BREAKING NEWS

പ്രണയിച്ച് വിവാഹിതരായത് ഒരു മാസം മുൻപ്, യുവാവ് ഭാര്യയുമായി ഉറങ്ങാൻ കിടന്ന മുറിയിൽ ജീവനൊടുക്കിയ നിലയിൽ, താൻ ഒന്നുമറിഞ്ഞില്ലെന്ന് യുവതിയുടെ മൊഴി!! മൃതദേഹത്തിന്റെ തലയിൽനിന്ന് രക്തം പുറത്തേക്ക് വന്നിരുന്നു- ദുരൂഹതയാരോപിച്ച് യുവാവിന്റെ കുടുംബം

· · 1 min read
Share: Copied!

ബറേലി: പ്രണയിച്ച് വിവാഹിതരായി ഒരു മാസം പിന്നിടുന്നതിനിടെ 28കാരനെ വാടകവീട്ടിൽ തൂങ്ങിമരിച്ച നിലയിൽ കണ്ടെത്തി. ഉത്തർപ്രദേശിലെ ബറേലിയിൽ സി.ബി. ഗഞ്ച് പോലീസ് സ്റ്റേഷൻ പരിധിയിലാണ് സംഭവം. മരണത്തിൽ ദുരൂഹതയുണ്ടെന്ന് ബന്ധുക്കൾ ആരോപിച്ചതോടെ പോലീസ് അന്വേഷണം ആരംഭിച്ചു.

നവാഡിയ ഗ്രാമം സ്വദേശിയായ ഫൈസാനാണ് മരിച്ചത്. സ്വകാര്യ ആശുപത്രിയിൽ വാർഡ് ബോയ് ആയി ജോലി ചെയ്യവെയാണ് 22കാരിയായ ജാസ്മിനെ ഫൈസാൻ വിവാഹം കഴിച്ചത്. ഇരു കുടുംബങ്ങളിൽനിന്നും അകന്ന് വാടകവീട്ടിലായിരുന്നു ദമ്പതികളുടെ താമസം. ഏകദേശം ഒരു മാസം മുമ്പാണ് ഇരുവരും പ്രണയവിവാഹം കഴിച്ചത്.

ശനിയാഴ്ച രാത്രി ഭക്ഷണം കഴിച്ച ശേഷം ഫൈസാൻ ഉറങ്ങാൻ പോയിരുന്നു. ഭാര്യയും ഇതേ മുറിയിൽ ഉറങ്ങുകയായിരുന്നു. ഞായറാഴ്ച രാവിലെ ഉറക്കമുണർന്നപ്പോഴാണ് സീലിംഗ് ഫാനിൽ ദുപ്പട്ട ഉപയോഗിച്ച് ഫൈസാനെ തൂങ്ങിമരിച്ച നിലയിൽ കണ്ടതെന്നാണ് ജാസ്മിൻ പോലീസിന് മൊഴി നൽകിയത്. തുടർന്ന് യുവതി സ്വന്തം കുടുംബാംഗങ്ങളെയും ഭർത്താവിന്റെ ബന്ധുക്കളെയും വിവരമറിയിക്കുകയും പോലീസിൽ വിവരം നൽകുകയും ചെയ്തു.

ഫൈസാന്റെ വിവാഹത്തിൽ കുടുംബത്തിലെ ചിലർക്ക് എതിർപ്പുണ്ടായിരുന്നെന്നും ഇതിനെ തുടർന്ന് കുടുംബാംഗങ്ങൾ ഫൈസാനുമായി ബന്ധം വിച്ഛേദിച്ചിരുന്നെന്നും പോലീസ് പറഞ്ഞു. കുടുംബത്തിൽനിന്നുള്ള അകൽച്ചയെ തുടർന്ന് ഫൈസാൻ മാനസിക സമ്മർദത്തിലായിരുന്നുവെന്നും ഭാര്യ മൊഴി നൽകിയതായി പോലീസ് അറിയിച്ചു.

അതേസമയം, ഫൈസാന്റെ ബന്ധുക്കൾ മരണത്തിൽ സംശയം പ്രകടിപ്പിച്ചു. മൃതദേഹത്തിന്റെ തലയിൽനിന്ന് രക്തം പുറത്തേക്ക് വന്നിരുന്നതായി ബന്ധുക്കൾ പോലീസിനോട് പറഞ്ഞു. സംഭവസ്ഥലത്തെത്തി പോലീസ് തെളിവുകൾ ശേഖരിക്കുകയും കുടുംബാംഗങ്ങളുടെ മൊഴികൾ രേഖപ്പെടുത്തുകയും ചെയ്തു. മരണത്തിന്റെ യഥാർഥ കാരണം പോസ്റ്റ്മോർട്ടം റിപ്പോർട്ട് ലഭിച്ച ശേഷമേ വ്യക്തമാകൂവെന്ന് സിറ്റി-2 സർക്കിൾ ഓഫീസർ നിതിൻ കുമാർ പറഞ്ഞു.

പോസ്റ്റ്മോർട്ടം റിപ്പോർട്ട്, സംഭവസ്ഥലത്തുനിന്ന് ശേഖരിച്ച തെളിവുകൾ, കുടുംബാംഗങ്ങളുടെ മൊഴികൾ എന്നിവയുടെ അടിസ്ഥാനത്തിൽ തുടർനടപടികൾ സ്വീകരിക്കുമെന്ന് പോലീസ് അറിയിച്ചു. മരണത്തിൽ ആത്മഹത്യയാണോ മറ്റെന്തെങ്കിലും കാരണമാണോ എന്നതടക്കം പോലീസ് പരിശോധിച്ചുവരികയാണ്.

അയ്യോ പിണറായി വിജയന് തെറ്റിട്ടോ, കഴിഞ്ഞ ഓണത്തിന് സ്കൂൾ കുട്ടികൾക്ക് വിതരണം ചെയ്തത് അഞ്ചല്ല, നാലുകിലോ അരി… ശിവൻകുട്ടി സഖാവിന്റെ പഴയ പോസ്റ്റ് കുത്തിപ്പൊക്കി സോഷ്യൽ മീഡിയ

BREAKING NEWS
മിഠായി തൊണ്ടയിൽ കുടുങ്ങി; ആശുപത്രിയിലെത്തിച്ചെങ്കിലും രക്ഷിക്കാനായില്ല, ഒന്നരവയസുകാരന് ദാരുണാന്ത്യം
20 Nov 2026
BREAKING NEWS
കേരളത്തിന് 10,000 ആശുപത്രി കിടക്കകൾ കൂടി വേണം; മെഡിക്കൽ ടൂറിസത്തിൽ വൻ സാധ്യത, അടിസ്ഥാന സൗകര്യങ്ങൾ വർധിപ്പിക്കണമെന്ന് വിദഗ്ധർ
20 Nov 2026
BREAKING NEWS
ഇടതു സര്‍ക്കാരിന്റെ നേട്ടങ്ങള്‍ക്ക് മാത്രമല്ല കോട്ടത്തിനും സിപിഐ ഉത്തരവാദി, ഏത് പ്രശ്‌നം വന്നാലും വീണ്ടും പി എം ശ്രീ ഉയര്‍ത്തി പിടിക്കുന്ന ബിനോയ് വിശ്വത്തിന്റെ നിലപാട് ശരിയല്ല, വിമര്‍ശനവുമായി വി ശിവന്‍കുട്ടി
20 Nov 2026
BREAKING NEWS
ശിവൻകുട്ടിക്ക് രാഷ്ട്രീയബോധം നഷ്ടപ്പെട്ടോ?? സിപിഐയെ അറിയില്ലെങ്കിൽ അത് അറിയാൻ ശ്രമിക്കണം, അനവസരത്തിൽ ആർക്കുവേണ്ടി എന്തിനുവേണ്ടിയാണ് ഇത്തരം പ്രസ്താവന നടത്തുന്നത്- ബിനോയ് വിശ്വം
20 Nov 2026