ജോഗിങ്ങിനിടെ ഇന്ത്യന്‍ വംശജയായ ഗവേഷക യുഎസില്‍ കൊല്ലപ്പെട്ടു

വാഷിങ്ടൺ: ഇന്ത്യൻ വംശജയായ ഗവേഷക അമേരിക്കയിൽ കൊല്ലപ്പെട്ടു. ശർമ്മിഷ്ഠ സെന്നാ(43)ണ് ജോഗിങ്ങിനിടെ കൊല്ലപ്പെട്ടത്. പോലീസ് അന്വേഷണം ആരംഭിച്ചതായി മാധ്യമങ്ങൾ റിപ്പോർട്ടു ചെയ്തു.

ടെക്സാസിലെ പ്ലാനോ നഗരത്തിൽ താമസിച്ചിരുന്ന ശർമ്മിഷ്ഠയ്ക്ക് നേരെ ചിഷോം ട്രെയ്ൽ പാർക്കിന് സമീപം ഓഗസ്റ്റ് ഒന്നിനാണ് ആക്രമണമുണ്ടായത്. ലെഗസി ഡ്രൈവിനും മാർച്ച്മാൻ വേയ്ക്കും സമീപത്തുള്ള വഴിയിലാണ് ശർമ്മിഷ്ഠയുടെ മൃതദേഹം കണ്ടെത്തിയത്.

കാൻസർ രോഗികളോടൊപ്പം ഫാർമസിസ്റ്റ് ആയി പ്രവർത്തിച്ചു വരികയായിരുന്ന ശർമ്മിഷ്ഠ, മോളിക്യുലർ ബയോളജിയിൽ ഗവേഷണവും നടത്തുകയായിരുന്നുവെന്ന് ഫോക്സ് 4 ന്യൂസ് റിപ്പോർട്ട് ചെയ്തു. ഇവർക്ക് രണ്ട് ആൺകുട്ടികളുണ്ട്.

കൊലപാതകവുമായി ബന്ധമുള്ള ഒരാളെ കവർച്ചയ്ക്ക് അറസ്റ്റ് ചെയ്തതായി സൂചനയുണ്ട്. ഇരുപത്തൊമ്പതുകാരനായ ബകാരി അബിയോണ മോൺക്രിഫ് ആണ് അറസ്റ്റിലായത്. ഇയാളിപ്പോൾ കോളിൻ കൗണ്ടി ജയിലിലാണ്.

കൊലപാതകം നടന്ന സമയത്ത് സമീപത്തുള്ള മൈക്കൽ ഡ്രൈവിലെ വീട്ടിൽ ഒരാൾ അതിക്രമിച്ചു കടന്നതായും അസാധാരണമായ കേസാണെങ്കിലും ഇതു പോലെയുള്ള സംഭവം ആവർത്തിക്കാതിരിക്കാൻ വേണ്ട നടപടി സ്വീകരിക്കുമെന്നും പോലീസ് അറിയിച്ചു.

ഒരു അത്ലറ്റ് കൂടിയായ ശർമ്മിഷ്ഠ എല്ലാദിവസം കുട്ടികളുണരുന്നതിന് മുമ്പ് ജോഗിങ്ങിന് പോകുന്ന പതിവുണ്ടായിരുന്നു. സംഭവത്തെ തുടർന്ന് നിരവധി പേർ ശർമ്മിഷ്ഠയുടെ കുടുംബത്തിന്റെ ദുഃഖത്തിൽ പങ്കു ചേരാനെത്തിയിരുന്നു.

എല്ലാവർക്കും പ്രിയങ്കരിയായിരുന്നു ശർമ്മിഷ്ഠയെന്നും അവർക്കുണ്ടായ അത്യാഹിതത്തിൽ അതിയായ ദുഃഖമുണ്ടെന്നും കുടുംബസുഹൃത്തായ മരിയോ മേജർ പറഞ്ഞു. വളരെ നല്ല കുടുംബത്തിന് സംഭവിച്ച ദുരന്തത്തിൽ ഖേദിക്കുന്നുവെന്ന് മറ്റൊരു സുഹൃത്തായ അനീഷ് ചിന്തല അറിയിച്ചു.

Similar Articles

Comments

Advertisment

Most Popular

ആലപ്പുഴ ജില്ലയിൽ ഇന്ന് 453 പേർക്ക് കോവിഡ്

ആലപ്പുഴ ജില്ലയിൽ ഇന്ന് 453 പേർക്ക് കോവിഡ് സ്ഥിരീകരിച്ചു ആറുപേർ വിദേശത്തുനിന്നും 38 പേർ മറ്റ് സംസ്ഥാനങ്ങളിൽ നിന്നും എത്തിയവരാണ്. *406പേർക്ക്സമ്പർക്കത്തിലൂടെയാണ് രോഗംബാധിച്ചത്* രണ്ട് ആരോഗ്യപ്രവർത്തകർക്ക് രോഗം സ്ഥിരീകരിച്ചിട്ടുണ്ട്. ഒരാളുടെ രോഗത്തിന്റെ...

പത്തനംതിട്ട ജില്ലയിൽ ഇന്ന് 189 പേർക്ക് കോവിഡ്

പത്തനംതിട്ട :ജില്ലയില്‍ ഇന്ന് (24) 189 പേര്‍ക്ക് കോവിഡ്-19 സ്ഥിരീകരിച്ചു. ഇന്ന് രോഗം സ്ഥിരീകരിച്ചവരില്‍ ഏഴു പേര്‍ വിദേശ രാജ്യങ്ങളില്‍ നിന്ന് വന്നവരും, 33 പേര്‍ മറ്റ് സംസ്ഥാനങ്ങളില്‍ നിന്നും വന്നവരും, 149...

തൃശൂർ ജില്ലയിൽ 474 പേർക്ക് കൂടി കോവിഡ്; 327 പേർക്ക് രോഗമുക്തി

തൃശൂർ ജില്ലയിൽ വ്യാഴാഴ്ച (24/09/2020) 474 പേർക്ക് കൂടി കോവിഡ്-19 സ്ഥീരികരിച്ചു. ഇതോടെ ജില്ലയിൽ ഇതുവരെയുള്ള കോവിഡ് രോഗികളുടെ എണ്ണം പതിനായിരം കടന്നു. വ്യാഴാഴ്ച 327 പേർ രോഗമുക്തരായി. ജില്ലയിൽ രോഗബാധിതരായി ചികിത്സയിൽ...