മുംബൈ: പ്രമുഖ വ്യവസായി മുകേഷ് അംബാനിയുടെ ഉടമസ്ഥതയിലുള്ള റിലയൻസ് ഇൻഡസ്ട്രീസ് ലോകത്തെ 100 മുൻനിര കമ്പനികളുടെ പട്ടികയിൽ. ഫോർച്യൂൺ ഗ്ലോബൽ 500 പട്ടികയിൽ 2020-ലെ പുതിയ റാങ്കിങ്ങനുസരിച്ച് പത്തു സ്ഥാനം മെച്ചപ്പെടുത്തി 96-ാം സ്ഥാനത്തെത്തി.
ഇന്ത്യയിലെ ഏതെങ്കിലുമൊരു കമ്പനിയുടെ പട്ടികയിലെ ഏറ്റവും ഉയർന്ന റാങ്കിങ്ങാണിത്.
2012-ലെ റാങ്കിങ്ങിൽ റിലയൻസ് 99-ാം സ്ഥാനംവരെ എത്തിയിരുന്നെങ്കിലും പിന്നീട് പിന്നാക്കം പോകുകയായിരുന്നു. 2016-ൽ ഇത് 215-ാം സ്ഥാനം വരെയെത്തി.
പൊതുമേഖലാ എണ്ണക്കമ്പനിയായ ഇന്ത്യൻ ഓയിൽ കോർപ്പറേഷൻ റാങ്കിൽ 34-ാം സ്ഥാനം നഷ്ടമായി 151-ാം സ്ഥാനത്തായി.
ഒ.എൻ.ജി.സി.ക്ക് 30-ാംസ്ഥാനം നഷ്ടമായി 190-ാം റാങ്കിലേക്ക് വീണു. രാജ്യത്തെ ഏറ്റവും വലിയ പൊതുമേഖലാബാങ്കായ എസ്.ബി.ഐ. 15 റാങ്ക് മെച്ചപ്പെടുത്തി 221-ാം സ്ഥാനത്തെത്തി.
