ലോക വിപണിയിലെ രാജ്യാന്തര ശക്തികളുമായി മത്സരിക്കുന്നതിന് ശരിയായ സര്‍ക്കാര്‍ ആനുകൂല്യങ്ങളും ധനസഹായവും ലഭിക്കുകയാണെങ്കില്‍ ഇന്ത്യയ്ക്കും മുന്നേറാന്‍ കഴിയുമെന്ന് ബിസിനസ് മേഖലയിലെ വിദഗ്ധര്‍. ചൈനയ്ക്ക് പകരമായി കുറഞ്ഞ ചെലവില്‍ ഉയര്‍ന്ന സാങ്കേതിക ടെലികോം, ടെക്‌നോളജി ഉപകരണ വിതരണക്കാരനായി ഇന്ത്യക്ക് മാറാന്‍ കഴിയുമെന്നും ബിസിനസ് വിദഗ്ധര്‍ സൂചിപ്പിച്ചു.
സാമ്പത്തിക മാന്ദ്യത്തില്‍ നിന്ന് കരകയറാന്‍ വ്യവസായത്തെ ശക്തിപ്പെടുത്തേണ്ടതുണ്ടെന്നും ഇതോടൊപ്പം ചൈനയെ കീഴടക്കണമെന്ന തോന്നല്‍ സര്‍ക്കാരിനുണ്ടാകണമെന്നും ഫോറിന്‍ കറസ്‌പോണ്ടന്റ് ക്ലബ് സൗത്ത് ഏഷ്യ സംഘടിപ്പിച്ച വെബിനാറില്‍ പങ്കെടുത്തവര്‍ പറഞ്ഞു. ടെക് മഹീന്ദ്ര എംഡിയും സിഇഒയുമായ സി.പി ഗുര്‍നാനി, സെല്ലുലാര്‍ ഓപ്പറേറ്റേഴ്‌സ് അസോസിയേഷന്‍ ഓഫ് ഇന്ത്യ ഡിജി രാജന്‍ മാത്യൂസ്, സിഎസ്സി ഇ-ഗവേണന്‍സ് സര്‍വീസസ് ഇന്ത്യ ലിമിറ്റഡ് സിഇഒ ഡോ. ദിനേശ് ത്യാഗി എന്നിവരാണ് ഇത്തരമൊരു അഭിപ്രായം പ്രകടിപ്പിച്ചത്.
5 ട്രില്യണ്‍ ഡോളര്‍ സമ്പദ്വ്യവസ്ഥയുള്ള ഒരു ആത്മനിര്‍ഭര്‍ ഭാരതത്തിലേക്ക് (സ്വാശ്രയ ഇന്ത്യ) ഇന്ത്യയെ നയിക്കാന്‍ നയ സംരംഭങ്ങളും പൊതു-സ്വകാര്യ പങ്കാളിത്തവും മികച്ച സംരംഭകത്വ പരിസ്ഥിതി വ്യവസ്ഥയും ആവശ്യമാണെന്ന് അവര്‍ അഭിപ്രായപ്പെട്ടു. ആത്മനിര്‍ഭര്‍ ഭാരത് രാജ്യാന്തര വ്യാപാരത്തില്‍ നിന്ന് ഇന്ത്യ പിന്തിരിയുകയല്ല അര്‍ഥമാക്കുന്നത്. വാസ്തവത്തില്‍, വിതരണ ശൃംഖലയില്‍ മുന്‍തൂക്കം നല്‍കി രാജ്യാന്തര വ്യാപാരത്തെ പ്രാപ്തരാക്കാന്‍ ഞങ്ങള്‍ ആഗ്രഹിക്കുന്നുവെന്നും വെര്‍ബിനാറില്‍ സെഷന്‍ ആരംഭിക്കുന്നതിനിടെ ഗുര്‍ണാനി പറഞ്ഞു.
ഇന്ത്യയ്ക്ക് ദത്തെടുക്കാനും ഒന്നിനെ മാറ്റി സ്ഥാപിക്കാനും കഴിയും. എന്നാല്‍, ആത്മനിര്‍ഭര്‍ ഭാരത് യാഥാര്‍ഥ്യമാക്കുന്നതിന് ഞങ്ങള്‍ക്ക് സര്‍ക്കാരിന്റെ നേതൃത്വം ആവശ്യമാണ്. മോദി സര്‍ക്കാര്‍ ഒരു വ്യക്തമായ ആഹ്വാനം നല്‍കിയതില്‍ എനിക്ക് സന്തോഷമുണ്ട്. ഇതൊരു ആക്കം കൂട്ടുകയും ഇന്ത്യയ്ക്ക് സ്വയം ആശ്രയിക്കാനായി ഉപഭോഗം വര്‍ധിപ്പിക്കുകയും വേണമെന്ന് ടെക് മഹീന്ദ്ര എംഡിയും സിഇഒയും പറഞ്ഞു.
ലോകം അഭൂതപൂര്‍വമായ പ്രതിസന്ധിയെ അഭിമുഖീകരിക്കുമ്പോള്‍, ഇന്ത്യ ഒരു സ്വാശ്രയ സമ്പദ്വ്യവസ്ഥയുടെ പുതുക്കിയ പാത തെരഞ്ഞെടുത്തു. പ്രധാനമന്ത്രി നരേന്ദ്ര മോദി 20 ലക്ഷം കോടി രൂപയുടെ ഉത്തേജക പാക്കേജ് ‘ആത്മനിര്‍ഭര്‍ ഭാരത്’ പ്രഖ്യാപിച്ചിരിക്കുകയാണ്. അത് മൊത്തം സമ്പദ്വ്യവസ്ഥയുടെ 10 ശതമാനമാണ്.
ആത്മനിര്‍ഭര്‍ ഭാരത് യാഥാര്‍ഥ്യമാക്കാന്‍ ഗവേഷണ-വികസന പ്രോത്സാഹനം നടത്തണം. ഓപ്പണ്‍ സോഴ്സിനെ ഗൗരവമേറിയ ബിസിനസ് അവസരമായി കണക്കാക്കുകയും വ്യാപാര ചര്‍ച്ചകളില്‍ മിടുക്കരാകുകയും വേണമെന്ന് മാത്യൂസ് പറഞ്ഞു. മറ്റ് രാജ്യങ്ങള്‍ ചെയ്തതുപോലെ രണ്ട്-മൂന്ന് നിര്‍ദ്ദിഷ്ട വ്യവസായങ്ങള്‍ക്ക് മുന്‍ഗണന നല്‍കേണ്ടതുണ്ട്. ക്രെഡിറ്റ് വിലകുറഞ്ഞതാക്കുകയും മൂല്യം സൃഷ്ടിക്കാന്‍ കഴിയുന്ന ആളുകളുടെ കൈകളിലേക്ക് പണം എത്തിക്കുകയും വേണം. സംവിധാനങ്ങള്‍ വികസിപ്പിക്കുന്നതിന് സ്റ്റാര്‍ട്ടപ്പുകളെയും വ്യക്തികളെയും ശാക്തീകരിക്കേണ്ടതുണ്ടെന്നും അദ്ദേഹം പറഞ്ഞു.
FOLLOW US: pathram online
