപ്പിനൊടുവില്‍ വണ്ടിപ്പെരിയാര്‍ സത്രം എയര്‍സ്ട്രിപ്പില്‍ ആദ്യ വിമാനമിറങ്ങിയതോടെ ഇടുക്കിയുടെ ആകാശ സ്വപ്നങ്ങള്‍ക്ക് ചിറകുവിടരുകയാണ്. രണ്ടുപേര്‍ക്ക് സഞ്ചരിക്കാവുന്ന വൈറസ് എസ്.ഡബ്ല്യു. 80 എന്ന ചെറുവിമാനം വിജയകരമായി ലാന്‍ഡ് ചെയ്തതിന് പിന്നാലെ എയര്‍സ്ട്രിപ്പിലേക്ക് നാല്...