കൊച്ചി: നെടുമ്പാശ്ശേരി വിമാനത്താവളത്തിന് സമീപം വിമാനം താഴ്ന്നുപറന്നതിനിടെ കാറ്റിന്റെ ശക്തിയിൽ സ്കൂൾ മേൽക്കൂരയിലെ ഓടുകൾ പറന്നുപോയി. ഇന്നലെ രാത്രി ഒക്കൽ ശ്രീനാരായണ ഹയർസെക്കൻഡറി സ്കൂളിന്റെ ഓടുമേഞ്ഞ കെട്ടിടത്തിന്റെ മേൽക്കൂരയാണ് തകർന്നത്. രാത്രിയായതിനാൽ വലിയ ദുരന്തമാണ് വഴിമാറിയത്.
നെടുമ്പാശ്ശേരിയിലേക്ക് പോയ വിമാനം താഴ്ന്നു പറന്നതാണ് അപകടകാരണമെന്ന് നാട്ടുകാർ പറയുന്നു. ഏതാനും മാസം മുൻപ് സമീപത്തുള്ള വീടിന്റെ ഓടുകളും സമാന രീതിയിൽ തകർന്നിരുന്നു. ഇക്കാര്യത്തിൽ നിരന്തരം പരാതി നൽകിയിട്ടും എയർപോർട്ട് അധികൃതർ നടപടിയെടുക്കുന്നില്ലെന്നാണ് നാട്ടുകാർ പറയുന്നത്. എന്നാൽ എന്നാൽ ഇത്തരം വിഷയങ്ങളിൽ വിമാന കമ്പനികൾ ആണ് ഉത്തരവാദിത്വം ഏറ്റെടുക്കേണ്ടതെന്നും, ഇതുവരെയുള്ള പരാതികളിൽ എയർപോർട്ട് അതോറിറ്റി ഇടപെട്ട് നഷ്ടപരിഹാരം നൽകിയിട്ടുണ്ടെന്നും ബന്ധപ്പെട്ട ഉദ്യോഗസ്ഥർ വ്യക്തമാക്കി.
