BREAKING NEWS

ഞങ്ങൾ ശരാശരി മാസത്തിൽ ഒരു യുദ്ധം സന്ധിയാക്കും അതാണ് കണക്ക്!! എട്ടു മാസത്തിനുള്ളിൽ എന്റെ ഭരണകൂടം എട്ട് യുദ്ധങ്ങൾ അവസാനിപ്പിച്ചു, ഒരെണ്ണം ബാക്കിയുണ്ട്, പാക്കിസ്ഥാനും അഫ്ഗാനിസ്ഥാനും തമ്മിലുള്ള സംഘർഷം, ഉടൻ അതും അവസാനിപ്പിക്കും, ഷെഹ്ബാസ് ഷരീഫും അസിം മുനീറും മഹത്തായ മനുഷ്യർ’- ട്രംപ്

· · 1 min read
Share: Copied!

വാഷിങ്ടൻ: മാസത്തിൽ ഒരു യുദ്ധം അവസാനിപ്പിക്കുക എന്നതാണ് തങ്ങളുടെ കണക്കെന്ന് യുഎസ് പ്രസിഡന്റ് ഡോണൾഡ് ട്രംപ്. എട്ടെണ്ണം എട്ടുമാസത്തിനുള്ളിൽ അവസാനിപ്പിച്ചു കഴിഞ്ഞു. ഇനി ഒരെണ്ണം കൂടി ബാക്കിയുണ്ടെന്നും ട്രംപ്. പാക്കിസ്ഥാൻ പ്രധാനമന്ത്രി ഷെഹ്ബാസ് ഷരീഫും സൈനിക മേധാവി അസിം മുനീറും മഹത്തായ മനുഷ്യരാണ്. പാക്കിസ്ഥാനും അഫ്ഗാനിസ്ഥാനും തമ്മിലുള്ള സംഘർഷം യുഎസ് ഉടൻ പരിഹരിക്കുമെന്നും അദ്ദേഹം പറഞ്ഞു. തായ്‌ലൻഡും കംബോഡിയയും തമ്മിലുള്ള വെടിനിർത്തലിനു മധ്യസ്ഥത വഹിച്ച ശേഷമായിരുന്നു ട്രംപ് ഇക്കാര്യം പറഞ്ഞത്.

‘‘എട്ടു മാസത്തിനുള്ളിൽ എന്റെ ഭരണകൂടം അവസാനിപ്പിച്ച എട്ടു യുദ്ധങ്ങളിൽ ഒന്നാണിത്. ഞങ്ങൾ ശരാശരി ഒരു മാസം ഒന്ന് എന്ന തോതിൽ മാത്രമാണ് യുദ്ധം അവസാനിപ്പിക്കുന്നത്. ഒന്നു മാത്രമേ ശേഷിക്കുന്നുള്ളൂ. പാക്കിസ്ഥാനും അഫ്ഗാനിസ്ഥാനും യുദ്ധം ആരംഭിച്ചതായി ഞാൻ കേട്ടു. പക്ഷേ ഞാൻ അതു വളരെ വേഗത്തിൽ പരിഹരിക്കും. എനിക്ക് അവരെ രണ്ടു പേരെയും അറിയാം.

അതുപോലെ പാക്കിസ്ഥാൻ പ്രധാനമന്ത്രിയും സൈനിക മേധാവിയും മഹത്തായ മനുഷ്യരാണ്. യുദ്ധം വേഗത്തിൽ പരിഹരിക്കാൻ കഴിയുമെന്നതിൽ എനിക്കു സംശയമില്ല. കുറച്ചു ദിവസങ്ങൾക്കു മുൻപാണ് ശ്രമം ആരംഭിച്ചത്. ഞാൻ അത് ഭംഗിയായി ചെയ്യും. എനിക്ക് സമയമെടുത്ത് ദശലക്ഷക്കണക്കിന് ജീവൻ രക്ഷിക്കാൻ കഴിയുമെങ്കിൽ, അത് ശരിക്കും മികച്ച കാര്യമാണ്. എനിക്ക് ഇതിലും മികച്ചതായി ഒന്നും ചെയ്യാൻ കഴിയില്ല. എന്റെ ഭരണകൂടം വെറും എട്ടു മാസത്തിനുള്ളിൽ അവസാനിപ്പിച്ചത് എട്ടു യുദ്ധങ്ങളാണ്. അങ്ങനെയൊന്ന് ഒരിക്കലും ഉണ്ടായിട്ടില്ല, ഒരിക്കലും ഉണ്ടാകില്ല.’’ – ഡോണൾ‌ഡ് ട്രംപ് പറഞ്ഞു.

BREAKING NEWS
ആശുപത്രിയിൽ പട്ടിയും പൂച്ചയും പെറുന്നത് നിയന്ത്രിക്കാനുള്ള കഴിവ് മന്ത്രിയ്ക്കില്ല, അത് നോക്കേണ്ടത് ജീവനക്കാരാണ്, ഇത്തരം സംഭവങ്ങൾ ആവർത്തിച്ചാൽ ഇനി സ്ഥലംമാറ്റത്തിൽ ഒതുങ്ങില്ല, താക്കീതുമായി കെ മുരളീധരന്‍
22 Nov 2026
LATEST UPDATES
നേതാക്കൾക്ക് സംസ്ഥാന അധ്യക്ഷനെ കാണാൻ പോലും കിട്ടുന്നില്ല, പാര്‍ട്ടിയിലെത്തുന്നവര്‍ കൊഴിഞ്ഞു പോകുന്നത് രാജീവ് ചന്ദ്രശേഖറിന്റെ വീഴ്ച, ഇങ്ങനെ പോയാല്‍ നേമവും നഷ്ടമാകും, കേന്ദ്രത്തെ സമീപിക്കാന്‍ പ്രവര്‍ത്തകര്‍
22 Nov 2026
BREAKING NEWS
അമ്മയെ അവസാനമായി വിളിച്ചുവച്ചത് റൂമിലേക്ക് പോകുന്നുവെന്ന് പറഞ്ഞ്, രാത്രിയിൽ ഫോൺ വന്നത് മകൾ കുളിമുറിയിൽ വീണെന്നു പറഞ്ഞ്... രണ്ടാംവർഷ നഴ്സിങ് വിദ്യാർഥിനി വാടകവീട്ടിൽ മരിച്ചനിലയിൽ, ദുരൂഹതയെന്ന് ബന്ധുക്കൾ
22 Nov 2026
BREAKING NEWS
ഫെയര്‍നെസ് ക്രീം ഉപയോഗിച്ച് വൃക്ക രോഗം വന്നു, കണ്ണിന്റെ പോളയിലും കാലിലും നീര് വന്നു, മാസങ്ങളോളം ആശുപത്രി കയറിയിറങ്ങേണ്ടി വന്നു, ക്രീം തന്നത് കാസര്‍കോടുള്ള സുഹൃത്ത്, വെളിപ്പെടുത്തി ഗായകന്‍ സലീം കോടത്തൂര്‍
22 Nov 2026