കോട്ടയം: ഭർത്താവ് കാർ പിന്നോട്ടെടുക്കുന്നതിനിടെ വാഹനത്തിനടിയിൽപ്പെട്ട് ഭാര്യയ്ക്ക് ദാരുണാന്ത്യം. കിടങ്ങൂർ സ്വദേശിനി ശോഭന കുമാരി (66) ആണ് മരിച്ചത്.
ഉച്ചകഴിഞ്ഞ് രണ്ടുമണിയോടെയായിരുന്നു അപകടം. യാത്ര കഴിഞ്ഞ് വീട്ടിൽ മടങ്ങിയെത്തിയതിന് പിന്നാലെ വീട്ടുമുറ്റത്ത് ഭർത്താവ് പട്ടേരിൽ മുരളീധരൻ പിള്ള കാർ പിന്നോട്ടെടുക്കുന്നതിനിടെയാണ് അപകടമുണ്ടായത്. വാഹനത്തിനടിയിൽപ്പെട്ട ശോഭന കുമാരിക്ക് ഗുരുതരമായി പരിക്കേറ്റു. തുടർന്ന് മരണം സംഭവിക്കുകയായിരുന്നു.
