ശ്രീനഗർ: ശ്രീനഗറിൽ നടന്ന ഒരു ഉദ്ഘാടന ചടങ്ങിനിടെ ദേശീയ പതാകയോടുള്ള ആദരം പ്രകടമാക്കി ശ്രദ്ധേയമായ നിലപാട് സ്വീകരിച്ച് ജമ്മു കശ്മീർ മുഖ്യമന്ത്രി ഒമർ അബ്ദുള്ള.ബുധനാഴ്ച ശ്രീനഗറിലെ കാശ്മീർ ഹാറ്റിൽ സംഘടിപ്പിച്ച ‘Know Your Artisan’ പ്രദർശനത്തിന്റെ ഉദ്ഘാടനത്തിനിടെയാണ് സംഭവം. ഉദ്ഘാടനത്തിനായി കെട്ടിയിരുന്ന റിബൺ ദേശീയ പതാകയുടെ ത്രിവർണ്ണങ്ങളിലുള്ളതാണെന്ന് ശ്രദ്ധയിൽപ്പെട്ട മുഖ്യമന്ത്രി, അത് മുറിച്ച് ഉദ്ഘാടനം നടത്താൻ താൻ തയ്യാറാല്ലെന്ന് സംഘാടകരെ അറിയിച്ചു. ദേശീയ പതാകയോടുള്ള ആദരസൂചകമായി റിബൺ അഴിച്ചുമാറ്റാനും അദ്ദേഹം നിർദ്ദേശിച്ചു.റിബൺ മടക്കി സൂക്ഷിക്കണമെന്നും അദ്ദേഹം ഉദ്യോഗസ്ഥരോട് നിർദേശിച്ചു.
ഈ സംഭവത്തിന്റെ വീഡിയോ സോഷ്യൽ മീഡിയയിൽ വ്യാപകമായി പ്രചരിക്കുകയും, അദ്ദേഹത്തിന്റെ നിലപാട് നിരവധി പേർ പ്രശംസിക്കുകയും ചെയ്തു. യഥാർത്ഥ രാജ്യസ്നേഹം പ്രവൃത്തിയിലൂടെയാണ് പ്രകടമാകുന്നതെന്നും, ദേശീയ പതാകയോടുള്ള ബഹുമാനം ഉയർത്തിപ്പിടിച്ച നടപടി മാതൃകാപരമാണെന്നും നിരവധി പേർ അഭിപ്രായപ്പെട്ടു.
അതേസമയം, സർക്കാർ പരിപാടിയിൽ ദേശീയ പതാകയുടെ നിറങ്ങൾ ഉപയോഗിച്ച റിബൺ ഒരുക്കിയ സംഘാടകരെ ചിലർ വിമർശിക്കുകയും ചെയ്തു. കശ്മീരിലെ കരകൗശല തൊഴിലാളികളെ പ്രോത്സാഹിപ്പിക്കുന്ന ‘Soulful Kashmir’ കാമ്പയിന്റെ ഭാഗമായാണ് പരിപാടി സംഘടിപ്പിച്ചത്.
Related Post
CM @OmarAbdullah declines to cut the tricolour ribbon during an event.@JKNC_ @CM_JnK @BJP4JnK @INCJammuKashmir @jkpdp #JammuAndKashmir #Tricolour #Politics pic.twitter.com/HwEjQc1mDh
— Gulistan News (@GulistanNewsTV) April 15, 2026
