കണ്ണൂർ: കാർ പിന്നോട്ടെടുക്കുന്നതിനിടെ കാറിനടിയിൽപെട്ട് ഒന്നരവയസുകാരിക്ക് ദാരുണാന്ത്യം. ഹൂറിൻ മഹബൂബി ആണ് മരിച്ചത്. രാവിലെ 11 മണിയോടെ കണ്ണൂർ തയ്യിലിലാണ് സംഭവം.
പിതാവ് വീട്ടുമുറ്റത്തിട്ട് കാർ തിരിക്കാനുള്ള ശ്രമത്തിനിടെ കുട്ടി ഓടി കാറിനടുത്തേക്ക് എത്തുകയായിരുന്നു. എന്നാൽ, ഇതറിയാതെ പിതാവ് കാർ പിന്നോട്ടെടുക്കുകയായിരുന്നു. ഗുരുതരമായി പരുക്കേറ്റ കുട്ടിയെ സ്വകാര്യ ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല. സംഭവത്തിൽ കുട്ടിയുടെ പിതാവ് ഷഫ് ഖത്തിനെതിരേ പോലീസ് കേസെടുത്തു. അശ്രദ്ധമായി വാഹനം കൈകാര്യം ചെയ്തുവെന്ന കുറ്റത്തിനാണ് കേസെടുത്തത്.
