പണം വേണ്ട, സ്‌നേഹം മാത്രം മതിയെന്ന് പറഞ്ഞ ഇന്ദ്രന്‍സേട്ടന്‍, സംവിധായകന്‍ ബാദുഷ പറയുന്നു

ഇന്ദ്രന്‍സിന്റെ വിനയത്തിന് മുന്നില്‍ തനിക്ക് കഥ പറയാന്‍ പോലും സാധിച്ചില്ലെന്ന് ഹോം സിനിമയുടെ സംവിധായകന്‍ റോജിന്‍ നേരത്തെ പറഞ്ഞിരുന്നു. ഇപ്പോഴിതാ നിര്‍മ്മാതാവ് എന്‍.എം. ബാദുഷയും ഇന്ദ്രന്‍സിനെ കുറിച്ച് ഒരു കുറിപ്പ് പങ്കിടുകയാണ്. രാത്രി വരെ മടി കൂടാതെ തന്റെ കഥാപാത്രം ഗംഭീരമാക്കിയിട്ട് ഇതിന് പണം വേണ്ട, സ്‌നേഹം മാത്രം മതിയെന്ന് പറഞ്ഞ ഇന്ദ്രന്‍സിനെ കുറിച്ചാണ് അദ്ദേഹം കുറിക്കുന്നത്.

ബാദുഷയുടെ വാക്കുകള്‍

ഹോമില്‍ നിന്നും എന്റെ ‘മെയ്ഡ് ഇന്‍ കാരവാനില്‍’ വന്ന് എന്റെ സിനിമയെ പൂര്‍ണതയില്‍ എത്തിച്ചു. ഇന്ദ്രന്‍സ് ചേട്ടാ എന്ത് പാവമാണ് നിങ്ങള്‍. രാവിലെ ഏഴു മുതല്‍ ഉച്ചകഴിഞ്ഞ് രണ്ടു വരെ മറ്റൊരു സിനിമയില്‍ അഭിനയിച്ച ശേഷമാണ് എന്റെ സിനിമയുടെ സെറ്റില്‍ അദ്ദേഹമെത്തിയത്. എത്തിയ ഉടന്‍ ഒരു വിശ്രമവുമില്ലാതെ രാത്രി ഒമ്പതര വരെ ഞങ്ങളുടെ സെറ്റില്‍ അദ്ദേഹം അഭിനയിച്ചു.

ഷൂട്ടിംഗ് കഴിഞ്ഞ് ഞാന്‍ കൊടുത്ത പാരിതോഷികം സ്വീകരിക്കാതെ അദ്ദേഹം പറഞ്ഞു, ഇതു ബാദുജിയുടെ ഭാര്യ നിര്‍മ്മിക്കുന്ന, സ്വന്തം കുടുംബത്തില്‍ നിന്നുള്ള ചിത്രമല്ലെ, ഇതിന് എനിക്ക് നിങ്ങളുടെ സ്‌നേഹം മാത്രം മതി . ആ സ്‌നേഹത്തിനു മുന്നില്‍ എന്റെ കണ്ണുകള്‍ നിറഞ്ഞു പോയി.ഹോമില്‍ നിങ്ങളെന്നെ കരയിപ്പിച്ചു. ഇപ്പോള്‍ നേരിട്ട് വന്ന് ജീവിതത്തില്‍ സ്‌നേഹം കൊണ്ട് കരയിപ്പിക്കുന്നു,നന്ദി ഇന്ദ്രന്‍സ് ചേട്ടാ.

Similar Articles

Comments

Advertismentspot_img

Most Popular