സ്വർണ്ണക്കടത്ത്: മലയാളത്തിലെ പ്രശസ്തനായ ന്യൂജെന്‍ സിനിമാതാരത്തെ ചോദ്യം ചെയ്തേക്കും

സ്വർണ്ണക്കടത്ത് കേസിൽ ഉള്‍പ്പെട്ട പ്രതികളുമായി സ്വദേശത്തും വിദേശത്തും വച്ച് ബന്ധമുണ്ടായിരുന്ന മലയാളത്തിലെ പ്രശസ്തനായ ന്യൂജെന്‍ സിനിമാതാരത്തെ കസ്റ്റംസ്, എന്‍ഫോഴ്സ്മെന്‍റ് വിഭാഗങ്ങള്‍ ഉടന്‍ ചോദ്യം ചെയ്തേക്കുമെന്ന് സൂചന.

യുവതാരവുമായി ബന്ധപ്പെട്ട സാമ്പത്തിക ഇടപാടുകളും ഇദ്ദേഹത്തിന്‍റെയും കുടുംബത്തിന്‍റെയും വിദേശയാത്രകളും സംബന്ധിച്ച വിവരങ്ങള്‍ കഴിഞ്ഞ രണ്ടാഴ്ചയായി വിവിധ ഏജന്‍സികള്‍ ശേഖരിച്ചുവരികയായിരുന്നു.

താരത്തിന്‍റെ പിതാവിന്‍റെ സാമ്പത്തിക ഇടപാടുകളും വിദേശബന്ധങ്ങളും സംബന്ധിച്ചും അന്വേഷണം നടക്കുന്നുണ്ട്. തനിക്ക് ലഭിക്കുന്ന പ്രതിഫലത്തുക യുഎഇ വഴി സ്വീകരിച്ച് ഇത് സ്വര്‍ണമായി നാട്ടിലെത്തിക്കുന്നതാണ് താരത്തിന് വിനയായത്.

അതേസമയം, കസ്റ്റംസിന്‍റെ നീക്കങ്ങളെക്കുറിച്ച് സൂചന ലഭിച്ചതിന്‍റെ പശ്ചാത്തലത്തില്‍ യുവതാരം മാധ്യമങ്ങള്‍ക്ക് വന്‍തുക നല്‍കി പിആര്‍ പ്രവര്‍ത്തനങ്ങളില്‍ സജീവമാണെന്നും റിപ്പോർട്ടുകളുണ്ട്.

ഏതെങ്കിലും ദേശീയ ഏജന്‍സികള്‍ ചോദ്യം ചെയ്താലുണ്ടാകുന്ന മാനക്കേട് ഒഴിവാക്കാനായി ജീവകാരുണ്യ പരിപാടികൾ നടത്തുന്നതായാണ് റിപ്പോര്‍ട്ട്.

ഇത്തരം ഒരു പരിപാടിയിൽ പങ്കെടുത്ത പ്രമുഖ രാഷ്ട്രീയ പാർട്ടിയുടെ ജില്ലാ നേതാവിനെതിരെ ആ പാർട്ടി വിശദീകരണം ആവശ്യപ്പെട്ട് കത്ത് നൽകിയിട്ടുണ്ട്. പാർട്ടിയുടെ നടപടിയുണ്ടാകും എന്ന മുൻകരുതലിന്റെ ഭാഗമായാണ് ഈ നടപടി.

അതിനിടെ സ്വര്‍ണക്കടത്തു കേസില്‍ ഇന്ന് 2 പ്രതികളെക്കുടി അറസ്റ്റ് ചെയ്തിട്ടുണ്ട്.

Similar Articles

Comments

Advertisment

Most Popular

കാറിന്റെ മുൻ സീറ്റുകൾക്ക് അടിയിൽ നിർമിച്ച അറയിൽ നോട്ടുകൾ: കട്ടപ്പനയിൽ ഒരു കോടിയുടെ കുഴൽപണം പിടികൂടി

കട്ടപ്പന : കാറിൽ കടത്തുകയായിരുന്ന 1.02 കോടി രൂപയുമായി 2 പേരെ പൊലീസ് പിടികൂടി. മൂവാറ്റുപുഴ റാൻഡർ മൂലയിൽ ഷബീർ (57), മലപ്പുറം ഊരകംചിറയിൽ പ്രതീഷ് (40) എന്നിവരെ കസ്റ്റഡിയിലെടുത്തു. ഇരുവരും കുഴൽപണ...

അവധി പ്രഖ്യാപിക്കാൻ വൈകി; കലക്ടർക്കെതിരെ ഹൈക്കോടതിയിൽ ഹർജി

കൊച്ചി : എറണാകുളം ജില്ലയിൽ മഴ ശക്തമായിരിക്കെ വിദ്യാഭ്യാസ സ്ഥാപനങ്ങൾക്ക് അവധി പ്രഖ്യാപിക്കാൻ വൈകിയ സംഭവത്തിൽ ജില്ലാ കലക്ടർക്കെതിരെ ഹൈക്കോടതിയിൽ ഹർജി. അവധി പ്രഖ്യാപിക്കാൻ മാർഗരേഖകൾ ഉൾപ്പടെ വേണമെന്ന ആവശ്യവുമായാണ് ഹർജി. എറണാകുളം...

ഹണി എം വര്‍ഗീസ് വിചാരണ നടത്തിയാല്‍ നീതി ലഭിക്കില്ല’; അപേക്ഷയുമായി അതിജീവിത ഹൈക്കോടതിയില്‍

കൊച്ചി: നടിയെ ആക്രമിച്ച കേസില്‍ വിചാരണക്കോടതി ജഡ്ജി ഹണി എം വർഗീസിനെ മാറ്റണമെന്ന് അതിജീവത ആവശ്യപ്പെട്ടു. ഇതുമായി ബന്ധപ്പെട്ട് ഹൈക്കോടതി രജിസ്ട്രാര്‍ക്ക് അപേക്ഷ നല്‍കി. ഹണി എം വര്‍ഗീസ് വിചാരണ നടത്തിയാല്‍...