സഹപ്രവര്‍ത്തകയ്‌ക്കെതിരേ മോശം പരാമര്‍ശം; ബി.ജെ.പി. നേതാവിന് സസ്‌പെന്‍ഷന്‍

ചെന്നൈ: തമിഴ്‌നാട്ടില്‍ സഹപ്രവര്‍ത്തകയ്‌ക്കെതിരേ അധിക്ഷേപ പരാമര്‍ശം നടത്തിയ ബി.ജെ.പി. നേതാവിന് സസ്‌പെന്‍ഷന്‍. തമിഴ്‌നാട് ബി.ജെ.പി.യുടെ ഒ.ബി.സി. വിഭാഗം നേതാവ് തൃച്ചി സൂര്യ ശിവയെയാണ് വ്യാഴാഴ്ച പാര്‍ട്ടിയില്‍നിന്ന് ആറുമാസത്തേക്ക് സസ്‌പെന്‍ഡ് ചെയ്തത്. മുതിര്‍ന്ന ഡി.എം.കെ. നേതാവും രാജ്യസഭാ എം.പി.യുമായ തൃച്ചി ശിവയുടെ മകനാണ് സൂര്യ ശിവ. 2022 മേയിലാണ് ഇയാള്‍ ബി.ജെ.പി.യില്‍ ചേര്‍ന്നത്.

ന്യൂനപക്ഷ നേതാവ് ഡെയ്‌സി സരണുമായി ഫോണില്‍ സംസാരിക്കുന്നതിനിടെയാണ് ശിവ അധിക്ഷേപ പരാമര്‍ശം നടത്തിയത്. ഇതിന്റെ ഓഡിയോ വലിയ തോതില്‍ സാമൂഹിക മാധ്യമങ്ങളില്‍ പ്രചരിച്ചതോടെ പാര്‍ട്ടി സൂര്യയോട് തിരുപ്പൂരിലെ ബി.ജെ.പി. ഓഫീസിലെ സമിതി മുന്‍പാകെ ഹാജരാവാന്‍ ആവശ്യപ്പെട്ടു.

സൂര്യ ശിവയെ ആറുമാസത്തേക്ക് പാര്‍ട്ടിയുടെ എല്ലാ നേതൃപദവിയില്‍നിന്നും മാറ്റിനിര്‍ത്തുകയാണെ് ബി.ജെ.പി. നേതാവ് അണ്ണാമലൈ അറിയിച്ചു. തന്റെ പ്രവൃത്തിയിലൂടെ സൂര്യ പാര്‍ട്ടിയുടെ മാനം കെടുത്തിയെന്ന് പുറത്താക്കിക്കൊണ്ടുള്ള പ്രസ്താവനയില്‍ അണ്ണാമലൈ പറഞ്ഞു.

സൂര്യയുടെ പ്രവൃത്തി പാര്‍ട്ടിക്ക് മാനക്കേടുണ്ടാക്കി. അതിനാല്‍ത്തന്നെ ആറുമാസത്തേക്ക് പാര്‍ട്ടിയുടെ എല്ലാ നേതൃപദവികളില്‍നിന്നും സൂര്യയെ നീക്കംചെയ്യുകയാണ്. സൂര്യയുടെ പ്രവൃത്തിയില്‍ പ്രകടമായ മാറ്റംവരികയും നേതൃത്വത്തിന്റെ വിശ്വാസ്യത പിടിച്ചുപറ്റുകയും ചെയ്യുമ്പോള്‍ അദ്ദേഹത്തെ വീണ്ടും തിരികെക്കൊണ്ടുവരും, അണ്ണാമലൈ വ്യക്തമാക്കി.

Similar Articles

Comments

Advertisment

Most Popular

തുനീസിയയ്‌ക്ക് ഓസ്ട്രേലിയൻ പ്രഹരം; ഇരുടീമുകളും ഇഞ്ചോടിച്ച് പോരാടിയ മത്സരത്തിൽ ഓസ്ട്രേലിയ 1–0 വിജയിച്ചു

ദോഹ: കരുത്തൻമാരായ ഡെൻമാർക്കിനോടു സമനില വഴങ്ങിയതിനു പിന്നാലെ വിജയം തേടിയിറങ്ങിയ തുനീസിയയ്‌ക്ക് ഓസ്ട്രേലിയൻ പ്രഹരം. ഇരുടീമുകളും ഇഞ്ചോടിച്ച് പോരാടിയ മത്സരത്തിൽ വിജയം ഓസ്ട്രേലിയയ്ക്ക് ഒപ്പം. (1–0) നായിരുന്നു ഓസ്‌‌ട്രേലിയൻ വിജയം. 23–ാം മിനിറ്റിൽ...

മന്ത്രി ആർ. ബിന്ദുവിനെതിരെ കോടതിയലക്ഷ്യത്തിന് അനുമതിതേടി അറ്റോർണി ജനറലിന് അപേക്ഷ

ന്യൂഡല്‍ഹി: കേന്ദ്ര നയങ്ങൾക്ക് ഒപ്പം സുപ്രീം കോടതി നിൽക്കുന്നുവെന്ന് അഭിപ്രായപ്പെട്ട ഉന്നത വിദ്യാഭ്യാസ മന്ത്രി ആർ. ബിന്ദുവിനെതിരെ ക്രിമിനൽ കോടതിയലക്ഷ്യ നടപടി ആരംഭിക്കാൻ അപേക്ഷ. അറ്റോർണി ജനറൽ ആർ. വെങ്കിട്ട രമണിക്കാണ് ബിജെപിയുടെ...

ബ്രൂസ് ലീയുടെ മരണ കാരണം അമിതമായി വെള്ളം കുടിച്ചത് ;പുതിയ കണ്ടെത്തൽ

ചൈനീസ് ആയോധനകലയ്ക്ക് ഹോളിവുഡിൽ പ്രചാരം നേടിക്കൊടുക്കുകയും ലോകമെമ്പാടും ആരാധകരെ സൃഷ്ടിക്കുകയും ചെയ്ത സൂപ്പർതാരമാണ് ബ്രൂസ് ലീ. 1973 ജൂലൈയിൽ 32ാം വയസ്സിൽ തലച്ചോറിലുണ്ടായ നീർവീക്കമായ സെറിബ്രൽ എഡിമ ബാധിച്ചാണ് ബ്രൂസ് ലീയുടെ മരണമെന്നാണ്...