ആന്റി ഇതാ വീണ്ടും മണ്ടത്തരവുമായി എത്തിയിരിക്കുന്നു… ‘ശ്രീനഗറില്‍ നിന്ന് ലെഹിലേക്ക് പതിനഞ്ച് മിനിട്ട്’ സ്മൃതി ഇറാനിയ്ക്ക് പൊങ്കാലയിട്ട് സോഷ്യല്‍ മീഡിയ

ന്യൂഡല്‍ഹി: കേന്ദ്രമന്ത്രി സ്മൃതി ഇറാനിയ്ക്ക് സോഷ്യല്‍ മീഡിയയില്‍ വീണ്ടും പൊങ്കാല. ശ്രീനഗറില്‍ നിന്നും ലെഹിലേക്ക് ഇനി പതിനഞ്ച് മിനുട്ട് മാത്രമെടുത്താല്‍ മതിയെന്ന പുതിയ കണ്ടുപിടിത്തമാണ് ഇത്തവണ സ്മൃതിയെ കുഴപ്പിച്ചത്.

സൊജില്ല പാസ് ടണലിന് മന്ത്രിസഭ അംഗീകാരം നല്‍കിയെന്ന വിവരം ട്വിറ്ററിലൂടെ പങ്കുവെക്കവേയായിരുന്നു സ്മൃതി ഇറാനിക്ക് അബദ്ധം പിണഞ്ഞത്. പദ്ധതിക്ക് മന്ത്രിസഭയുടെ അംഗീകാരം ലഭിച്ചെന്നും ഇനി ശ്രീനഗറില്‍ നിന്നും 15 മിനുട്ട് കൊണ്ട് ലഹില്‍ എത്തിച്ചേരാമെന്നായിരുന്നു സ്മൃതി ഇറാനിയുടെ ട്വീറ്റ്. ടൈംസ് ഓഫ് ഇന്ത്യയുടെ വാര്‍ത്ത ഷെയര്‍ ചെയ്തുകൊണ്ടായിരുന്നു മന്ത്രി ട്വീറ്റ് ഇട്ടത്.

എന്നാല്‍ ട്വീറ്റ് വന്ന് ഏതാനും നിമിഷങ്ങള്‍ക്കുള്ളില്‍ തന്നെ സ്മൃതി ഇറാനിയെ ട്രോളി ട്വീറ്റുകള്‍ എത്തിത്തുടങ്ങി.

‘മാഡം, ശ്രീനഗറില്‍ നിന്നും ലെഹിലേക്ക് 15 മിനുട്ട് എന്നല്ല. ടണലിലൂടെ 15 മിനുട്ട് യാത്ര എന്നാണ്. ഉത്തരവാദിത്തമുള്ള സ്ഥാനത്തിരിക്കുന്ന നിങ്ങളെപ്പോലുള്ളവര്‍ വാര്‍ത്തഷെയര്‍ ചെയ്ത് ട്വീറ്റ് ചെയ്യുമ്പോള്‍ മിനിമം ഒരു തവണ വായിച്ചെങ്കിലും നോക്കണമെന്നായിരുന്നു ഒരാളുടെ പ്രതികരണം. ‘

‘ടണല്‍ ക്രോസ് ചെയ്യാനുള്ള ദൂരമാണ് 15 മിനുട്ട്. അല്ലാതെ ശ്രീനഗറില്‍ നിന്നും ലെഹിലേക്കുള്ള ദൂരമല്ല. ശ്രീനഗറില്‍ നിന്നും ലെഹിലെത്താന്‍ 20 മണിക്കൂറെങ്കിലും എടുക്കും. ഇതുപോലും താങ്കള്‍ക്ക് അറിയില്ലേ.’ എന്നായിരുന്നു മറ്റൊരാളുടെ ട്വീറ്റ്.

‘ആന്റി ഇതാ വീണ്ടും മണ്ടത്തരവുമായി എത്തിയിരിക്കുന്നു. എന്തിനാണ് താങ്കള്‍ക്ക് ഇത്രയും തിടുക്കം. ആദ്യം ആര്‍ട്ടിക്കിള്‍ മുഴുവനായി വായിക്കൂ.. എന്നിട്ട് ട്വീറ്റ് ചെയ്യൂ. നിങ്ങള്‍ക്ക് ഐ.ക്യു കുറവാണെന്ന് ഞങ്ങള്‍ക്ക് നേരത്തേ അറിയാം. എങ്കിലും വിമാനത്തില്‍ പറന്നാല്‍ പോലും 20 മണിക്കൂര്‍ യാത്ര വെറും പതിനഞ്ച് മിനുട്ട് കൊണ്ട് എത്തിച്ചേരാനാവില്ലെങ്കിലും താങ്കള്‍ മനസിലാക്കേണ്ടിയിരുന്നു. ‘- ഇതായിരുന്നു മറ്റൊരു പ്രതികരണം.

അതേസമയം സംഗതി വിവാദമായതോടെ ടൈംസ് ഓഫ് ഇന്ത്യ പ്രസ്തുത വാര്‍ത്ത പിന്‍വലിക്കുകയും വാര്‍ത്തയിലെ തലക്കെട്ടില്‍ തെറ്റുപറ്റിയെന്ന് വിശദീകരിക്കുകയും ചെയ്തിരുന്നു.

എന്നാല്‍ സൊജില്ലപാസ് ടണലിന് മന്ത്രിസഭ അംഗീകാരം നല്‍കിയ പാനലിലെ അംഗമായിട്ട് കൂടി ശ്രീനഗറില്‍ നിന്നും ലെഹിലെത്താന്‍ 15 മിനുട്ടല്ല എടുക്കുക എന്ന് സ്മൃതി ഇറാനിക്ക് അറിയില്ലേ എന്ന ചോദ്യമാണ് ട്വിറ്ററില്‍ ചിലര്‍ ഉയര്‍ത്തുന്നത്. എന്തിന് വേണ്ടിയാണ് ജനങ്ങളെ തെറ്റിദ്ധരിപ്പിക്കാനായി ഇത്തരം ട്വീറ്റുമായി ഇവര്‍ രംഗത്തെത്തുന്നതെന്നും ചിലര്‍ ചോദിക്കുന്നു.

Similar Articles

Comments

Advertisment

Most Popular

“പ്രാവ്” : ടൈറ്റിൽ പോസ്റ്റർ പ്രകാശനം നിർവഹിച്ച് മെഗാ സ്റ്റാർ മമ്മൂട്ടി

കഥകളുടെ ഗന്ധർവ്വൻ .പി. പത്മരാജന്റെ ചെറുകഥയെ ആസ്പദമാക്കി നവാസ് അലി രചനയും സംവിധാനവും നിർവഹിക്കുന്ന പുതിയ ചിത്രം "പ്രാവ് "ന്റെ ടൈറ്റിൽ പോസ്റ്റർ മെഗാസ്റ്റാർ മമ്മൂട്ടി പ്രകാശനം നിർവഹിച്ചു. സെറ്റ് സിനിമയുടെ ബാനറിൽ...

മെസ്സി പെനല്‍റ്റി പാഴാക്കിയ മത്സരത്തില്‍ ഇരട്ട ഗോളുകള്‍ക്കു തകര്‍ത്ത് പ്രീക്വാര്‍ട്ടര്‍ ഉറപ്പിച്ച് അര്‍ജന്റീന

ദോഹ: സൂപ്പര്‍ താരം ലയണല്‍ മെസ്സി പെനല്‍റ്റി പാഴാക്കിയ മത്സരത്തില്‍ പോളണ്ടിനെ ഇരട്ട ഗോളുകള്‍ക്കു തകര്‍ത്ത് പ്രീക്വാര്‍ട്ടര്‍ ഉറപ്പിച്ച് അര്‍ജന്റീന. അലെക്‌സിസ് മാക് അലിസ്റ്റര്‍ (47–ാം മിനിറ്റ്), ജുലിയന്‍ അല്‍വാരെസ് (67')എന്നിവരാണ്...

11 വര്‍ഷം മുമ്പ് പങ്കാളിയേയും കുഞ്ഞിനേയും കടലില്‍ തള്ളിയിട്ട് കൊല; മാഹീന്‍കണ്ണിന്റെ ഭാര്യ റുക്കിയെയും അറസ്റ്റ് ചെയ്തു ; കേസില്‍ വഴിത്തിരിവായത് ദിവ്യയുടെ സഹോദരിയുടെ വരവ്

തിരുവനന്തപുരം: പങ്കാളിയേയും കുഞ്ഞിനേയും കടലില്‍ തള്ളിയിട്ട് കൊലപ്പെടുത്തിയ കേസിലെ മുഖ്യപ്രതി പൂവാര്‍ മണ്ണാന്‍വിളാകം മാഹീന്‍മന്‍സിലില്‍ മാഹീന്‍കണ്ണിന്റെ(43) ഭാര്യ റുക്കിയ(38)യേയും അറസ്റ്റ് ചെയ്തു. ഇവരെ കാട്ടാക്കട കോടതിയില്‍ ഹാജരാക്കി റിമാന്‍ഡ് ചെയ്തു. മാഹീനെതിരേ കൊലപാതകവും റുക്കിയക്കെതിരേ...