റജിസ്റ്ററും മെഷീനിലെ വേ‍ാട്ടും ഒത്തുനേ‍ാക്കി; ആകെ വോട്ടിനെക്കാൾ 50 വോട്ട് കൂടുതൽ!

പാലക്കാട് പുലാപ്പറ്റ എംഎൻകെഎം ഗവ.ഹയർസെക്കൻഡറി സ്കൂളിലെ 69–ാം നമ്പർ ബൂത്തിൽ രേഖപ്പെടുത്തിയ വേ‍ാട്ടിനെക്കാൾ 50 വേ‍ാട്ടു കൂടുതൽ മെഷീനിൽ കണ്ടെത്തി. മേ‍ാക്പേ‍ാളിങ്ങിലെ വേ‍ാട്ട് നീക്കം ചെയ്യാതെ വേ‍ാട്ടിങ് ആരംഭിച്ചതാണ് ഇതിനു കാരണം. പുലർച്ചെ നടത്തിയ മേ‍ാക് പേ‍ാളിങ്ങിൽ 50 വേ‍ാട്ടുകൾ രേഖപ്പെടുത്തിയിരുന്നു. പിന്നീട് വിവിപാറ്റിൽ നിന്ന് അവ ഒഴിവാക്കിയെങ്കിലും കൺട്രേ‍ാൾ യൂണിറ്റിൽ നിന്ന് ഒഴിവാക്കിയില്ല.

വേ‍ാട്ട് രേഖപ്പെടുത്തിയവരുടെ റജിസ്റ്ററും മെഷീനിലെ വേ‍ാട്ടും ഉച്ചയേ‍ാടെ ഒത്തുനേ‍ാക്കിയപ്പേ‍ാഴാണ് പ്രശ്നം ശ്രദ്ധിച്ചത്. നിലവിലുള്ള സ്ഥിതിയിൽ അതു നീക്കം ചെയ്യാൻ കഴിയില്ലെന്ന് അധികൃതർ പറഞ്ഞു. വേ‍ാട്ടെണ്ണുമ്പേ‍ാൾ ഈ 50 വേ‍ാട്ടുകൾ ഒഴിവാക്കുകയാണ് ചെയ്യുക. കമ്മിഷൻ ഒബ്സർവർ, മണ്ഡലം റിട്ടേണിങ് ഒ‍ാഫിസർ അർജുൻ പാണ്ഡ്യൻ എന്നിവർ ബൂത്തിലെത്തി നടപടികൾ പരിശേ‍ാധിച്ച് സാങ്കേതിക പ്രശ്നം വിലയിരുത്തി.

Similar Articles

Comments

Advertismentspot_img

Most Popular