കളമശേരി: അപകീർത്തികരമായ പരാതി നൽകുകയും വാർത്ത പ്രചരിപ്പിക്കുകയും ചെയ്തതിനെതിരെ സിപിഎം ഏരിയ സെക്രട്ടറി കേസ് ഫയൽ ചെയ്തു.
തനിക്കെതിരെ നിരന്തരം അപകീർത്തികരമായി പരാതി നൽകുകയും സാമുഹൃമാധ്യമങ്ങളിലൂടെ വാർത്ത പ്രചരിപ്പിക്കുകയും ചെയ്ത ജി ഗിരീഷ് ബാബുവിനെതിരെ ആണ് സി പി എം കളമശേരി ഏരിയ സെക്രട്ടറി വി എ സക്കീർ ഹുസൈൻ കളമശേരി ജുഡീഷ്യൽ ഫസ്റ്റ് ക്ലാസ് മജിസ്ട്രേറ്റ് കോടതി മുമ്പാകെ കേസ് ഫയൽ ചെയ്തിരിക്കുന്നത്.
പ്രളയ ദുരിതാശ്വാസ തട്ടിപ്പിലെ യഥാർത്ഥ പ്രതികളെ രക്ഷിക്കാനും അവരെ വാർത്തകളിൽ നിന്ന് മറച്ചുവെക്കാനും അത് വഴി സിപിഐ എമ്മിനെ അപകീർത്തിപെടുത്താനും ലക്ഷ്യമിട്ടാണ് മനപ്പൂർവം സക്കീർ ഹുസൈൻ്റെ പേര് ബന്ധപ്പെടുത്തി പരാതിയും വാർത്തയും സൃഷ്ടിച്ചതെന്നാണ് പരാതിയിൽ പറയുന്നത്.
പൊതുപ്രവർത്തകനായ തന്നെ സമൂഹമധ്യത്തിൽ അവഹേളിക്കുവാൻ നിരന്തരം നവമാധ്യമങ്ങളിൽ വാർത്ത പ്രസിദ്ധീകരിക്കുകയും ചെയ്തിരുന്നു. ഇതിനെതിരെ അഡ്വ.കെ കെ നാസർ മുഖേന 25 ലക്ഷം രൂപ നഷ്ടപരിഹാരവും മറ്റ് നടപടി കളും ആവശ്യപ്പെട്ടാണ് കളമശ്ശേരി സ്വദേശി ഗിരീഷ് ബാബുവിനെതിരെ കേസ് ഫയൽ ചെയ്തത്.
