സിംഹക്കൂട്ടില്‍ അതിക്രമിച്ചു കയറി യുവാവിന് പറയാനുണ്ടായിരുന്നത് പ്രതികാരത്തിന്റെ കഥ…

മധ്യപ്രദേശ്: പ്രതികാരം തലയ്ക്ക് പിടിച്ച് മൃഗശാലയിലെ സിംഹക്കൂട്ടില്‍ യുവാവ് അതിക്രമിച്ചു കയറി. മധ്യപ്രദേശിലെ ഇന്‍ഡോറിലുള്ള മൃഗശാലയിലാണു കാഴ്ച്ചക്കാരേയും ജീവനക്കാരേയും മുള്‍മുനയില്‍ നിര്‍ത്തികൊണ്ടു യുവാവിന്റെ സാഹസം അരങ്ങേറിയത്. കഴിഞ്ഞ ദിവസം ഉച്ചയോടെ മൃഗശാലയില്‍ എത്തിയ കൈലേഷ് വര്‍മ്മ എന്ന 38 കാരന്‍ സിംഹങ്ങളോടു കണക്കു തീര്‍ക്കും എന്ന് ഉറക്കെ പറഞ്ഞു കൊണ്ടു സിംഹക്കൂട്ടിലേയ്ക്കു പാഞ്ഞു കയറുകയായിരുന്നു.

ഈ സമയം മൂന്നു കുഞ്ഞുങ്ങള്‍ അടക്കം അഞ്ചു സിംഹങ്ങള്‍ കൂട്ടില്‍ ഉണ്ടായിരുന്നു. സംഭവമറഞ്ഞു സ്ഥലത്ത് എത്തിയ മൃഗശാല ജീവനക്കാര്‍ സിംഹങ്ങളെ ഉടന്‍ തന്നെ ഇരുമ്പു കൂട്ടില്‍ കയറ്റി വന്‍ അപകടം ഒഴിവാക്കി. പിന്നാലെ യുവാവിനെ പിടിച്ചു പോലീസില്‍ ഏല്‍പ്പിക്കുകയും ചെയ്തു. സിംഹങ്ങളോടു പ്രതികാരം ചെയ്യാനുള്ള കാരണം ചോദിച്ച പോലീസ് യുവാവ് പറഞ്ഞതു കേട്ടു ഞെട്ടി. തന്റെ ഗ്രാമത്തില്‍ ഉള്ളവരേ നിരന്തരമായി സിംഹങ്ങള്‍ ആക്രമിക്കുകയാണെന്നും അതില്‍ പ്രതികാരം ചെയ്യാനാണു താന്‍ സിംഹക്കൂട്ടില്‍ കയറിയത് എന്നും യുവാവ് പറയുന്നു.

Similar Articles

Comments

Advertisment

Most Popular

“കാസർഗോൾഡ് ” മോഷൻ ഡിജിറ്റൽ പോസ്റ്റർ റിലീസ്

ആസിഫ് അലി, സണ്ണി വെയ്ൻ,ഷൈൻ ടോം ചാക്കോ,വിനായകൻ, മാളവിക ശ്രീനാഥ്, ശ്രീരഞ്ജിനി നായർ എന്നിവരെ പ്രധാന കഥാപാത്രങ്ങളാക്കി മൃദുൽ നായർ കഥയെഴുതി സംവിധാനം ചെയ്യുന്ന "കാസർഗോൾഡ് " എന്ന ചിത്രത്തിന്റെ മോഷൻ...

നടൻ ബാബുരാജ് വഞ്ചനാക്കേസിൽ അറസ്റ്റിൽ

തൊടുപുഴ: വഞ്ചനാക്കേസിൽ നടൻ ബാബുരാജ് അറസ്റ്റിൽ. ഹൈക്കോടതി നിർദേശപ്രകാരം അടിമാലി പൊലീസ് സ്റ്റേഷനിൽ ഹാജരാകുകയായിരുന്നു. റവന്യു നടപടി നേരിടുന്ന കല്ലാറിലെ റിസോർട്ട് പാട്ടത്തിനു നൽകി പണം തട്ടിയെടുത്തെന്ന പരാതിയിലാണ് നടപടി. കേസിൽ ഹൈക്കോടതി മുൻകൂർ...

ഗായിക വാണി ജയറാം അന്തരിച്ചു

ചെന്നൈ: ഗായിക വാണിജയറാം അന്തരിച്ചു (77). ചെന്നൈയിലെ വസതിയിൽ മരിച്ച നിലയിലാണ് കണ്ടെത്തിയത്. നെറ്റിയിൽ ഒരു പൊട്ടലുണ്ടായിരുന്നു. തമിഴ്നാട്ടിലെ വെല്ലൂരിൽ 1945-ലായിരുന്നു ജനനം. കലൈവാണി എന്നായിരുന്നു യഥാർത്ഥ പേര്. മലയാളം, തമിഴ്, കന്നഡ,...